Amose 2:11 - AHYERƐLƐ KRONGRON

¹¹ Na nyeyele ɛmɔ mma nemɔ bie nyɛle bɛ ngɔmhyɛlɛfoɛ, yeɛ ɛmɔ mmerandeɛ nemɔ bie nyɛle bɛ nasiritefoɛ. Ao Yisraelfoɛ, aso nna sɔ yeɛ ɔte ɔ?,” AWURADE noa dwirɛ ɛne.

Amose 2:11 Iomraidhean Croise

1 Ahemvo 17:1

Tisibeniɛ Elia bɔ ofi Tisibe bɔ ɔwɔ Gileade ne, osele Ahabo kyɛ, “AWURADE Yisrael Nyameɛ teasefoɛ bɔ yeɛ ngyi ye nyunu ne, kyɛbɔ ɔte ase ye de, mekã kyɛ, bosue anaa esue ngɔpe ase afoɛ ye mɔ anu, sana mafa me noa dwirɛ mama ye nwo ate koraka.”

1 Ahemvo 18:4

Mmerɛ bɔ Yesebɛl okũkũ AWURADE ngɔmhyɛlɛfoɛ nemɔ ne, Obadia fale ngɔmhyɛlɛfoɛ ɛyaa ko, ɔhyɛle bɛ nu aburannu aburannu, ɔfale bɛ ɔɔfeale nyɔboɛ bɔ wasi sua ɔ nu, na né ɔma bɛ aleɛ ne nzue.)

1 Ahemvo 19:16

Afei koso, popa Nimisi awa Yehu ngoo fa ye si Yisrael so hene, ná Elisa bɔ ye baba ole Safate bɔ ofi Abel Mehola ne, popa ye ngoo ma osi wɔ gya nu ɔyɛ ngɔmhyɛlɛniɛ.

1 Ahemvo 20:13

Afei ngɔmhyɛlɛniɛ bie wale Yisrael hene Ahabo berɛ oosele ye kyɛ, “AWURADE nwa nyoo, ‘Anwu ɛlɔen kandinga he amukoraa? Tie, ngɔfa bɛ ngowura wɔ sa ɛnɛ, na ekonwu kyɛ me ole AWURADE.’ ”

1 Ahemvo 20:35

Ngɔmhyɛlɛfoɛ fekue bie, bɛ nu ko gyinane AWURADE dwirɛ so osele bɛ nu ko kyɛ, “Fa nikye bɔ me maa mbura.” Nakoso wanyɔ sɔ.

1 Ahemvo 20:41

Na ngɔmhyɛlɛniɛ ne yɛle ndɛndɛ sangyele eduku ne fili ye nyunu. Yisrael hene nwuni kyɛ ngɔmhyɛlɛfoɛ nemɔ anu ko ɔ.

1 Ahemvo 22:8

Yeɛ Yisrael hene buale Yehosafate kyɛ, “Waha ko bɔ yɛkɔhora yɛkobisa ye AWURADE noa dwirɛ ɔ. Ye ole Yimila awa Mikaya. Nakoso mekyi ye kɔkɔkɔkɔ, ofikyɛ ɔnhyɛ ngɔm paa biala mva me nwo, sana musue nwo ngɔm ala yeɛ ɔhyɛ fa me nwo ɔ.” Na Yehosafate sele kyɛ, “Nana, nnɛkã ye sɔ.”

2 Ahemvo 17:13

Né AWURADE nate ngɔmhyɛlɛfoɛ amukoraa ne ye mmenia bɔ bɛse ase amukoraa so wabɔ Yisrael ne Yuda kɔkɔ kyɛ, “Ɛmɔhwe ɛmɔ nwo béfi ɛmɔ bɔne nwo, ná ɛmɔli me mmeraa dwirɛ ne m’ahyɛdeɛ so, kyɛbɔ mmeraa bɔ nhyehyɛle mane ɛmɔ nana mɔ, bɔ nnate me somvoɛ ngɔmhyɛlɛfoɛ so mva mmrɛle ɛmɔ ne, ɔte ne ala.”

2 Ahemvo 6:1

Afei ngɔmhyɛlɛfoɛ fekue ne, besele Elisa kyɛ, “Kyɛbɔ wɔ bɔbɔ anwu ye ne, nekaa bɔ yɛte maa ɛnea yɛ so ne, ɔte kãa ma yɛ.

2 Aberɛso Dwirɛ 36:15

AWURADE bɛ nana mɔ Nyameɛ ne, ɔsomane ye ɛbɔfoɛ mɔ mmerɛ pee maa bɛɛbɔle bɛ kɔkɔ, ofikyɛ né ye ahone la ye maen ne ye atenaleɛ ne anwo.

