Amose 2:14 - AHYERƐLƐ KRONGRON

¹⁴ Yiti ɛnwatilɛ kɔbɔ anwonyeralɛniɛ, anwoserɛniɛ ye anwoserɛ kotu komini, yeɛ katakyie ngɔhora ngɔpepɛ ngole ye nwo.

Amose 2:14 Iomraidhean Croise

YOB NWOMAA NE 11:20

Nakoso amumuyɛɛfoɛ de, bɛ nye so kɔyɛ bɛ wusiwusi, bengonya neka fee bɛngɔnwati ngɔhɔ, na b’anyelasoɛ ala ole ewue.”

Edwein 33:16

Ɛhene biala, nna ye koɛhonɛfoɛ somaa yeɛ bɛkora bɛpepɛ bede ye ɔ; yeɛ koɛhonɛniɛ koso, nna ye anwoserɛ kandinga yeɛ ɔpepɛ de ye ɔ.

Nworɛ Dwirɛhanɛniɛ 9:11

Nza nwuni kyɛ ewiase wa, nna bɛ bɔ bɛ nwo yɛ nyera ɔ yeɛ bedi amirikatulɛ nu ngonim ɔ; nna anwoserɛfoɛ yeɛ bedi koɛ nu ngonim ɔ; nna nworɛfoɛ yeɛ benya bɛ noa aleɛ ɔ, nna badwemma mɔ yeɛ benya bɛ nwo ɔ; yeɛ nna nimdeɛfoɛ yeɛ benya animnyam ɔ; nakoso mmerɛ ne mmerɛ tɛɛ la berɛ ma bɛ mukoraa.

Yeremia 25:35

Na mmoaenneafoɛ nemɔ, bengonya nekaa bɛngɔbɔ bɛ nwo adwaa; yeɛ mmoaen kure nemɔ so atitire nemɔ, bengonya atee bɛngɔnwati bɛngɔhɔ.

Yeremia 39:4

Na ɔwale kyɛ, mmerɛ bɔ Yuda hene Sedekia ne koɛhonɛfoɛ nemɔ amukoraa benwuni bɛ ne, bɛnwatili. Bɛfale ɛhene turo ne anu bɛɛfale pambim bɔ ɔla fasue nyɔ nemɔ b’afia ne anu befili kuro berɛ kɔngɔen, na bɛfale bɛ nye behyirele aseɛ pralaa ne aso.

Yeremia 9:23

Bɔ AWURADE kã hɔ ɛhe: “Nnɛma nworɛniɛ ɔfa ye nworɛ hoahoa ye nwo, nnɛma anwoserɛniɛ ɔfa ye anwoserɛ hoahoa ye nwo, yeɛ nnɛma sikaniɛ ɔfa ye anwonya hoahoa ye nwo.

Amose 5:9

Ye bɔ obubu anwoserɛfoɛ maa bɛyɛ mmerɛ ndɛndɛ so, ná obubu anwoserɛ afealeɛ mɔ ɔ.