Amose 4:1 - AHYERƐLƐ KRONGRON

¹ Ɛmɔ, ɛ́mɔtie, Basan nandwie mmeleɛ bɔ ɛmɔwɔ Samaria bokaa so ɔ, ɛmɔ bɔ ɛmɔhyɛ mmenia bɔ bɛyɛ anwumvo ɔ so, ná ɛmɔsisi ehiafoɛ ɔ; ɛmɔ bɔ ɛmɔkã bekyire ɛmɔ ahu mɔ kyɛ, ‘Fa bra maa yɛno’ ɔ.

Amose 4:1 Iomraidhean Croise

1 Ahemvo 16:24

Omri tɔle Samaria bokaa ne ɛdwetɛ kilo aburasoo fili Semere berɛ. Ɔkyekyele kuro wɔ bokaa ne aso. Na kuro bɔ ɔkyekyele ne, ɔtole ye dumaa Samaria. Ɔfa tole Semere bɔ né ɔte bokaa ne mene ne.

YOB NWOMAA NE 20:19

Ofikyɛ wasisi mmenia bɔ bɛyɛ anwumvo ɔ, na wasa wapo bɛ, na wale sua bɔ nna ye yeɛ osili ɔ mbendene so.

YOB NWOMAA NE 24:4

Besumu mmenia bɔ bɛyɛ anwumvo ɔ befi atee so, na aseɛ so ehiafoɛ amukoraa bɛbɔ nu bɛkɔfea.

Edwein 12:5

AWURADE nwa nyoo, “Ɔnate kyɛ sona bɔ olle bie ne, bɛhyɛ ye, ná bɛma sona bɔ ɔyɛ anwumvo ne odi aworabɔlɛ ne ati, ngɔkekã me nwo. Ye nwo waenbɔlɛ bɔ yeɛ ɔpena ne, ngɔfa ngɔma ye.”

Edwein 140:12

Mese kyɛ AWURADE di bɛ bɔ bɛyɛ anwumvo ɔ bɛ dwirɛ ma bɛ, na obua ndɛen turoloo ma ehiafoɛ.

Edwein 22:12

Nandwie nyii pee bapɛ me nwo bayia, Basan nandwie nyii anwoserɛ nemɔ, bapɛ me nwo kango;

Anyandera 22:7

Sikafoɛ di ehiafoɛ so, yeɛ sona bɔ obisa bosea ne, ɔte bɔ ɔbɔ bosea n’akoaa.

Nworɛ Dwirɛhanɛniɛ 4:1

Nza nwuni nhyɛsoɛ amukoraa bɔ ɔkɔ so wɔ wiase ɔ. Bɛ bɔ mmenia hyɛ bɛ so ne, nea bɛ nye moen, belle aworakyekyerɛniɛ biala. Tumi wura bɛ bɔ bedi anyandim ne sa. Ao, amaneɛnwunɛfoɛ nemɔ, belle aworakyekyerɛniɛ biala!

Nworɛ Dwirɛhanɛniɛ 5:8

Sɛ enwu kyɛ manzini bie anu besisi ehianiɛ, kyɛ bebua ndɛengyea, ɔne kyɛ bɛkatakata nahorɛ so a, nnɛma sɔ dwirɛ ne yɛ wɔ nwanwa, ofikyɛ panyi bie yeɛ ɔnea sɔ panyi ne so ɔ, na bewura mbanyi paa biemɔ abo.

Yesaya 28:1

Wɔ yaakɔ, Efraim akɔnomnzafoɛ anwomasoɛ abotire ne, ɔne ye nyerɛen nyemenenyemene bɔ ye nyemene gu so okyikyi ne, abotire bɔ ɔwɔ bɔnza bɔ ɔkye aleɛ ne ti afia, akɔnomnzafoɛ bɛ kuro ne!

Yesaya 5:8

Bɛ yaakɔ! Bɛ bɔ basesa sua mɔ babɔ so, bɔ basesa eboo mɔ babɔ so, kɔpem kyɛ bɛkɔkandam ye mukoraa so, kɔpem kyɛ bɛ ngome bɛkɔha wɔ aseɛ ne aso ɔ.

