Amose 2:7 - AHYERƐLƐ KRONGRON

⁷ Bɛ yeɛ betiatia ehiafoɛ ti so bɛkã bɛ ti bewura nnɛterɛ nu, ná besisi mmenia bɔ bɛyɛ anwumvo ɔ; ebie ne ɔse bɛ ne afaneɛ ko bɛda bɛfa begua me dumaa krongron ne anwo fiɛ.

Amose 2:7 Iomraidhean Croise

2 Samuel 12:14

Nakoso sɔ bra he bɔ abɔ, bɔ ɔnate so ama AWURADE pɔfoɛ mɔ banya ate baha musue dwirɛ batia ye ne ati, akwadaa bɔ awo ye ne okowu.”

1 Ahemvo 21:4

Na ɔnate edwirɛ bɔ Yesreelniɛ Nabɔto hã hyirele Ahabo ne ati, Ahabo le ɛyaa ne aworabɔlɛ hɔle awuro. Ofikyɛ Nabɔto nwa, “Mengɔfa me nana mɔ agyapadeɛ mengɔma wɔ.” Ahabo ɔɔlale ye mba so, ɔfale ye nye hyirele terɛ, na wannidi.

Anyandera 28:21

Mmenia nu nyeyemuɛ ɔtte mayee, nakoso aleɛ kaaba bie po ɔkora ma sona yɔ bɔne.

Yesaya 10:1

Bɛ yaakɔ! Bɛ bɔ bɛhyɛ mmeraa tɛɛ ɔ, ɔne ahyerɛlɛfoɛ bɔ bɛkyerɛ nhyɛsoɛ mmeraa ɔ,

Yesaya 10:2

kyɛ bɛfa bebua ehiafoɛ ndɛengyea, kyɛ bɛfa bedi me mmenia bɔ bɛyɛ anwumvo ɔ aminɛ, bɔ ɔnate so bɛfa akunafoɛ mmrasua bɛkakyi bɛ koɛ nu nzesadeɛ, ɔne kyɛ bedi nyisiaa aminɛ ɔ.

Yesaya 3:14

AWURADE baabua ye maen mbanyi ne ahemvo ndɛen, kyɛ, “Ɛmɔ, ɛmɔ yeɛ ɛmɔali bobe boo ne ɔ, ehiafoɛ nningyein bɔ ɛmɔasisi bɛ bale ne, ogua ɛmɔ awuro.

Yesaya 3:15

Ɔwale ye sɛ bɔ ɛmɔadufudufu me mmenia sɔa, bɔ ɛmɔadwiridwiri ehiafoɛ bɛ nyunu sɔa e?” AWURADE, Asafo NYAMEƐ ne, ye noa dwirɛ ɛne.

Hesekiel 22:11

Ebie ne obiɛngo aye bɛbɔ akyiwadeɛ bra; ebie ɔbɔ nyanzoen bra ɔfa ɔwa bienzua aye; na wɔ nu yeɛ ebie to oliɛma brasua bɔ ɔne ye bɛte seɛ mmaa mmɔnaa ɔ.

Hesekiel 36:20

Nakoso beedwuli maen maen nemɔ nu nen, nekaa biala bɔ bɛhɔle nen, beguale me dumaa krongron ne anwo fiɛ, ofikyɛ mmenia hane dwirɛ fale bɛ nwo kyɛ, ‘Ɛhemɔ yeɛ bɛte AWURADE maen ne ɔ, nakoso batu bafi ye aseɛ ne aso bahɔ.’

Hosea 4:14

Sɛ ɛmɔ mma mmrasua mɔ bɛbɔ gyandera, anaa sɛ ɛmɔ aye mɔ bɛsɛkye agyaa a, mengɔhwe bɛ so; ofikyɛ mmienzua nemɔ bɔbɔ deinn bɛkɔ gyanderafoɛ nemɔ nekaa, na bɛ ne asɔneyɛɛ so gyanderafoɛ yeɛ bɛbɔ afɔleɛ ɔ. Yiti maen bɔ nimdeɛ abɔ ye ne, ɔkɔbɔ.

