Amose 2:4 - AHYERƐLƐ KRONGRON

⁴ AWURADE nwa nyoo, “Ɔnate Yuda ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bapo AWURADE mmeraa, banni ye mmeraa dwirɛ so. Bɛ nnakannaka bɔ ɔte atee bɔ bɛ nana mɔ fale so ne, wamaa bali makyebu.

Amose 2:4 Iomraidhean Croise

2 Ahemvo 17:19

Yuda maen ne koso banni AWURADE bɛ Nyameɛ mmeraa dwirɛ so, na mmom amammerɛ bɔ Yisrael hyehyɛle ne, yeɛ belili so ɔ.

2 Aberɛso Dwirɛ 25:14

Amasia oohuhuni Edomfoɛ nemɔ bɔ ɔba ne, ɔsesale Sɛrefoɛ bɛ mmosoen mɔ wale, na oogyinagyinane bɛ fa yɛle ye mmosoen. Ɔsɔnene bɛ, na ɔyerale ɛyɛɛ mane bɛ.

2 Aberɛso Dwirɛ 30:7

Nnɛma ɛmɔyɛ kyɛ ɛmɔ nana mɔ ne ɛmɔ aliɛma mɔ bɔ banni nahorɛ bamma AWURADE bɛ nana mɔ Nyameɛ ne, maa ɔnate so wamma b’ayieleɛ wanyie bɛ yé, kyɛbɔ ɛmɔ nye tua ne.

Nehemia 1:7

Yayɔ bɔne kandinga paa yatia wɔ, na mmeraa dwirɛ ne ahyɛdeɛ ne nhyehyɛleɛ bɔ ɛhyehyɛle mane wɔ somvoɛ Mose ne, yanni so.

Nehemia 9:26

“Nakoso bɛyɛle asoserɛ, na bɛyɛle wɔ nwo lɔen, bɛfale wɔ mmeraa ne bɛtole ahameɛ, na wɔ ngɔmhyɛlɛfoɛ bɔ bɛbɔle bɛ kɔkɔ kyɛ besa beeli wɔ si ne, behuhuni bɛ maa ɔnate so bɛbɔle musue mbiri mbiri paa.

Yesaya 28:15

Ofikyɛ ɛmɔnwa, “Yɛne ewue ayɛ apam, yɛne ɛborɔ yayɛ nhyehyɛleɛ, sɛ mbire bɔ ye noa yɛ yea tra so ne ɔbaapɛ nu a, ongonya yɛ ngofi yɛ, ofikyɛ yafa kanda yayɛ yɛ afealeɛ, yeɛ yafa nnakannaka yabɔ yɛ nwo waen.”

Yesaya 44:20

Nzoen yeɛ odi ɔ; ye adwene bɔ ɔte kãa ne amaa wamini, ɔngora mbepɛ nnne ye kra, yeɛ ɔngora mmisa ye nwo kyɛ, “Bɔ me sa famaa tira nu ye, aso nna nnakannaka nikyee ɔ?”

Yeremia 16:11

ye de se bɛ kyɛ, ‘Ɔnate kyɛ ɛmɔ nana mɔ apo me, AWURADE noa dwirɛ ɛne; baali nyameɛ foforɛ mɔ si baso bɛ basɔne bɛ, na bapo me, yeɛ banni me mmeraa so,

Yeremia 16:12

na ɔnate kyɛ ɛmɔayɔ bɔne batra ɛmɔ nana mɔ ne ati ɔ. Na afei ɛ́mɔtie, ɛmɔ amukoraati ɛmɔdi ɛmɔ ti piri bɔ ɛmɔndie me dwirɛ ɔ.

