Amose 3:2 - AHYERƐLƐ KRONGRON

² “Aseɛ ye aso mmusua amukoraa, ɛmɔ angome yeɛ mese ɛmɔ ɔ; yiti ɔnate ɛmɔ amumuyɛɛ amukoraa ne ati, ngɔhwe ɛmɔ so.

Amose 3:2 Iomraidhean Croise

Gyenesise 10:32

Nowa mma nemɔ b’abusua, kyɛbɔ b’aworɛ ndoatoasoɛ te wɔ bɛ maen nu ɛhe. Na ofi bɛ nu yeɛ nzueyilɛ ne asi ne maen maen fifili na bɛto bɛpetene aseɛ so ɔ.

Gyenesise 18:19

Mapa nu maye ye, kyɛ ɔ́hyɛ ye mma ne ye boso ama bɔ bɛkɔwa nziɛ ye ma bɛnate AWURADE atee so, ma bɛyɔ bɔ ɔtengyɛ, ɔne bɔ ɔte pɛpɛɛpɛ ɔ; amaa ɔnate so AWURADE ama ɛbɔ bɔ wahyɛ Abraham ne awa nu.”

Edwein 147:19

Ɔlale ye dwirɛ ali hyirele Yakob, ɔfale ye ahyɛdeɛ ne ye nhyehyɛleɛ mane Yisrael.

Ɛksadɔso 32:34

Nakoso kɔ, ná kɔfa mmenia ne kɔ nekaa bɔ mahã ye nwo dwirɛ mahyire wɔ ne. Tie, m’abɔfo koli wɔ nyunu moa, nakoso kyẽa bie kɔwa bɔ ngɔmaa bekonya bɛ bɔne nwo akatuaa ɔ.”

Yesaya 63:19

Yayɛ kyɛ mmenia bɔ ellili bɛ so hene le ɔ, yayɛ kyɛ mmenia bɔ bɛmva wɔ dumaa bɛmvrɛ bɛ ɔ.

Yeremia 1:15

Ofikyɛ, tie, ngɔto me sa ngɔfrɛ sorɔ dɔ ahennie nemɔ bɛ mmusua ne amukoraa, AWURADE noa dwirɛ ɛne. Bɛkɔwa, na ebiala kɔfa ye ahennie bia koosie Yerusalem pambim ne noa, ɔne ye fasue ne amukoraa nwo kɔbra koyia, ɔne Yuda nguro amukoraa nwo.

Yeremia 10:25

Maen maen bɔ benze wɔ ne, ɔne mmenia bɔ bɛmmɔ wɔ dumaa bɛnzɔne wɔ ne, ma wɔ yaa piri ne ɔbra bɛ so, ofikyɛ bahu Yakob batete ye nu pasapasa; bannua ye boso, na bakakyi ye atenaleɛ kurofoen.

Yeremia 11:22

Yiti bɔ Asafo AWURADE kã ɛhe: “Tie, ngɔhwe bɛ so, mmerandeɛ nemɔ kɔtotɔ ngrandɛ noa, na ɛhɔen kɔma bɛ mma mmienzua ne bɛ mma mmrasua bekowuwu,

Yeremia 13:21

Sɛ ɔtwe wɔ so a, nzikyɛ dwirɛ yeɛ ɛkɔhã ɔ? Ofikyɛ atete bɛ maa bayɛ safohene mɔ ɔne wɔ so panyi. Aso ɛngɔte yealɛ kyɛ brasua bɔ wafo aworɛ so ɔ?

Yeremia 14:10

Bɔ AWURADE kã kyire sɔ maen ye ɛhe, “Ɔyɛ bɛ fɛ kyɛ bekyinikyini ɔ, bɛnhyɛ bɛ nwo so wɔ bɛ hyininɛ nu. Yiti AWURADE nne bɛ ndo nu, afei ɔkɔkaye b’amumuyɛɛ, ná wahwe bɛ so wɔ bɛ bɔne nwo.”

Yeremia 9:25

AWURADE nwa nyoo, “Tie, mmerɛ bie ɔ́ba, bɔ mmenia bɔ bɛpɛ bɛ bienzua, nakoso bɛbɔ bɛ bra kyɛ mmenia bɔ bɛmbɛ bɛ bienzua ne, ngɔhwe bɛ mukoraa bɛ so:

Hesekiel 5:9

Na ɔnate w’akyiwadeɛ yɔleɛ ne amukoraa ne ati, kyɛbɔ ngosi ngɔhwe wɔ so ne, nnyɔle sɔ bie le, yeɛ mengɔyɔ sɔ bie le ko.

Hesekiel 9:6

Ɛ́mɔhũhũ bɛ bɔkɔɔ: nworowaa, mmerandeɛ, ndaluwa, ngwadaa ne mmrasua. Nakoso ebiala bɔ bahyɛ ye nzorɛ ne de, nnɛma ɛmɔfa ɛmɔ sa bɛkã ye. Ɛ́mɔhyɛ ye bo béfi me nekaa krongron ne.” Yiti bɛhyɛle ye bo befili mbanyi bɔ bɛwɔ sua ne anyunu nemɔ aso.

Daniel 9:12

Na ye dwirɛ bɔ ɔhane kyɛ ɔkɔmaa ɔkɔwa yɛ ne yɛ maenbulɛfoɛ bɔ bɛlale yɛ noa ne aso, kyɛ ɔkɔprapra amaneɛ kandinga kogua yɛ so ne, wamaa wawa nu; ofikyɛ bɔ wamaa wato Yerusalem ne, ebie ɔwwale wɔ ewiase nekaa biala le.