Yeremia 11:21

Yiti bɔ AWURADE kã fa Anatotefoɛ nwo ɛhe. Bɛ yeɛ bɛpena wɔ beku wɔ, ná bɛnwa, “Nnɛfa AWURADE dumaa hyɛ ngɔm, wanyɔ sɔ a yɛkohu wɔ.”

Yeremia 2:31

Na ɛmɔ, sɔ aworɛ ndoatoasoɛ he, ɛ́mɔtie AWURADE dwirɛ ne! Aso makakyi ɛserɛ so mama Yisrael, anaa makakyi aseɛ bɔ so te awosii kabii ɔ? Na nzu ati yeɛ me maen kã kyɛ, ‘Yɛle yɛ nwo, yɛngɔwa wɔ berɛ ko’ ɔ?

Yeremia 2:5

AWURADE nwa nyoo: “Nzikyɛ mvomsoɛ yeɛ ɛmɔ nana mɔ benwuni ye wɔ me nwo, bɔ ɔnate so bɛhwene bɛ nwo befili me nwo bɛhɔle dedeede beelili nningyein mbaen mbaen si, maa bɛ koso bɛkakyili mmenia mbaen ɔ?

Yeremia 26:11

Yeɛ asɔfo nemɔ ne ngɔmhyɛlɛfoɛ nemɔ besele mbanyi nemɔ ne maen ne amukoraa kyɛ, “Sɔ akoaa he, ɔfata kyɛ beku ye ɔ, ofikyɛ wahyɛ ngɔm watia kuro ye, kyɛbɔ ɛmɔ bɔbɔ ɛmɔate ne.”

Yeremia 7:25

Ofi kyẽa bɔ ɛmɔ nana mɔ befili Misraim aseɛ so bɛwale bɔ ɔbaadwu ɛnɛ ɔ, mahɔ so masoma me somvoɛ ngɔmhyɛlɛfoɛ amukoraa dee wɔ ɛmɔ berɛ,

Awuye 4:7

Né ye mbanyi mɔ bɛ nwo te tra asukɔtwea, né bɛ fufue tra nyɔfonesue, bɛ nwonaen ne, né ɔboro tra mbaen, ná ne bɛ nwonaen atɔ so te kyɛ kokwaboba.

Mika 2:6

Bese bɛ bɔ bɛhyɛ ngɔm nemɔ kyɛ, “Nnɛma ɛmɔhyehyɛ ngɔm, nnɛma ebiala hyɛ ɛhemɔ nwo ngɔm kyire bɛ, amaa ɔnate so animguaseɛ anga yɛ.”

Asomafoɛ 4:18

Yiti bɛfrɛle bɛ maa besa bɛwale dwaa ne anu, na bɛberale bɛ kitii kyɛ atee biala nne berɛ kyɛ bekodwudwo anaakyɛ bɛkɔyɛ ngyerɛkyerɛ wɔ Yesu dumaa nu ɔ.

Asomafoɛ 5:28

“Aso yammera ɛmɔ kitii kyɛ nnɛma ɛmɔyɛ ngyerɛkyerɛ wɔ sɔ sona he dumaa nu anaa? Nakoso ɛmɔama ɛmɔ ngyerɛkyerɛ ne ato apete Yerusalem amukoraa, na ɛmɔpena kyɛ bɛma sɔ sona he wue ne bɔ yɛ ti so!”

Asomafoɛ 7:51

Na Setefano toale so hane kyɛ, “Yisraelfoɛ asoserɛfoɛ, ɛmɔapini b’ahone, yeɛ afei ɛmɔaprapra bɛ so asi wɔ Nyameɛ dwirɛ ne anwo. Ɛmɔte kyɛ ɛmɔ nana mɔ ala, bɔ dáa ɛmɔsi Sunzum Krongron ne ate ɔ!

Deuteronomi 18:18

Ngɔye ngɔmhyɛlɛniɛ bɔ ɔte kyɛ wɔ, bɔ ofi b’eliɛma nemɔ anu ngɔma bɛ. Ngɔfa me dwirɛ ngotua ngɔmhyɛlɛniɛ ne noa, na ɔkɔha bɔ ngɔhyɛ ye kyɛ ɔha ne amukoraati kohyire bɛ.

1 Samuel 19:20

Yiti Sɔɔlo somane mmenia kyɛ bɛɛhye Dawide bɛbra. Mmerɛ bɔ Sɔɔlo bɔfoɛ nemɔ nwuni ngɔmhyɛlɛfoɛ kure ne kyɛ begu so bɛhyɛ ngɔm, bɔ né Samuel gyi berɛ ɔ́nea bɛ so ne, Nyameɛ sunzum wale ɛbɔfoɛ nemɔ so mane bɛ koso bɛhyɛle ngɔm.

1 Samuel 3:20

Na Yisrael amukoraati, fite Dan bɔ ɔkwaadwu Beɛ Hyeba, benwuni kyɛ Samuel te AWURADE ngɔmhyɛlɛniɛ amba.