Yeremia 17:27

Nakoso sɛ ɛmɔandie me dwirɛ, ná ɛmɔanzie afofikyẽa ne krongron, ná mmom sɛ ɛmɔsoa nningyein bɛfa Yerusalem pambim nemɔ anu afofikyẽa a, ye de ngɔto ye pambim nemɔ anu see, na ɔkɔyera Yerusalem ahemvie mɔ bɔ see ne ngonua ɔ.’ ”

Yeremia 6:19

Ao aseɛ, tie! Nea, mebaaprapra musue megua maen he aso; bɛ yɔleɛ ne, mmaa bɔ wasu hɔ ɛne, ofikyɛ bandie me noa dwirɛ, na me mmeraa koso, bapo.

Yeremia 8:2

Bɛkɔfa bɛ bɛkɔsamo ɛhemɔ anyunu: eyia, ɛsraen ne nyameɛso abɔdeɛ amukoraa bɔ behurole bɛ dwirɛ, bɛsole bɛ, belili bɛ si, ná bɛhɔle bɛ berɛ abisa bɛsɔnene bɛ ne. Bɛngɔboaboa mmowue nemɔ anoa, yeɛ bengosie bɛ; bɛkɔyɛ kyɛ fofoɛ wɔ aseɛ so.

Yeremia 8:9

Nworɛfoɛ nyunu kogua ase, ahunundetelɛ kɔtɔ bɛ so, ná wahye bɛ. Tie, AWURADE dwirɛ yeɛ bapo ye e, na nzikyɛ nworɛ yeɛ bɛse ɔ?

Yeremia 9:14

na mmom bayɛ asoserɛ bali bɛ ti piri baali Baal mɔ si, kyɛbɔ bɛ nana mɔ hyirehyirele bɛ ne ati ɔ.

Hesekiel 13:22

Ɛmɔafa ɛmɔ nnakannaka ne bama teneneefoɛ bɛ wora abɔ, ɔwɔ nu kyɛ me de mmvale aworabɔlɛ nndole bɛ so. Ɛmɔsi bɔnefoɛ adua, kyɛbɔ ɔkɔyɛ bɔ ɔngɔhwe ye nwo ngofi ye bɔne atee so ngonya ngoa ɔ.

Hesekiel 20:13

Nakoso Yisrael awuro ama yɛle me nwo lɔen wɔ ɛserɛ ne aso; banni m’ahyɛdeɛ so, na mmom bɛpole me mmeraa bɔ sɛ sona di so a onya ngoa ne; na beguale m’afofingyẽa nemɔ nwo fiɛ piri paa. “Yeɛ ngane kyɛ: Ngɔma m’ahone kohu bɛ so wɔ ɛserɛ ne aso, ná mahuhu bɛ.

Hesekiel 20:16

ɔnate kyɛ, bɛpole me mmeraa, banni m’ahyɛdeɛ so, yeɛ beguale m’afofingyẽa nemɔ nwo fiɛ, ofikyɛ b’ahone oolili bɛ mmosoen nemɔ asi.

Hesekiel 20:18

“Na nzele bɛ mma mɔ wɔ ɛserɛ ne aso kyɛ, ‘Ɛmɔ nana mɔ yɔleɛ ne, nnɛma ɛmɔyɔ bie, nnɛma ɛmɔtu b’agyirɛ bɔ betuli ne bie, yeɛ nnɛma ɛmɔsɔne bɛ mmosoen nemɔ begua ɛmɔ nwo fiɛ.

Hesekiel 20:24

ɔnate kyɛ banni me mmeraa so, na mmom bɛpole m’ahyɛdeɛ, beguale m’afofingyẽa nemɔ nwo fiɛ, yeɛ bɛ nye oolili bɛ nana mɔ mmosoen nemɔ asi.

Hesekiel 20:30

“Yiti kã kyire Yisrael awuro ama kyɛ, AWURADE Nyameɛ nwa nyoo: Atee bɔ ɛmɔ nana mɔ bɛfale so beguale bɛ nwo fiɛ, ɔne bɔ bɛfale so bɛbɔle b’akyiwadeɛ bra ne, yiti odi kyɛ ɛmɔ koso ɛmɔfa sɔ adwamanbɔlɛ atee ne aso bie anaa?