Lewitikɔso 18:15

Nnɛne wɔ sia brasua bɛda; ɛwa bienzua aye ɛne; nnɛne ye bɛda.

Lewitikɔso 18:21

Nnɛfa wɔ mma mɔ nu biala maa bɛfa see bɛyera ye bɛbɔ afɔleɛ bɛma bosoen Moleke, amaa ɔnate so angua wɔ Nyameɛ dumaa nwo fiɛ. Me ole AWURADE.

Lewitikɔso 18:8

Nnɛne ɛse aye bɛda; ɛse aye ɛne.

Lewitikɔso 20:3

Me bɔbɔ deinn ngotu me nye ngosie sɔ sona ne aso, na ngɔpɛ ye asue ngofi ye maen nu, ofikyɛ wafa ɔwa wama Moleke; wafa efiɛ waha me nekaa krongron ne, na wagua me dumaa krongron ne anyunu ase.

Amose 4:1

Ɛmɔ, ɛ́mɔtie, Basan nandwie mmeleɛ bɔ ɛmɔwɔ Samaria bokaa so ɔ, ɛmɔ bɔ ɛmɔhyɛ mmenia bɔ bɛyɛ anwumvo ɔ so, ná ɛmɔsisi ehiafoɛ ɔ; ɛmɔ bɔ ɛmɔkã bekyire ɛmɔ ahu mɔ kyɛ, ‘Fa bra maa yɛno’ ɔ.

Amose 5:11

Ɔnate kyɛ ɛmɔsisi bɛ bɔ bɛyɛ anwumvo, ná ɛmɔbɔ bɛ apoo bede atokoɔ befi bɛ berɛ ne ati, nyɔboɛ bɔ badwa ɔ yeɛ ɛmɔafa basisi sua ɔ, nakoso ɛmɔngɔtena nu. Ɛmɔayɔ bobe boo nyemene mɔ de, nakoso ɛmɔngɔno nu bobe nzaa ne bie.

Amose 5:12

Ofikyɛ mese ɛmɔ mmeraatolɛ worawora ne, ɔne ɛmɔ bɔne mbiri mbiri ne. Ɛmɔ bɔ ɛmɔteetee teneneefoɛ, ná ɛmɔde fea-ase-ma, ná ɛmɔbua bɛ bɔ bɛyɛ anwumvo ɔ ndɛengyea wɔ nekaa bɔ bedi dwirɛ ɔ.

Amose 8:4

Ɛ́mɔtie ɛhe, ɛmɔ bɔ ɛmɔsisi mmenia bɔ bɛyɛ anwumvo ɔ, kyɛ ɛmɔfa so ma aseɛ ne aso ehiafoɛ bedi amia,

Mika 2:2

Bɛ nye boro eboo mɔ, na bɛfa bɛ tumi bedide, yeɛ bɛ nye boro awuro mɔ, na bede bɛfa, yiti bɛhyɛ ebie ne ye awuro ama so, yeɛ ebie ne ye agyapadeɛ koso so.

Mika 2:9

Me maen mmrasua nemɔ, ɛmɔatu bɛ bafi b’awuro nyemenenyemene nemɔ anu, na ɛmɔale m’animnyam bafi bɛ mma mɔ sa nu afebɔɔ.

Sefania 3:3

Nu mbanyi mɔ bɛte gyata mɔ bɔ bɛbobɔ nu ɔ; ye maenbulɛfoɛ bɛte nɔsoa mbataku bɔ bɛnyakyi bowue po mma aleɛ ngye so ɔ.

Romanfoɛ 2:24

Ofikyɛ bahyerɛ kyɛ, “Ɔnate ɛmɔ Yudafoɛ ti, Amaenmaensofoɛ bedwudwo betia Nyameɛ.”

1 Korintofoɛ 5:1

Baahã ye susu amba kyɛ ɛmɔ nu biemɔ bɔ adwaman, bɔ ye sɛso nne ewiasefoɛ po nu ɔ, ofikyɛ ebie fa ye baba aye.