Amose 3:11 - AHYERƐLƐ KRONGRON

¹¹ Yiti AWURADE Nyameɛ nwa nyoo, “Pɔfoɛ bie kɔpɛ aseɛ ne anwo koyia, okole w’anwoserɛ kofi wɔ sa nu, na ɔkɔfẽ w’anwoserɛ afealeɛ nemɔ anu nningyein.”

Amose 3:11 Iomraidhean Croise

Gyenesise 34:27

Yakob mma mmienzua nemɔ fitele awufoɛ nemɔ aso ne, bɛfene kuro ne anu nningyein, ofikyɛ Sɛkem agua b’eliɛma brasua ne anwo fiɛ.

2 Ahemvo 15:19

Asiria hene Pulu fale koɛ ɔɔtetale Yisrael maen ne, na Menahem mane Pulu ɛdwetɛ talɛnde apee ko, kyɛ ɔma ɔhɔ so ɔtena bia ne aso.

2 Ahemvo 15:29

Yisrael hene Peka aberɛ so, Asiria hene Tiglate Pilese ɔɔho fale Yisrael nguro hemɔ: Yiyon, Abel Bete Maaka, Yanoa, Kedese, Hasɔ, Gileade, Galilea, ɔne Nafetali aseɛ amukoraa; na ɔhyele mmenia nemɔ nnure fale bɛ hɔle Asiria.

2 Aberɛso Dwirɛ 36:19

Bɛyerale Nyameɛ awuro ne, bebubuli Yerusalem fasue ne beguale, bɛyerale Yerusalem ahemvie nemɔ amukoraa, na nu nningyein bɔ ye nyɔboɛ yɛ se ne, bɛyerale ye mukoraa.

YOB NWOMAA NE 20:21

Odidi a, ɔnyakyi bie, yiti ye anwonya ngosi pasiliwa biala.

Amose 2:5

Yiti ngɔto Yuda nu see maa ɔkɔyera Yerusalem anwoserɛ afealeɛ nemɔ.”

Amose 3:10

“Ofikyɛ bɛ bɔ bɛboaboa atianuserɛ ne awerɔm awue noa wɔ b’anwoserɛ afealeɛ mɔ anu ne, bɛnze kyɛbɔ bɛyɔ bɔ ɔtengyɛ ɔ,” AWURADE noa dwirɛ ɛne.

Amose 3:15

Ngobubu prakasua mmerɛ sua ne ahuhuro mmerɛ sua nemɔ ngogua ase, ɛsoen gye sua nemɔ kɔsɛkyesɛkye, na awuro mbiri mbiri nemɔ kobubu kogua ase gyirigorɔɔ,” AWURADE noa dwirɛ ɛne.

Amose 6:14

“Nakoso ao Yisrael awuro ama, ɛ́mɔtie, ngɔma maen bie kodwɔso kotia ɛmɔ,” AWURADE Asafo Nyameɛ noa dwirɛ ɛne. “Bɛkɔhyɛ ɛmɔ so fi Hamate tiwaa koodwu Araba bɔnza ne anu.”

Amose 6:8

AWURADE Nyameɛ wata ye nwo ndaen, (AWURADE, Asafo Nyameɛ nwa), “Yakob ye anwomasoɛ ne yɛ me tɛ, yeɛ mekyi ye anwoserɛ afealeɛ nemɔ; yiti ngɔfa kuro ne, ɔne bɔ ɔwɔ nu amukoraa ngowura pɔfoɛ mɔ sa.