Hesekiel 22:28

Na ye ngɔmhyɛlɛfoɛ benwu ngondombo nyekyire bekyire bɛ, yeɛ bɛhyɛ ngɔndorɔ bekyire bɛ. Bɛkã kyɛ, ‘AWURADE Nyameɛ nwa nyoo,’ wɔ aberɛ bɔ nna AWURADE yeɛ wahã ɔ.

Hesekiel 22:8

Abu me nningyein krongron nemɔ animtia, na agua m’afofingyẽa nemɔ nwo fiɛ.

Hosea 12:2

AWURADE le dwirɛ tia Yuda. Ɔkɔhwe Yakob so kyɛbɔ ye yɔleɛ te ɔ, na okotua ye kerɛ kyɛbɔ ye nnwumaa te ɔ.

Hosea 12:3

Ɔsɔle oliɛma gya si wɔ bɛ kunu, na ole ye anwoserɛ ɔne Nyameɛ bɛfa bɛtetale so.

Hosea 6:11

Ao Yuda, wɔ koso wahyehyɛ buberɛ wama wɔ, mmerɛ bɔ ngosa ngɔfa me maen ngofi nnurehyelɛ nu ngɔwa ɔ.

Amose 1:3

AWURADE nwa nyoo, “Ɔnate Damasko ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bafa buralɛ bɔ bɛfa bɛboro aburoo ɔ bapɛkyɛ Gileade.

Amose 3:2

“Aseɛ ye aso mmusua amukoraa, ɛmɔ angome yeɛ mese ɛmɔ ɔ; yiti ɔnate ɛmɔ amumuyɛɛ amukoraa ne ati, ngɔhwe ɛmɔ so.

Mika 6:12

Ofikyɛ basabasayɔlɛ wali sikafoɛ nemɔ bɛ ti, kuro ne anu ama bɛpɛ ngondombo, na bɛ noa nu dwirɛ te nnakannaka.

Habakuku 2:18

Amoen bɔ adwiililɛniɛ wase ne, nzikyɛ mvasoɛ yeɛ ɔwɔ so ɔ? Amoen bɔ bahuro nikyee bafa bayɔ ɔ, bɔ okyirekyire nnakannaka ɔ; adwiililɛniɛ ne, ɔfa ye wora owura ye bɔbɔ ye adwii bɔ wali, bɔ ɔte emumu amoen ne anu.

Romanfoɛ 1:25

Ofikyɛ nahorɛ bɔ ɔfa Nyameɛ nwo ne bɛfa bɛsesane ngondombo. Bɛsɔnene na bɛsole abɔdeɛ, na bɛyakyili Ɛdangama Nyameɛ bɔ saleɛ te ye deɛ afebɔɔ ne! Amen.

1 Tɛsalonikafoɛ 4:8

Yiti ebiala bɔ ɔpo ngyerɛkyerɛ he nen, nna kuro sona yeɛ ɔpo ye ɔ, na mmom Nyameɛ bɔ wafa ye Sunzum Krongron ne wama yɛ ne.

1 Petro 1:18

Ofikyɛ ɛmɔse kyɛ, bra fiɛ bɔ ɛmɔ nana mɔ fa yakyili ɛmɔ ne, nna nningyein bɔ bɛporɔ te kyɛ ɛdwetɛ anaa sikaa kɔkorɛ yeɛ bɛfa bɛyɛle ɛmɔ ti nyɔboɛ bɛpɔle ɛmɔ befili nu ɔ,

Maenbulɛfoɛ 10:6

Yisraelfoɛ sa yɔle bɔ ɔte bɔne wɔ AWURADE nyunu ɔ. Bɛsɔnene Baal ne Astarote mɔ, Siria nyameɛ mɔ, Sidon nyameɛ mɔ, Moabo nyameɛ mɔ, Amonfoɛ nyameɛ mɔ, yeɛ Filistifoɛ nyameɛ mɔ. Yiti bɛyakyili AWURADE si lilɛ, na banzɔne ye.