Amose 2:15 - AHYERƐLƐ KRONGRON

¹⁵ Agyaentolɛniɛ ngɔhora ngogyina ye gya so; sona bɔ ye gya bo so yɛ nyera ne, ɔngɔhora ngɔpepɛ ngole ye nwo, yeɛ pɔngɔhanɛniɛ ngɔhora ngɔpepɛ ngole ye nwo.

Amose 2:15 Iomraidhean Croise

Nworɛ Dwirɛhanɛniɛ 9:11

Nza nwuni kyɛ ewiase wa, nna bɛ bɔ bɛ nwo yɛ nyera ɔ yeɛ bedi amirikatulɛ nu ngonim ɔ; nna anwoserɛfoɛ yeɛ bedi koɛ nu ngonim ɔ; nna nworɛfoɛ yeɛ benya bɛ noa aleɛ ɔ, nna badwemma mɔ yeɛ benya bɛ nwo ɔ; yeɛ nna nimdeɛfoɛ yeɛ benya animnyam ɔ; nakoso mmerɛ ne mmerɛ tɛɛ la berɛ ma bɛ mukoraa.

Yesaya 31:3

Misraimfoɛ bɛte mmenia oo, na bɛtte Nyameɛ; bɛ mbɔngɔ nemɔ bɛte anwoɔnaen, na bɛtte sunzum. Sɛ AWURADE tengyɛ ye sa a, bokafoɛ ne kosoti, yeɛ bɔ bokafoɛ ne boka ye ne koso, okofi ase, na bɛ mukoraa bekowu bɛkɔbɔ nu.

Yeremia 51:56

ofikyɛ sɛkyefoɛ ne awa ye so, wawa Babilɔn so; bahyehye ye koɛhonɛfoɛ nemɔ, babubu b’agyaen nemɔ anu, ofikyɛ AWURADE Nyameɛ bɔ otua kerɛ ne, okotua kerɛ amba.

Hesekiel 39:3

Na afei ngobubu w’agyaen mɔ bɔ bɛwɔ wɔ sa bɛen nu ne, na ngɔma w’agyaen mmakaa bɔ bɛwɔ wɔ sa famaa nu ne kɔye kogua ase.

Amose 9:1

Nwuni AWURADE kyɛ ogyi afɔleɛ bokyea ne aso, na ɔhane kyɛ, “Bonima abotire ne, fa nikyee bɔ so maa aponnwaa nemɔ bɛwoso, ná dwiri gua bɛ mukoraa bɛ ti so, na ngɔfa ngrandɛ ngohũhũ bɛ bɔ baha ne’. Bɔ ɔkɔyɛ kyɛ ɔnwati biala, ɔngɔhora nwati, yeɛ bɔ okofi nu kofite biala, ongonya ye ti ngodidi nu.

Hagae 2:22

Ngogu ahennie mɔ bɛ bia mɔ bɔkɔɔ; ngɔsɛkye maen maen mɔ b’ahennie anwoserɛ; ngɔhã teaseɛnam mɔ ne teaseɛnamhanɛfoɛ mɔ ngogua; mbɔngɔ ne pɔngɔhanɛfoɛ nemɔ kofifi ase, na ebiala kɔtɔ wɔ obiɛngo ngrandɛ noa.

Sakaria 10:5

Na bɛkɔyɛ kyɛ katakyie mɔ bɔ betiatia bɛ pɔfoɛ mɔ so wɔ mmorɔnoɛ so nnɛterɛ nu wɔ koɛ nu ɔ. Bɛkɔho koɛ, ofikyɛ AWURADE gyi bɛ si, na pɔngɔhanɛfoɛ bɔ bɛtete pɔngɔ so ɔ bɛ nyunu kogua ase.