Amose 1:8 - AHYERƐLƐ KRONGRON

⁸ Ngɔpɛ Asedɔdefoɛ asue ngofi berɛ, na bɔ otira hɔtɔ ne, ngɔpɛ ye asue ngofi Asekelɔn. Ngɔhwe Ekron so, na Filistifoɛ ngaa nemɔ kowuwu,” AWURADE Nyameɛ noa dwirɛ ɛne.

Amose 1:8 Iomraidhean Croise

2 Aberɛso Dwirɛ 26:6

Yusia sili nu ɔɔfale koɛ ɔtoale Filistifoɛ, na obubuli Filistifoɛ nguro hemɔ fasue guaguale ase: Gate, Yabene ne Asedɔde. Na ɔkyekyele nguro wɔ Asedɔde mbɔtam ne Filistifoɛ aseɛ nemɔ aso.

Edwein 81:14

Ahaa ngɔbrɛ bɛ pɔfoɛ mɔ ase ndɛndɛ, ná mafa me tumi mali bɛ pɔfoɛ mɔ so ngonim.

Yesaya 1:25

Ngɔfa me tumi ngɔhwe wɔ so, ngohuro wɔ ngɔye wɔ nwo fiɛ ne, ná maye wɔ nwo wohyee ne amukoraa magua.

Yesaya 20:1

Afoɛ bɔ Asiria hene Sagon somane ye safohene maa ɔɔfale koɛ toale Asedɔde lili so ngonim ne,

Yeremia 47:1

AWURADE dwirɛ bɔ ɔlale ye ali hyirele ngɔmhyɛlɛniɛ Yeremia fale Filistifoɛ nwo, koraka yeɛ Faro ɔkwaali Gasa so ngonim ne, ye ɛhe:

Hesekiel 25:16

yiti AWURADE Nyameɛ nwa nyoo: Tie, ngɔhwe Filistifoɛ bɛ so, ngonua Keretifoɛ bɛ boso, yeɛ ngohũhũ bɛ bɔ baha wɔ mboanoa ne.

Yoel 3:4

Ɛmɔ, Tiro ne Sidon ne Filistia mboanoa amukoraa, nzikyɛ dwirɛ yeɛ ɛmɔafa bali me e? Aso ɛmɔtua me nikyee bie so kerɛ anaa? Na sɛ ɛmɔtua me so kerɛ a, ye de ngɔma ɛmɔ yɔleɛ ne kɔbɔ ɛmɔ ti so ndɛndɛ so ne amirika so,

Amose 1:7

Yiti ngɔto Gasa fasue nu see maa ɔkɔyera ye anwoserɛ afealeɛ nemɔ.

Amose 3:9

Ɛ́mɔbɔ ye dawure wɔ Asedɔde anwoserɛ afealeɛ nemɔ anu, yeɛ Misraim aseɛ so anwoserɛ afealeɛ nemɔ anu, ná ɛmɔhã kyɛ, “Ɛ́mɔboaboa ɛmɔ noa wɔ Samaria mmokaa nemɔ aso, ɛ́mɔnea basabasa mbiri mbiri bɔ ɔkɔ so wɔ nu ɔ, ɔne nhyɛsoɛ bɔ ɔkɔ so wɔ nu ɔ.”

Obadia 1:18

Yakob boso ama kɔyɛ see, Yosef boso ama kɔyɛ see bɔ ogye ɔ, na Yisɔ boso ama de, bɛkɔyɛ ngyɛngyɛma, na bɛkɔsɔ wɔ bɛ nu bɛkɔyera bɛ. Yisɔ boso ama biala ngɔha, ofikyɛ bɔ AWURADE ahã hɔ ɛne.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Sakaria 9:5

Asekelɔn konwu ye, na ɛserɛ kɔhã ye, Gasa koso sɔ ala, na ahunundetelɛ kɔtɔ ye so, yeɛ Ekron, ofikyɛ ye anyelasoɛ kɔyɛ basaa. Ɛhene ne kowu kofi Gasa, na Asekelɔn kɔkakyi kurofoen.

Sakaria 9:6

Mmenia firaman firaman yeɛ bɛkɔtena Asedɔde ɔ, na ngotu Filistia b’anwomasoɛ ne abo.

1 Samuel 6:17

Esikaa kɔkorɛ mbɔmbɔ bɔ Filistifoɛ fa yɛle foɛlilɛ afɔleɛ bɛɛmane AWURADE ne, bɛ ɛhe: Asedɔde deɛ ko, Gasa deɛ ko, Asekelɔn deɛ ko, Gate deɛ ko, yeɛ Ekron deɛ ko.