Yesaya 56:12

“Bɛkã kyɛ, ‘Ɛmɔbra, mekwaafa nzaa meba, ɛ́mɔma yɛ́no nzaa serɛ yɛ́bo, na ɛhema koso ɔkɔyɛ kyɛ ɛnɛ ala, na ɔkɔtra so po!’ ”

Yesaya 58:6

“Aso nna akɔngyere he yeɛ ɔsɔ me nye ɔ: kyɛ ɛmɔkɔsangye nzɛmmɔne ngɔnzɔngɔnzɔ, kyɛ ɛmɔkɔsangye mmenia kɔnnua nyamaa, kyɛ ɛmɔkɔma bɛ bɔ ɛmɔhyɛ bɛ so ɔ bekonya bɛ fawɔnwodi, ɔne kyɛ ɛmɔkobubu kɔnnua biala ɔ?

Yeremia 50:11

“Ao, ɛmɔ bɔ ɛmɔfẽ m’agyapadeɛ ne ɔ, ɔnate kyɛ ɛmɔ nye gyele, ɔnate kyɛ ɛmɔlili ahurusi ne ati, ɛmɔayɛ mbiri mbiri kyɛ nandwie beleɛ akrɔngrɔma bɔ ɛserɛ apɛ ye nwo ayia ɔ, yeɛ ɛmɔsu kyɛ nandwie nyii’.

Yeremia 50:27

Ɛmɔhũhũ ye nandwie nyii nemɔ amukoraa, ɛ́mɔma bɛtorotoro bɛhɔ akumyɛɛ. Bɛ yaakɔ, ofikyɛ bɛ kyẽa ne adwu, b’asohwenɛ mmerɛ ne ɛne.

Yeremia 51:34

“Babilɔn hene Nebukadenesa wapura me, wapɛkyɛ me; wayɛ me tondura too, wame me kyɛ sasrabɔnzam yeɛ wame me ɔ; wafa me kunu nningyein fɛɛ wayi ye ko, na wafe me wato ase.

Yeremia 6:6

Ofikyɛ bɔ Asafo AWURADE ɔkã hɔ ɛhe: “Ɛ́mɔbubu Yerusalem mmakaa bégua, ɛ́mɔfa bɛ́yɛ nyinasoɛ bɛ́fo bɛhɔ kuro ne anu. Ɔte kuro bɔ ɔfata kyɛ bɛtwe ye so ɔ, nhyɛsoɛ ngome yeɛ ɔwɔ nu ɔ.

Yeremia 7:6

sɛ ɛmɔanhyɛ ɛwɔfoɛ mɔ, nyisiaa ne akunafoɛ mmrasua mɔ so, sɛ ɛmɔanga mogya bɔ odi be ɔ bangua wɔ wa, ná ɛmɔanzo nyameɛ foforɛ mɔ bamva banha ɛmɔ nwo a,

Hesekiel 18:12

ɔhyɛ ehiafoɛ ne bɛ bɔ bɛyɛ anwumvo ɔ so, ɔfa ebie nningyein patapaa so, ebie fa nikyee si ye berɛ awowaa a onza mva ye nikyee mma ye, ɔma ye ti so ɔfa ye nye kyire mmosoen mɔ, ɔbɔ akyiwadeɛ bra,

Hesekiel 22:12

Mmenia wɔ wɔ nu bɔ bede fea-ase-ma beku mmenia ɔ. Ede nzihoɛ mbemanim, na esisi ebiɛngo enya wɔ nwo; nakoso me de, wɔ wora afi me, AWURADE Nyameɛ noa dwirɛ ɛne.

Hesekiel 22:27

Ye mbanyi bɔ bɛwɔ ye nu ne, bɛte kyɛ mbataku bɔ bɛtete naen bɔ bahye ye ɔ nu ɔ. Bɛkã mogya begua, na beku mmenia maa ɔnate so benya anwonyadeɛ fiɛ.

Hesekiel 22:29

Aseɛ ne aso mmenia bɛhyɛ mmenia so, bedi aminɛ, besisi ehiafoɛ ne bɛ bɔ bɛyɛ anwumvo ɔ, na bebu mmeraa so bɛhyɛ ɛwɔfoɛ mɔ so.

