Amose 4:10 - AHYERƐLƐ KRONGRON

¹⁰ “Anwonyerɛ mɔ bɔ mva mmɔle Misraim ne, nzomane maa ɔɔbɔle ɛmɔ; mvale ngrandɛ ngukuni ɛmɔ mmerandeɛ mɔ; nzesale ɛmɔ mbɔngɔ mɔ ngɔle, mmane ɛmɔ asikyeleɛ nu pambaen ne wurale ɛmɔ bonyi anu, nakoso ɛmɔanza bamma me berɛ,” AWURADE noa dwirɛ ɛne.

Amose 4:10 Iomraidhean Croise

2 Ahemvo 10:32

Sɔ mmerɛ ne anu, AWURADE hyɛle ye bo kyɛ ɔma Yisrael aseɛ ne bie fi bɛ sa. Siria hene Hasael lili Yisrael so ngonim wɔ maen ne amukoraati nu:

2 Ahemvo 13:3

AWURADE fɛle Yisrael so yaa piri, maa ɔnate so ɔfale bɛ wurale Siria hene Hasael sa mmerɛ pee, yeɛ afei ɔfale bɛ wurale Hasael awa Ben Hadade koso sa.

2 Ahemvo 13:7

Yiti Yehoahase koɛhonɛfoɛ bɔ bɛte pɔngɔhanɛfoɛ ne, né bɛmmo aburannu. Ɔhale teaseɛnam buru yeɛ koɛhonɛfoɛ bɔ bɛnate bɛ gya nu ɔ apee buru pɛ. Ofikyɛ Siria hene huhuni bɛ maa bɛsamone berɛ kyɛ mvuture bɔ sona tiatia so ɔ.

2 Ahemvo 8:12

Na Hasael bisale kyɛ, “Me mene, nzu ati yeɛ esu ye?” Na Elisa buale kyɛ, “Ofikyɛ mese bɔne bɔ ɛkɔfa koli Yisraelfoɛ ɔ. Bɛ nguro bɔ babɔ ye nwo waen nemɔ, ɛkɔto bɛ nu see, ɛkɔfa ngrandɛ kohũhũ bɛ mmerandeɛ mɔ, ɛkɔte bɛ mma mmaa mmaa mɔ ti kɔbɔ nikyee nu kohũ bɛ, ná bɛ pemvoɛ mɔ koso, ɛkɔpakyepakye bɛ kunu.”

Ɛksadɔso 10:27

Nakoso AWURADE mane Faro bubuli mmakaa tuale ye so, na wamma bɛ ate maa bangɔ.

Ɛksadɔso 10:3

Yiti Mose ne Aarɔn bɛhɔle Faro berɛ beesele ye kyɛ, “AWURADE, Hebrifoɛ Nyameɛ ne nwa nyoo, ‘Ɛkɔpo kyɛ ɛkɔbrɛ wɔ nwo ase wɔ me nyunu maa okoodwu kyinzu? Ma me mmenia nemɔ ate ma bɛhɔ, ná bɛɛsɔne me.

Ɛksadɔso 14:4

Ngɔma Faro kobubu mmakaa kotua ye so. Ɔkɔpo bɛ so, nakoso ɔnate Faro ne ye lɔen amukoraa so ngɔhyɛ me nwo animnyam; na Misraimfoɛ konwu ye kyɛ me ole AWURADE.” Na sɔ ala yeɛ Yisraelfoɛ yɔle ɔ.

Ɛksadɔso 15:26

Na Mose hane kyɛ, “Sɛ ekotie AWURADE wɔ Nyameɛ dwirɛ, ná ayɔ bɔ ɔsɔ ye nye, ná ali ye mmeraa dwirɛ ne ye ahyɛdeɛ mukoraati so a, ye de anwonyerɛ bɔ nde nguale Misraimfoɛ so ne, mengɔte nu biala ngogua wɔ so; ofikyɛ me ole AWURADE, wɔ safoɛ ne.”

Ɛksadɔso 8:19

Na ngonyaayelɛfoɛ nemɔ sele Faro kyɛ, “Ɛhe de, Nyameɛ sa wɔ nu! Nakoso Faro bubuli mmakaa tuale ye so, na wandɛ bɛ so, kyɛbɔ AWURADE hane ne ala.

Ɛksadɔso 9:12

Nakoso AWURADE mane Faro bubuli mmakaa tuale ye so, na wandɛ bɛ so, kyɛbɔ AWURADE ha hyirele Mose ne ala.

Ɛksadɔso 9:17

Nakoso bekye po yeɛ adwɔso atia me mmenia, bɔ ɛngɔma bɛngɔhɔ ɔ.

Yesaya 34:3

Bekofindi bɛ mmenia bɔ bekohu bɛ ne bekogua, bɛ fuin nemɔ kɔbo mvamva, bɛ mogya kɔtengyɛ wɔ mmokaa nemɔ aso.

