Amose 1:5 - AHYERƐLƐ KRONGRON

⁵ Ngobubu buralɛ bɔ ɔbrambram Damasko pambim nemɔ asi ne, na bɛ bɔ bɛte Awen bɔnza ne anu ne, ngɔpɛ bɛ asue ngofi berɛ. Bɔ otira hɔtɔ ne, ngotu ye ngofi Bete Eden, na bɛkɔhye Siriafoɛ nnure bɛkɔhɔ Kire,” AWURADE noa dwirɛ ɛne.

Amose 1:5 Iomraidhean Croise

2 Ahemvo 14:28

Afei Yeroboam nwo dwirɛ ngaa ne, ɔne bɔ ɔyɔle amukoraa, ɔne ye koɛ nu anwoserɛ, kyɛbɔ ɔho lele Yuda nguro Damasko ne Hamate ɔɔbokale Yisrael so ne, amba, bahyerɛ ye wɔ Yisrael ahemvo bɛ nwo dwirɛ nwomaa ne anu.

2 Ahemvo 16:9

Asiria hene tiele Ahase dwirɛ ne, yiti Asiria hene fale koɛ ɔɔtetale Damasko, na olili so ngonim. Ɔhyele Damasko nu mmenia nnure fale bɛ hɔle Kire, na ohuni Resin.

Yesaya 22:6

Na Elam fale agyaen ndokue sini, ɔne teaseɛnam mɔ ne pɔngɔhanɛfoɛ bɛ́ba, yeɛ Kire waye akokyɛm wafite.

Yesaya 43:14

AWURADE, ɛmɔ Defoɛ, Yisrael Krongronniɛ ne, ɔnwa nyoo: “Ɔnate ɛmɔ ti, masoma maa bahɔ Babilɔn, kyɛ beebubu mmuralɛ bɔ ɔbrambram pambim nemɔ asi ne anu, na Kaldeafoɛ anigye esebɔlɛ ne, ɔkɔkakyi awuyebɔlɛ.

Yesaya 8:4

ofikyɛ, anzana akwadaa ne konwu ‘Baba anaa Mooni’ kã ne, né Asiria hene wasoa Damasko anwonya ne Samaria koɛ nu nzesadeɛ wahɔ.”

Yeremia 50:36

Ngrandɛ gyi ngɔndorɔfoɛ mɔ so, maa ɔnate so bayɛ ngwaseafoɛ; ngrandɛ gyi bɛ koɛhonɛfoɛ so, amaa ɔnate so ahunundetelɛ atɔ bɛ so!

Yeremia 51:30

Babilɔn koɛhonɛfoɛ bayakyi koɛhonɛ, baafeafea b’anwoserɛ afealeɛ mɔ nu. B’anwoserɛ ayie, bakakyi mmrasua; mmenia ato ye atenaleɛ mɔ nu see, mmuralɛ bɔ ɔbeabea ye pambim mɔ asi ne, babubu nu.

Awuye 2:9

Ye pambim nemɔ bamimi bahɔ ase, wasɛkye mmuralɛ bɔ ɔbrambram ye si nemɔ, na wabubu nu; ye hene ne ye mbanyi mɔ baali maen maensofoɛ mɔ nu. Mmeraa ne, ɔnne berɛ ko. Ye ngɔmhyɛlɛfoɛ koso, bennya nyekyire bemvi AWURADE berɛ.

Hesekiel 27:23

Haran, Kanne, Eden, Hyeba dwadifoɛ, Asure ne Kilmade bɛ ne wɔ lili dwaa.

Hesekiel 30:17

Mmerandeɛ bɔ bɛwɔ On ɔne Pibesete, bɛkɔtotɔ ngrandɛ noa, na bɛkɔhye sɔ nguro nemɔ nu mmenia nnure bɛkɔhɔ.

Hosea 10:8

Yisrael bɔne, bɔ ye ole Awen asɔneyɛɛ nemɔ ne, bɛkɔsɛkye bɛ. Mmowue ne ɛfone kofifi b’afɔleɛ mmokyea nemɔ aso; na bekose mmokaa nemɔ kyɛ, “Ɛ́mɔkata yɛ so”, ná base pambaa nemɔ kyɛ, “Ɛ́mɔdwiri begua yɛ so.”

Amose 5:5

Nnɛma ɛmɔpena Betel si ate, yeɛ nnɛma ɛmɔkɔ Gilgal, yeɛ nnɛma ɛmɔpɛ nu bɛkɔ Beɛ Seba; ofikyɛ bɛkɔhye Gilgal nnure bɛkɔhɔ amba, yeɛ Betel kɔbɔ.”

Amose 9:7

“Ao Yisraelfoɛ, ɛmɔ, aso ɛmɔ bɛtte kyɛ Yitiopiafoɛ bɛmma me anaa? AWURADE noa dwirɛ ɛne. Aso manye Yisrael mamvi Misraim aseɛ so anaa? Aso manye Filistifoɛ mamvi Kafito, yeɛ manye Siriafoɛ mamvi Kire anaa?

Nahum 3:13

Nea! Wɔ koɛhonɛfoɛ nemɔ bɔ bɛwɔ wɔ nu ne, bakakyi mmrasua. W’aseɛ ne aso pambim nemɔ, bɛlela berɛ hambonnwu ma wɔ pɔfoɛ mɔ, na see ayera mmuralɛ bɔ bɛbrambram wɔ pambim mɔ asi ne.