Hosea 2:13

Ngyẽa bɔ ɔfa sɔnene Baal mɔ ne, ngɔhwe ye so wɔ ye nwo, mmerɛ bɔ ɔyerale ɛyɛɛ mane bɛ, bɔ ɔfale ye asomade ne ye mbembenanneɛ mɔ siesiele ye nwo, oolili ye kurofoɛ nemɔ asi mane ye wora fili me ne, AWURADE noa dwirɛ ɛne.

Hosea 5:3

Mese Efraim, na Yisrael koso ɔmvea me; afei, ao Efraim, abɔ gyandera, na Yisrael nwo agua fiɛ.

Hosea 8:13

M’ayɛyelɛ afɔleɛ ne, bɛfa naen bɛbɔ, bedi, nakoso AWURADE onne bɛ ndo nu. Afei ɔkɔkaye b’amumuyɛɛ, ɔkɔhwe bɛ so wɔ bɛ bɔne nwo, na bekosa bɛkɔhɔ Misraim.

Hosea 9:9

Bɛ bɔbɔ bagua bɛ nwo fiɛ paa, kyɛ Gibea mmerɛ ne anu ala; yiti ɔkɔkaye b’amumuyɛɛ, na ɔkɔhwe bɛ so bɛ bɔne nwo.

Amose 2:4

AWURADE nwa nyoo, “Ɔnate Yuda ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bapo AWURADE mmeraa, banni ye mmeraa dwirɛ so. Bɛ nnakannaka bɔ ɔte atee bɔ bɛ nana mɔ fale so ne, wamaa bali makyebu.

Amose 3:3

“Aso mmenia nyɔ bɛkora betu nu, wɔ aberɛ bɔ bɛnyɛ adwene ɔ?

Amose 6:1

“Bɛ bɔ bɛ nwo atɔ bɛ wɔ Sion, yeɛ bɛ bɔ bɛfa bɛ wora bewura Samaria bokaa nu ɔ, maen maen mbanyi mɔ nu atitire mɔ bɔ Yisrael awuro ama bɛbapena mmokalɛ befi ɛmɔ berɛ ɔ, ɛmɔ yaakɔ!

Mika 2:3

Yiti AWURADE nwa nyoo: Tie, medwene kyɛ ngɔprapra musue ngogua abusua he aso, bɔ ɛmɔngɔhora bɛngɔye ye nyamaa bengofi ɛmɔ kɔme ɔ; yeɛ ɛmɔngɔhora bɛngɔnate bɛngɔmoma bɛ bati so, ofikyɛ sɔ mmerɛ ne te mmerɛ tɛɛ.

Nahum 3:4

Na gyanderaniɛ ne, ɔnate ye gyanderabɔlɛ somaa ne ati, sɔ ngonyaayelɛfoɛ hemmaa anwonyemene ne, bɔ ɔfa ye adwamanbɔlɛ ɔtɔne maen maen mɔ, ná ɔfa ngonyaayelɛ ɔtɔne mmusua ɔ.

Asomafoɛ 17:26

na ɔbɔle mmenia bɔ bɛwɔ maen amukoraa nu fili sona komapɛ nu maa bɛtenane aseɛ ye aso amukoraa. Na ɔhyehyɛle mmerɛ ahoroɔ ne nekaa biala bɔ bɛkɔtena ɔ ye wɛen so tole berɛ mane bɛ,

Romanfoɛ 2:9

Amaneɛnwunɛ ne ahometrɛ kɔwa sona biala bɔ odi bɔne so; Yudafoɛ yeɛ beli moa ɔ, yeɛ Amaenmaensofoɛ toa berɛ ɔ.

1 Korintofoɛ 8:3

Na sona bɔ okuro Nyameɛ dwirɛ nen, ye yeɛ Nyameɛ se ye ɔ.

Deuteronomi 10:15

nakoso AWURADE fale wɔ nana mɔ ngome wurale ye kunu, na ɔneaneane nu yele ɛmɔ bɔ bɛte bɛ bosofoɛ ne fili mmenia mukoraati nu, kyɛbɔ kekesaala ye ɔte ye.

Deuteronomi 26:18

Ɛnɛ kyẽa ye, AWURADE aha afa wɔ nwo kyɛ, ɛkɔyɛ ye bɔbɔ ye maen, kyɛbɔ ɔhyɛle wɔ bɔ ne, yiti ɔsɛ kyɛ edi ye mmeraa dwirɛ mukoraati so.

Deuteronomi 32:9

Na AWURADE de, ye kyɛfa ole ye mmenia, Ye agyapadeɛ ole Yakob.

Deuteronomi 4:32

“Wɔ de, kaye daa tete mmerɛ bɔ wapɛ nu wahɔ ne, fite mmerɛ bɔ Nyameɛ bɔle kuro sona tole aseɛ so ɔ, ná bisa fite ewiase ye ti kɔha ye ti nea, sɛ edwirɛ pirikua sɔaa bie asi le, anaakyɛ bate ebie nwo mbopoleɛ po le a?

Deuteronomi 7:6

“Ofikyɛ ɛmɔte mmenia krongron bɛma AWURADE ɛmɔ Nyameɛ; na ɛmɔ yeɛ AWURADE ɛmɔ Nyameɛ waneanea aseɛ ye aso mmenia mukoraati nu waye ɛmɔ ɔ, kyɛ ɛ́mɔyɛ ye bɔbɔ ye mmenia bɔ ye ahone la bɛ nwo ɔ.

1 Petro 4:17

Ofikyɛ mmerɛ ne adwu kyɛ ndɛenbualɛ hyɛ ye bo wɔ Nyameɛ awuro ɔ. Na sɛ bɛfa yɛ bɛhyɛ ye bo a, nzaade bɛ bɔ bɛyɛ Nyameɛ nzɛmba ne nwo asoserɛ ne de, okoyie bɛ sɛ?