Amose 2:10 - AHYERƐLƐ KRONGRON

¹⁰ Afei koso, nyele ɛmɔ mvili Misraim aseɛ so, na nnili ɛmɔ nyunu mvale ɛmɔ mvale ɛserɛ so afoɛ aburanna, kyɛ ɛmɔɔfa Amoriniɛ n’aseɛ ne bɛyɛ ɛmɔ deɛ.

Amose 2:10 Iomraidhean Croise

Nehemia 9:21

Ɛneane bɛ wɔ ɛserɛ so afoɛ aburanna maa ɔnate ye sɔ ti, hwee anhia bɛ. Bɛ ndaadeɛ andete, yeɛ bɛ gya bo anwunwu.

Edwein 95:10

Afoɛ aburanna yeɛ sɔ aworɛ ndoatoasoɛ ne bɛ nwo yɛle me ahi ɔ, na ngane kyɛ, “Bɛte maen bɔ b’adwene ali makyebu, bɔ bɛnze m’atee ɔ.”

Ɛksadɔso 12:51

Na AWURADE yele Yisraelfoɛ ɛlɔen kure kure ne fili Misraim aseɛ so sɔ kyẽa ne.

Ɛksadɔso 20:2

“Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.

Ɛksadɔso 3:8

Na madwu mawa ase kyɛ mebaale bɛ mefi Misraimfoɛ sa nu, ná meye bɛ mefi sɔ aseɛ ne aso mekɔ aseɛ paa bɔ ɔtrɛ ɔ so, aseɛ bɔ nyɔfonesue ne woɛ tengyɛ wɔ so ne: Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ maen ne.

Yeremia 2:6

Bammisa kyɛ, ‘AWURADE wɔ nisua? Ye bɔ ɔyele yɛ fili Misraim aseɛ so wale ne, bɔ olili yɛ nyunu fale yɛ fale ɛserɛ so, aseɛ pralaa ne ngumaa aseɛ so, wɔ aseɛ bɔ esue ndɔ wɔ so, bɔ so te awosii kabii ne, aseɛ bɔ ebiala mbɛ nu wɔ so, bɔ ebiala ɔtte so ne.’

Hesekiel 20:10

Yiti nyele bɛ mvili Misraim aseɛ so, na mvale bɛ male ɛserɛ ne aso.

Amose 3:1

Ao Yisraelfoɛ, ɛ́mɔtie edwirɛ he bɔ AWURADE wahã wafa ɛmɔ nwo ɔ: bɔ mahã mafa abusua amukoraa bɔ nyele ɛmɔ mvili Misraim aseɛ so mmale ne nwo ɔ, kyɛ,

Amose 9:7

“Ao Yisraelfoɛ, ɛmɔ, aso ɛmɔ bɛtte kyɛ Yitiopiafoɛ bɛmma me anaa? AWURADE noa dwirɛ ɛne. Aso manye Yisrael mamvi Misraim aseɛ so anaa? Aso manye Filistifoɛ mamvi Kafito, yeɛ manye Siriafoɛ mamvi Kire anaa?

Mika 6:4

Ofikyɛ nyele wɔ mvili Misraim aseɛ so mmale, mbɔle wɔ mvili ngoaasolɛ nu, na nzomane Mose, Aarɔn ne Miriam maa belili wɔ nyunu.

Numeri 13:32

Yiti bɛfale aseɛ bɔ bɛɛtetɛle ne nwo amaneɛ tɛɛ bɛɛbɔle Yisraelfoɛ kyɛ, “Aseɛ bɔ yɛɛtetɛle yɛhyinini so ne, ɔte aseɛ bɔ ɔngye aleɛ mma so ama nnya bie benni ɔ. Na mmenia bɔ yɛnwuni bɛ berɛ ne, bɛ mukoraa bɛte kwabranoa paa.

Numeri 21:25

Yisrael fale nguro sɔ ne amukoraati, na Yisraelfoɛ tenatenane Amorifoɛ nguro nemɔ amukoraa so, wɔ Hesebon ne ye nguraa amukoraa nu.

Numeri 32:13

Na AWURADE fɛle Yisrael so yaa paa, na ɔmaa behyinihyinini ɛserɛ so toonn afoɛ aburanna, kɔpem kyɛ aworɛ ndoatoasoɛ bɔ bayɔ bɔne wɔ AWURADE nyunu ne, bɛ mukoraa bewuwuli ɔ.

Asomafoɛ 13:18

na ɔneane bɛ so kɔyɛ afoɛ aburanna wɔ ɛserɛ so.

Asomafoɛ 7:42

Yiti Nyameɛ yele ye nye, na ɔyele bɛ mane kyɛ bɛsɔne nyameɛso nzramaa, kyɛbɔ bahyerɛ ye wɔ ngɔmhyɛlɛfoɛ nwomaa ne anu kyɛ, ‘O Yisrael awuro ama! Afoɛ aburanna bɔ ɛmɔlili ye wɔ ɛserɛ so ne, aso ɛmɔfale ngaka ne aleɛ bɛbɔle afɔleɛ bɛmane me?

Deuteronomi 1:39

Afei koso, ɛmɔ mma ndɔtɔfee nemɔ bɔ ɛmɔdwenene kyɛ bɛkɔhye bɛ nnure ne, ɔne ɛmɔ mma mɔ bɔ kekesaala ye bɛnze paa anaa bɔne ne, bɛ yeɛ bɛkɔhɔ aseɛ ne aso ɔ. Bɛ yeɛ ngɔfa ngɔma bɛ ɔ, na bɛkɔfa kɔyɛ bɛ deɛ.

Deuteronomi 2:7

Ofikyɛ AWURADE wɔ Nyameɛ ayira wɔ wɔ wɔ sa noa adwuma mukoraati nu, na wanea wɔ so wɔ ɛserɛ piri ye aso natelɛ nu. Afoɛ aburanna ɛhe yeɛ AWURADE wɔ Nyameɛ agyina wɔ si bɔ anhia nikye fee ɔ.’

Yosua 13:4

Kanaanfoɛ aseɛ ne amukoraati, Meara bɔ ɔte Sidonfoɛ aseɛ ne, toonn bɔ ɔkwaadwu Afeke bɔ ɔwɔ Amorifoɛ ɛwɛen so ne;

Yosua 24:8

Afei Amorifoɛ bɔ né bɛte Yɔɔdan si dɔ ne, mvale ɛmɔ male b’aseɛ so. Bɛ ne ɛmɔ hone, na mvale bɛ nwurale ɛmɔ sa. Ɛmɔfale b’aseɛ ne, na ngukuni bɛ mvili ɛmɔ nyunu.