Amose 3:8 - AHYERƐLƐ KRONGRON

⁸ Gyata bobɔ nu, na nwa yeɛ ongosuro ɔ? AWURADE Nyameɛ adwudwo, nwa yeɛ ɔngɔhyɛ ngɔm ɔ?”

Amose 3:8 Iomraidhean Croise

Yesaya 21:10

Ao, wɔ bɔ maboro wɔ mahuhu wɔ so ɔ, edwirɛ bɔ mate mafi Asafo AWURADE, Yisrael Nyameɛ berɛ ne, mahã mahyire wɔ.

Yesaya 31:4

Ofikyɛ AWURADE sele me kyɛ: Kyɛbɔ gyata anaa gyata akrɔngrɔma ɔyɛ ye komvi hoohoo gua naen bɔ wahye ye ɔ so, bɔ mmoaenneafoɛ kure bɛba ye so a onzuro kyɛ bɛteatea nu begua ye so, anaakyɛ ɔndɛ b’anwunanwuna ne aso ne, sɔ ala yeɛ Asafo AWURADE kodwu kɔwa kɔɔho koɛ wɔ Sion bokaa ne ye pambaa ne aso ɔ.

Yeremia 20:9

Sɛ mekã kyɛ, “Mengɔkaye ye ko, anaa mengodwudwo wɔ ye dumaa nu ko” a, né ye dwirɛ ne ayɛ m’ahone nu kyɛ see bɔ ogye wɔ me mmowue nu ɔ. Mahyɛ me nwo so mafɛ, nakoso mengora.

Yeremia 26:12

Yeɛ Yeremia sele mbanyi nemɔ amukoraa ne maen ne amukoraa kyɛ, “AWURADE yeɛ ɔsomane me kyɛ mva edwirɛ bɔ ɛmɔate ye amukoraa nhyɛ ngɔm ndia awuro he ɔne kuro he ɔ.

Hesekiel 29:21

“Na sɔ kyẽa ne, ngɔma mmɛen bie kofifi kɔma Yisrael awuro ama, na ngɔma wɔ tumi maa ekobukye wɔ noa wɔ bɛ nu. Na afei bekonwu kyɛ me ole AWURADE.”

Amose 1:2

Na osele kyɛ, “AWURADE bobɔ nu fi Sion, na ɔma ye komvi so fi Yerusalem, aseɛ bɔ mmoaenneafoɛ benya ngaka aleɛ wɔ so ne, odi aworabɔlɛ, yeɛ bokaa Kamɛl ti afia ayɛ pralaa.”

Amose 2:12

“Nakoso ɛmɔmane nasiritefoɛ nemɔ nzaa maa bɛnone, na ɛmɔhyɛle ngɔmhyɛlɛfoɛ nemɔ kyɛ, ‘Nnɛma ɛmɔhyɛ ngɔm!’

Amose 3:4

Aso gyata opo wɔ ɛhɔayeɛ nu, wɔ aberɛ bɔ onnyane kaka biala bɔ ɔkye ye di ɔ? Aso gyata akrɔngrɔma kɔtea nu wɔ nekaa bɔ ɔla ɔ, wɔ aberɛ bɔ onnyane kaka biala bɔ wahye ye ɔ?

Asomafoɛ 4:20

ɔnate kyɛ, bɔ yɛ yanwu ye ná yate ne de, yɛngɔhora yɛngɔyakyi ye hanɛ.”

Asomafoɛ 5:20

“Ɛmɔhɔ beegyina asɔneyɛɛ sua ne anu, ná ɛmɔbɔ sɔ ngoa foforɛ he amukoraa nwo dawure behyire mmenia.”

Asomafoɛ 5:29

Yeɛ Petro ne asomafoɛ ngaa ne buale kyɛ, “Ɔsɛ kyɛ yɛtie Nyameɛ yɛtra kuro sona.

1 Korintofoɛ 9:16

Na sɛ mekã nzɛmba ne a, né ongyire kyɛ mva nhoahoa me nwo, ɔnate kyɛ ɔte adwuma bɔ odi kyɛ meyɔ ɔ. Na sɛ mangã nzɛmba ne a, me yaakɔ!

Nyekyire 5:5

Yeɛ mbanyi nemɔ nu ko sele me kyɛ, “Nea, nnɛsũ, na Yuda abusua kure nu Gyata ne, Dawide Ndii ne, wali ngonim bɔ okobukye nwomaa ne anu, ná ɔkɔtete ye nzɔanoɛ nzoo nemɔ anu ɔ.”