Yesaya 50:11

Ɛ́mɔtie, ɛmɔ bɔ ɛmɔkua see, bɔ ɛmɔfa gyetia bɛpɛ bɛ nwo bɛbra beyia ɔ! Ɛmɔ see wuronyiwuronyi ne, ɔne gyetia bɔ ɛmɔasɔ ne, ɛ́mɔnate nu! Bɔ ɛmɔkonya bekofi me berɛ hɔ ɛne: amaneɛnwunɛ nu yeɛ ɛmɔkɔlela berɛ ɔ.

Yesaya 9:12

Siriafoɛ kofi eyia afiteleɛ, yeɛ Filistifoɛ kofi eyia atɔleɛ, na bɛkɔbaye bɛ noa nu bɛkɔme Yisrael. Na ɛhemɔ amukoraa nu ne, ye ahone andɔ nzue nu, na ɔtɛ dwɔso tia bɛ.

Yesaya 9:13

Nakoso maen ne anza angɔ ye bɔ ɔhwene bɛ so ne berɛ, yeɛ bambena Asafo AWURADE si atee.

Yesaya 9:17

Ye sɔ ne ati, AWURADE nye ngɔgye bɛ mmerandeɛ nemɔ nwo, yeɛ ongonwu bɛ nyisiaa ne b’akunafoɛ mmrasua anwumvoin; ofikyɛ bɛ mukoraa benzuro Nyameɛ, bɛte bɔnefoɛ, na ebiala kekã ngwaseasɛm. Na ɛhemɔ amukoraa nu ne, AWURADE ahone andɔ nzue nu, na ɔtɛ dwɔso tia bɛ.

Yeremia 11:22

Yiti bɔ Asafo AWURADE kã ɛhe: “Tie, ngɔhwe bɛ so, mmerandeɛ nemɔ kɔtotɔ ngrandɛ noa, na ɛhɔen kɔma bɛ mma mmienzua ne bɛ mma mmrasua bekowuwu,

Yeremia 15:3

“Na ɛhawo ahoroɔ nna yeɛ ngɔprapra ngogua bɛ so ɔ, AWURADE noa dwirɛ ɛne. Bɛ ole ngrandɛ bɔ okohũhũ bɛ ɔ, ngyea bɔ bɛkɔtete bɛ naen ɔ, yeɛ ewienu nnomaa ne aseɛ so ngaka aboyaa bɔ bekohũhũ mmenia ná bɛkɔtete bɛ naen ɔ.

Yeremia 16:4

Ewue anwonyerɛ kohũhũ bɛ. Bengosu bɛ, yeɛ bengosie bɛ; bɛkɔyɛ kyɛ fofoɛ wɔ aseɛ ye aso. Ngrandɛ ne ɛhɔen yeɛ okohũhũ bɛ ɔ, na bɛ fuin kɔyɛ ewienu nnomaa ne aseɛ ye aso ngaka aboyaa b’aleɛ.

Yeremia 18:21

Yiti maa ɛhɔen ohũhũ bɛ mma mɔ, maa bɛtotɔ ngrandɛ noa, bɛ ye mɔ, ma bɛ mma fi bɛ sa, maa bɛyɛ kunafoɛ. Ma ewue anwonyerɛ ohũhũ bɛ hu mɔ; ma bɛ mmerandeɛ mɔ totɔ ngrandɛ noa wɔ koɛ nu.

Yeremia 48:15

Moabo abɔ, na sɛkyefoɛ ne wafo wahɔ ye nguro nemɔ anu, na ye mmerandeɛ bɔ baneanea nu baye bɛ nemɔ, baahu bɛ wɔ akumyɛɛ, Ɛhene ne, bɔ ye dumaa ole Asafo AWURADE ne, ye noa dwirɛ ɛne.

Yeremia 49:26

Yiti ye mmerandeɛ nemɔ kɔtotɔ wɔ ye mmorɔnoɛ nemɔ aso, na bekohũhũ koɛhonɛfoɛ nemɔ amukoraa sɔ kyẽa ne, Asafo AWURADE noa dwirɛ ɛne.

Yeremia 5:3

Ao AWURADE, aso nna nahorɛ yeɛ wɔ nye pena kyɛ onwu ye ɔ? Ahwe bɛ so, nakoso wanyɛ bɛ yea; ahũhũ bɛ, nakoso bamva ɛhe bandu bɛ nwo foɛ, bɛ nyunu porɛ bɔ babɔ ɔ, ɔtra nyɔboɛ, na bayɛ b’adwene kyɛ bɛngɔsakyera.