Hesekiel 22:7

Bebu seɛ ne niɛ animtia wɔ wɔ nu; bɛhyɛ ɛwɔfoɛ so wɔ wɔ nu; yeɛ besisi nyisiaa ne kunafoɛ mmrasua koso wɔ wɔ nu.

Hesekiel 34:16

Bɔ wamini ne, ngɔpena ye boso, yeɛ bɔ bafoa ye maa wahɔ ne, ngɔɔfa ye ngɔwa. Bɔ wabubu ne, ngɔbɔ ye borɛ, bɔ ɔnde apɔ ne, ngɔsa ye anwonyerɛ; na bɛ bɔ balɔ bɔ bɛ nwo yɛ se ne wora, ngɔnea bɛ so; na ngɔfa pɛpɛɛpɛyɛlɛ yeɛ ngɔnea bɛ so ɔ.

Hesekiel 39:18

Ɛmɔkoli katakyie mɔ bɛ naen, ná ɛmɔano aseɛ so ahemvo mɔ bɛ mogya, mmoaen nyii, mmoaen mmaa, mbɔngye, nandwie nyii, bɛ mukoraa bɛte Basan ngaka bɔ balɔ ɔ.

Yoel 3:3

Bagua serewa bahyɛ me maen, bafa abɛɛmaa bale gyanderaniɛ, yeɛ batɔne abaayaa bale nzaa bano.

Amose 3:1

Ao Yisraelfoɛ, ɛ́mɔtie edwirɛ he bɔ AWURADE wahã wafa ɛmɔ nwo ɔ: bɔ mahã mafa abusua amukoraa bɔ nyele ɛmɔ mvili Misraim aseɛ so mmale ne nwo ɔ, kyɛ,

Amose 3:3

“Aso mmenia nyɔ bɛkora betu nu, wɔ aberɛ bɔ bɛnyɛ adwene ɔ?

Amose 5:11

Ɔnate kyɛ ɛmɔsisi bɛ bɔ bɛyɛ anwumvo, ná ɛmɔbɔ bɛ apoo bede atokoɔ befi bɛ berɛ ne ati, nyɔboɛ bɔ badwa ɔ yeɛ ɛmɔafa basisi sua ɔ, nakoso ɛmɔngɔtena nu. Ɛmɔayɔ bobe boo nyemene mɔ de, nakoso ɛmɔngɔno nu bobe nzaa ne bie.

Amose 6:1

“Bɛ bɔ bɛ nwo atɔ bɛ wɔ Sion, yeɛ bɛ bɔ bɛfa bɛ wora bewura Samaria bokaa nu ɔ, maen maen mbanyi mɔ nu atitire mɔ bɔ Yisrael awuro ama bɛbapena mmokalɛ befi ɛmɔ berɛ ɔ, ɛmɔ yaakɔ!

Amose 6:6

ɛmɔ bɔ ɛmɔno nzaa awaa bɔ wayi to, bɔ ɛmɔfa sakyeɛfona paa bɛpopa, nakoso ɔmva ɛmɔ nwo kyɛ Yosef ɔbɔ ɔ!

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Numeri 21:33

Ye si ye, Yisraelfoɛ kakyili bɛ nye bɛfo bɛhɔle Basan atee so. Basan hene Ogo ne ye mmenia amukoraa bɛfale koɛ beeyiale Yisraelfoɛ wɔ Yedrei.

Deuteronomi 24:14

“Paaniɛ ehianiɛ bɔ ye nwo aworabɔlɛ ne, nnɛsisi ye. Kyɛ ɔte Yisraelniɛ oo, anaa ɛwɔfoɛ bɔ ɔte wɔ kuro ne bie aso, wɔ w’aseɛ ne aso oo.

Deuteronomi 28:33

W’aseɛ so aleɛ, yeɛ wɔ sa noa adwuma so mvasoɛ ne, maen bɔ ɛnze ye ne, nu ama yeɛ bekoli ɔ. Bekoli wɔ aminɛ, ná basisi wɔ daa;