Amose 1:6 - AHYERƐLƐ KRONGRON

⁶ AWURADE nwa nyoo, “Ɔnate Gasa ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛsoale mmenia bɔ bahye bɛ nnure ne amukoraa bɛfale bɛ beewurale Edom sa.

Amose 1:6 Iomraidhean Croise

2 Aberɛso Dwirɛ 28:18

Afei koso, né Filistifoɛ baabɔ apaa wɔ aseɛ frɛtɛɛ nguro nemɔ aso ne Yuda ngwaen dɔ. Né bafa Bete Semese, Ayalɔn, Gederote, Soko ne ye nwo nguraa, Timina ne ye nwo nguraa, yeɛ Gyimso ne ye nwo nguraa, na betu bɛɛtenatenane berɛ.

Yeremia 47:1

AWURADE dwirɛ bɔ ɔlale ye ali hyirele ngɔmhyɛlɛniɛ Yeremia fale Filistifoɛ nwo, koraka yeɛ Faro ɔkwaali Gasa so ngonim ne, ye ɛhe:

Hesekiel 35:5

Na ɔnate kyɛ asɔ ɛpɔen nu bɔ ɛngɔyakyi nu, bɔ afa ngrandɛ ahũhũ Yisraelfoɛ wɔ b’amaneɛ mmerɛ nu, wɔ bɛ sohwenɛ bɔ ɔpɛ ye bo mmerɛ nu ne ati,

Yoel 3:4

Ɛmɔ, Tiro ne Sidon ne Filistia mboanoa amukoraa, nzikyɛ dwirɛ yeɛ ɛmɔafa bali me e? Aso ɛmɔtua me nikyee bie so kerɛ anaa? Na sɛ ɛmɔtua me so kerɛ a, ye de ngɔma ɛmɔ yɔleɛ ne kɔbɔ ɛmɔ ti so ndɛndɛ so ne amirika so,

Yoel 3:6

Ɛmɔatɔne Yudafoɛ ne Yerusalemfoɛ bama Helafoɛ, kyɛbɔ ɔkɔyɛ bɔ ɛmɔkɔye bɛ kofi b’aseɛ so bɛkɔhɔ dedeede ɔ.

Amose 1:11

AWURADE nwa nyoo, “Ɔnate Edom ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ ɔfale ngrandɛ guli oliɛma so. Wanyɛ ye anwumvo, ɔmane ye ahone hɔle so huli, na ɔmane ye yaafɛlɛ piri ne hɔle so afebɔɔ.

Amose 1:3

AWURADE nwa nyoo, “Ɔnate Damasko ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bafa buralɛ bɔ bɛfa bɛboro aburoo ɔ bapɛkyɛ Gileade.

Amose 1:7

Yiti ngɔto Gasa fasue nu see maa ɔkɔyera ye anwoserɛ afealeɛ nemɔ.

Amose 1:9

AWURADE nwa nyoo, “Ɔnate Tiro ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛfale mmenia bɔ bahye bɛ nnure ne amukoraa beewurale Edom sa, na bangaye aliɛmaa apam ne.

Obadia 1:11

Sɔ kyẽa ne, egyinane nekaa bie yele wɔ nye, sɔ kyẽa bɔ ɛwɔfoɛ mɔ sesale ye anwonyadeɛ bɛhɔle ne, bɔ amanvrafoɛ bewurale ye pambim mɔ nu, ná beguale serewa bɛhyɛle Yerusalem bɛfale ne, wɔ koso eli tole bɛ so.

Sakaria 9:5

Asekelɔn konwu ye, na ɛserɛ kɔhã ye, Gasa koso sɔ ala, na ahunundetelɛ kɔtɔ ye so, yeɛ Ekron, ofikyɛ ye anyelasoɛ kɔyɛ basaa. Ɛhene ne kowu kofi Gasa, na Asekelɔn kɔkakyi kurofoen.

Asomafoɛ 8:26

Na Awurade abɔfo sele Filipo kyɛ, “Dwɔso ná fa ngwaen dɔ atee bɔ ofi Yerusalem ɔtoro kɔ Gasa ne aso.” Ɛhe te ɛserɛ so atee.

1 Samuel 6:17

Esikaa kɔkorɛ mbɔmbɔ bɔ Filistifoɛ fa yɛle foɛlilɛ afɔleɛ bɛɛmane AWURADE ne, bɛ ɛhe: Asedɔde deɛ ko, Gasa deɛ ko, Asekelɔn deɛ ko, Gate deɛ ko, yeɛ Ekron deɛ ko.