Yeremia 6:11

Yiti AWURADE ahonehulɛ ne wawura me nu tɛkyɛ bɔ mengora me nwo so hyɛ ɔ. “Ngɔfa me yaa piri ne ngɔhɔ ngwadaa so wɔ mmorɔnoɛ nemɔ aso, yeɛ mmerandeɛ kure ne aso; ofikyɛ bɛkɔhye biaa ne ɔye po, yeɛ nworowaa ne mmenia bɔ banyi paa ɔ koso.

Yeremia 9:22

Dwudwo! Bɔ AWURADE kã hɔ ɛhe: ‘Mmenia fuin kɔsamo aseɛnwo, kyɛ fofoɛ bɔ ogua eburo ɔ, kyɛ ɛmo si bɔ bate bakyekye ye tire tire bɔ ebiala ngɔboaboa ye noa ɔ.’ ”

Hosea 11:5

Ongosa ngɔhɔ Misraim aseɛ so, na mmom Asiria koli ye so hene, ofikyɛ bapo kyɛ bekosa bɛkɔwa me berɛ ɔ.

Yoel 2:20

na mmom ɛlɔen bɔ ofi sorɔ dɔ ne, ngɔye ye ngofi ɛmɔ so ngɔhɔ dedeede, na ngɔfoa ye ngɔhɔ aseɛ pralaa katerepee bie aso, bɔ ye nye kyire eyia afiteleɛ ɛpo, ná ye si kyire eyia atɔleɛ ɛpo; ye nwo pambaen kotu kɔwa, na ye mvaa ne kɔbɔ kɔwa, ofikyɛ wayɔ bɔne mbiri mbiri.

Lewitikɔso 26:16

bɔ me koso ngɔfa ngɔyɔ ɛmɔ ɛhe: ngɔmaa asane kandinga kɔto ɛmɔ; anwonyerɛ koangɔ kɔbɔ ɛmɔ, yeɛ ebunu bɔ ɔma bɛ nye yɛ wusiwusi ná ɔma sona ngoa so te ɔ kɔhye ɛmɔ. Sɛ ɛmɔdua nningyein a, ɛmɔkɔfɛ bekogua mbaen, ofikyɛ ɛmɔ pɔfoɛ mɔ yeɛ bekoli ɔ.

Lewitikɔso 26:25

Na ngɔhwe ɛmɔ so ngrandɛ, ná matɔ ɛmɔ so wereɛ, ɔnate apam bɔ ɛmɔabu so ne ati. Na sɛ ɛmɔkɔfeafea ɛmɔ nguro nemɔ anu a, ngɔsoma anwonyerɛ tɛɛ maa ɔkɔbɔ ɛmɔ, na ngɔfa ɛmɔ ngowura ɛmɔ pɔfoɛ mɔ sa.

Amose 4:6

“Mmane ɛmɔ noa aleɛ bɔle ɛmɔ wɔ ɛmɔ nguro nemɔ amukoraa so, yeɛ ɛhɔen wale ɛmɔ atenaleɛ nemɔ amukoraa nu, nakoso ɛmɔanza bamma me berɛ, AWURADE noa dwirɛ ɛne.

Amose 8:3

Na asɔneyɛɛ sua ne anu dwein kɔkakyi awuyebɔlɛ sɔ kyẽa ne, AWURADE Nyameɛ noa dwirɛ ɛne. Efuin pee kogua nekaa biala; na bekogyi bɛ bekogua nekaa biala konn!”

Hagae 2:17

Mvale fieso nningyein kesenɛ, asukuo ne asukɔtwea nzɛkyele ɛmɔ sa noa adwuma mukoraa; nakoso ɛmɔanza bamma me berɛ, AWURADE noa dwirɛ ɛne.

Deuteronomi 28:21

AWURADE kɔfa ewue anwonyerɛ kɔto wɔ so, kɔpem kyɛ ɔkɔpra wɔ boso kofi aseɛ bɔ ɛkwaafa tena so ne aso ɔ.

Deuteronomi 28:22

AWURADE kɔma ɛfɔen, ebunu ne ɛfokyɛlɛ kɔwa wɔ so; wawa kɔpe serɛserɛ, ewienu kɔyɛ hye, anwonyerɛ kɔha wɔ fieso nningyein, na amaneɛ hemɔ koli wɔ si toonn kɔpem kyɛ ekowu ɔ.

Deuteronomi 28:60

Misraim anwonyerɛ amukoraati bɔ né esuro ne, ɔkɔmaa okosa kɔbɔ wɔ, na bɛkɔyɛ koangɔ.

Deuteronomi 7:15

AWURADE kɔbɔ wɔ nwo waen kofi anwonyerɛ amukoraati nwo, na Misraim anwonyerɛ tɛɛ bɔ enwuni ye ne, ɔngɔma nu ko po ngɔbɔ wɔ. Nakoso bɛ bɔ bɛpɔ wɔ ne de, ɔkɔprapra anwonyerɛ nemɔ kogua bɛ so.