Amose 3:9 - AHYERƐLƐ KRONGRON

⁹ Ɛ́mɔbɔ ye dawure wɔ Asedɔde anwoserɛ afealeɛ nemɔ anu, yeɛ Misraim aseɛ so anwoserɛ afealeɛ nemɔ anu, ná ɛmɔhã kyɛ, “Ɛ́mɔboaboa ɛmɔ noa wɔ Samaria mmokaa nemɔ aso, ɛ́mɔnea basabasa mbiri mbiri bɔ ɔkɔ so wɔ nu ɔ, ɔne nhyɛsoɛ bɔ ɔkɔ so wɔ nu ɔ.”

Amose 3:9 Iomraidhean Croise

2 Samuel 1:20

Nnɛma ɛmɔbɔ so wɔ Gate, nnɛma ɛmɔbɔ ye nwo dawure wɔ Asekelɔn dwaaso; ɛmɔbɔ so a, Filisti mmrasua koli ahurusi, na mmenia bɔ bɛmbɛ bɛ bienzua ne, bɛ mmrasua nye kɔgye.

Anyandera 1:13

yɛkonya nningyein bɔ bɛ nyɔboɛ yɛ se ɔ, na yɛkɔfa sɔ nzesadeɛ nemɔ yɛkogua yɛ awuro maa berɛ koyi tɛkyɛ;

Anyandera 11:16

Brasua bɔ ye nyunu te ne, onya animnyam, yeɛ mmienzua bɔ bekuro adwuma ne, benya bɛ nwo.

Nworɛ Dwirɛhanɛniɛ 4:1

Nza nwuni nhyɛsoɛ amukoraa bɔ ɔkɔ so wɔ wiase ɔ. Bɛ bɔ mmenia hyɛ bɛ so ne, nea bɛ nye moen, belle aworakyekyerɛniɛ biala. Tumi wura bɛ bɔ bedi anyandim ne sa. Ao, amaneɛnwunɛfoɛ nemɔ, belle aworakyekyerɛniɛ biala!

Yeremia 31:5

Asa koso, ɛkɔyɔ bobe boo mɔ wɔ Samaria mmokaa nemɔ aso; akuafoɛ nemɔ bekolua, na bɛkɔte ye mma ne bekoli.

Yeremia 46:14

“Ɛ́mɔbɔ ye dawure wɔ Misraim, ná ɛ́mɔfa bɛto dwaa wɔ Migidol; ɛ́mɔfa bɛto dwaa wɔ Memfise ne Tapenese. Ɛmɔhã kyɛ, ‘Gyina berɛ pindinn, ná boaboa wɔ nwo, ofikyɛ ngrandɛ ne kohũhũ kɔpɛ wɔ nwo kɔbra koyia.’

Yeremia 50:2

“Ɛ́mɔbɔ ye dawure wɔ maen maen mɔ so, ɛ́mɔfa bɛto dwaa, ɛ́mɔfa frangaa bɛpena berɛ, ɛ́mɔfa bɛto dwaa; nnɛma ɛmɔkata so, na mmom ɛmɔhã kyɛ, ‘Bali Babilɔn so ngonim, Bel nyunu agua ase, babubu Merodake nu pasapasa, ye mmosoen mɔ nyunu agua ase, babubu ye amoen mɔ nu pasapasa.’

Hesekiel 36:8

“Nakoso ɛmɔ, Yisrael mmokaa, ɛmɔkɔfefɛ ɛmɔ mmaen, na ɛmɔkosu ɛmɔ mmakaammaa bɛkɔma me maen Yisrael, ofikyɛ ɔngɔhyɛ né basa bawa.

Hesekiel 37:22

Ngɔyɛ bɛ maen ko wɔ aseɛ ne aso, wɔ Yisrael mmokaa nemɔ aso. Ɛhene ko yeɛ okoli bɛ mukoraa bɛ so ɔ, bɛngɔyɛ maen nyɔ ko, na bɛ nu ngɔhyɛ ngɔyɛ ahennie nyɔ ko.

Hosea 7:1

Mésa Yisrael anwonyerɛ a, né Efraim amumuyɛɛ ne Samaria bɔne yɔleɛ ɔ́da ali, ofikyɛ benni nahorɛ. Awueniɛ abɔ awura nu, na awerɔm awuefoɛ bɛbɔ apaa wɔ dwaaso.

Amose 1:8

Ngɔpɛ Asedɔdefoɛ asue ngofi berɛ, na bɔ otira hɔtɔ ne, ngɔpɛ ye asue ngofi Asekelɔn. Ngɔhwe Ekron so, na Filistifoɛ ngaa nemɔ kowuwu,” AWURADE Nyameɛ noa dwirɛ ɛne.

Amose 4:1

Ɛmɔ, ɛ́mɔtie, Basan nandwie mmeleɛ bɔ ɛmɔwɔ Samaria bokaa so ɔ, ɛmɔ bɔ ɛmɔhyɛ mmenia bɔ bɛyɛ anwumvo ɔ so, ná ɛmɔsisi ehiafoɛ ɔ; ɛmɔ bɔ ɛmɔkã bekyire ɛmɔ ahu mɔ kyɛ, ‘Fa bra maa yɛno’ ɔ.

Amose 5:11

Ɔnate kyɛ ɛmɔsisi bɛ bɔ bɛyɛ anwumvo, ná ɛmɔbɔ bɛ apoo bede atokoɔ befi bɛ berɛ ne ati, nyɔboɛ bɔ badwa ɔ yeɛ ɛmɔafa basisi sua ɔ, nakoso ɛmɔngɔtena nu. Ɛmɔayɔ bobe boo nyemene mɔ de, nakoso ɛmɔngɔno nu bobe nzaa ne bie.

Amose 6:1

“Bɛ bɔ bɛ nwo atɔ bɛ wɔ Sion, yeɛ bɛ bɔ bɛfa bɛ wora bewura Samaria bokaa nu ɔ, maen maen mbanyi mɔ nu atitire mɔ bɔ Yisrael awuro ama bɛbapena mmokalɛ befi ɛmɔ berɛ ɔ, ɛmɔ yaakɔ!

Amose 6:3

Ɛmɔ bɔ ɛmɔtu kyẽa tɛɛ ne bɛhyɛ dedeede, nakoso ɛmɔ yɔleɛ de, basabasa yeɛ ɔfa ba ɔ!

Amose 8:6

Ɛhe kɔmaa yɛkɔfa ɛdwetɛ yɛkɔtɔ ehiafoɛ, yɛkɔfa mmaboa yɛkɔtɔ bɛ bɔ bɛyɛ anwumvo ɔ, ná yatɔne atokoɔ boso bɔ ɔtte mayee ne.

Mika 6:10

Nzɛmmɔne nu anwonyadeɛ, yeɛ tonyi bɔ bawura nu bɔ ɔte akyiwadeɛ ɔ, bɛtɛ wɔ bɔnefoɛ awuro anaa?

1 Samuel 5:1

Mmerɛ bɔ Filistifoɛ lele Nyameɛ apam alaka ne fili Yisrael sa nu nen, bɛfa befili Ebenesa bɛhɔle Asedɔde.