Amose 3:7 - AHYERƐLƐ KRONGRON

⁷ Amba, AWURADE Nyameɛ ngɔyɔ nikyee biala, bɔ ɔngɔla ye mvealeɛ nu dwirɛ ne ali ngohyire ye somvoɛ mɔ ngɔmhyɛlɛfoɛ nemɔ ɔ.

Amose 3:7 Iomraidhean Croise

Gyenesise 18:17

Na AWURADE sele kyɛ, “Aso mva bɔ mebaayɔ ye mvea Abraham anaa?

Gyenesise 6:13

Na Nyameɛ sele Nowa kyɛ, “Mayɛ m’adwene kyɛ ngonua kuro sona boso, ofikyɛ ɔnate bɛ ti basabasa ayi aseɛ so tɛkyɛ; na ngɔsɛkye bɛ ne aseɛ.

2 Ahemvo 22:13

“Nwomaa he bɔ banwu ye ne, nu dwirɛ ne, ɛmɔhɔ AWURADE berɛ beebisa bɛma mene maen ne, ɔne Yuda amukoraa. AWURADE afɛ yɛ so yaa piri paa, ofikyɛ yɛ nana mɔ bandie nwomaa he anu dwirɛ, yeɛ edwirɛ amukoraa bɔ bahyerɛ ye wɔ nu kyɛ yɛli so ne, banni so.”

2 Ahemvo 22:20

Yiti tie, ngɔmaa ɛkɔɔtoa wɔ mbanyi mɔ, na ngɔmaa ekowu asomdwee nu kɔɔla wɔ kumaa nu. Na musue amukoraa bɔ ngɔprapra ngogua maen he aso ne, wɔ de engonwu bie.” Besa bɛfale edwirɛ ne bɛɛbɔle Nana Yosia amaneɛ.

2 Ahemvo 6:12

Yeɛ ye mbanyi nemɔ ko buale kyɛ, “Me mene, Nana, nna yɛ nu biala ɔ, na mmom Yisrael ngɔmhyɛlɛniɛ Elisa ɔ. Ye yeɛ edwirɛ bɔ ekosusu ye nwo wɔ wɔ pumbu nu ne, ɔkã kyire Yisrael hene ɔ.”

Edwein 25:14

AWURADE ne bɛ bɔ besuro ye ne yeɛ betu asure ɔ, na ɔye ye apam ne ali kyire bɛ.

Yesaya 18:4

Ofikyɛ bɔ AWURADE ahã ahyire me ɛhe: “Ngɔtena nekaa bɔ nde ne konn ngɔto me nye ngɔnea, kyɛbɔ eyia bɔ a, ahuhuro ba ɔ, kyɛbɔ ɛborɔ gua pee wɔ mmerɛ bɔ bɛfa fieso aleɛ ɔ.”

Yeremia 23:22

Nakoso sɛ bɛmaa me ne bɛ yɛtuli agyina, yeɛ sɛ bɛmane me maen bɛtele me dwirɛ a, ahaa bɛmaa bɛsesane befili b’atee tɛɛ ne aso, ɔne bɛ bɔne yɔleɛ ne anwo.

Hesekiel 29:21

“Na sɔ kyẽa ne, ngɔma mmɛen bie kofifi kɔma Yisrael awuro ama, na ngɔma wɔ tumi maa ekobukye wɔ noa wɔ bɛ nu. Na afei bekonwu kyɛ me ole AWURADE.”

Daniel 10:21

Nakoso ngɔla bɔ bahyerɛ ye wɔ nahorɛ nwomaa ne anu ali ngohyire wɔ: ebiala ngo bie mmoka me so ndia ɛhemɔ, sana Mikayɛl, ɛmɔ katakyie ne ngome.

Daniel 11:2

“Afei, ngohyire wɔ nahorɛ ne: Tie, ahemvo nza bieku kodwɔso wɔ Pɛsia, na bɔ ɔtɔ so nna ne, okonya ye nwo kɔtra bɛ mukoraa. Na sɛ ɔnate ye anwonya ne ati onya anwoserɛ a, okosi ebiala adua maa okodwɔso kotia Hela ahennie maen ne.

Daniel 2:47

Afei ɛhene ne sele Daniel kyɛ, “Nahorɛ nu, ɛmɔ Nyameɛ ne, ɔte nyameɛ mɔ nu Nyameɛ ne ahemvo mɔ nu Meneɛ, ɔne Nyameɛ bɔ ɔda mvealeɛ nu dwirɛ ali ɔ, ofikyɛ ahora ala sɔ mvealeɛ nu dwirɛ he ali.”

Yohane 15:15

Memvrɛ ɛmɔ ngoaa ko, ofikyɛ akoaa nze bɔ ye mene ɔyɔ ɔ; na mmom mafrɛ ɛmɔ me damvo mɔ, ɔnate kyɛ edwirɛ biala bɔ mate mafi me Baba berɛ ne, mala ye ali mahyire ɛmɔ.

Nyekyire 1:1

Ɛhe te Yesu Kristo nwo aliyelɛ bɔ Nyameɛ fa mane ye kyɛ ɔla ye ali hyire ye ngoaa mɔ ma benwu edwirɛ mɔ bɔ odi kyɛ bɛba nu ndɛndɛ ɔ; na ɔsomane ye abɔfo maa ɔɔye hyirele ye akoaa Yohane,

Nyekyire 1:19

Yiti kyerɛ bɔ anwu ye, bɔ ɔwɔ berɛ kekesaala ye, ɔne bɔ nziɛ ye ɔbaasi ne.

Nyekyire 10:7

na mmom mmerɛ bɔ abɔfo bɔ ɔtɔ so nzoo ne kohu ye totorobɛndo ne, yeɛ Nyameɛ mvealeɛ nu dwirɛ ne kɔwa nu ɔ, kyɛbɔ ɔhane ye nwo dwirɛ hyirele ye ngoaa ngɔmhyɛlɛfoɛ nemɔ ne.”

Nyekyire 4:1

Na ɛhe asi ne, ndole me nye, na nwuni kyɛ babukye anoa bie wɔ nyameɛso. Na komviɛ bɔ nnili moa ndele bɔ ɔte kyɛ totorobɛndo bɔ odwudwu hyirele me, osele me kyɛ, “Fo bra anwuro wa, na ngohyire wɔ nningyein bɔ ɔsɛ kyɛ ɛhemɔ asi ne besisi ɔ.”

1 Samuel 9:15

Ɔhale ɛlɛho ma Sɔɔlo ba ne, né AWURADE ali moa waye wahyire Samuel kyɛ,