Amose 1:3 - AHYERƐLƐ KRONGRON

³ AWURADE nwa nyoo, “Ɔnate Damasko ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bafa buralɛ bɔ bɛfa bɛboro aburoo ɔ bapɛkyɛ Gileade.

Amose 1:3 Iomraidhean Croise

1 Ahemvo 19:17

Sona biala bɔ Hasael wannya ye wangu ye ne, odi kyɛ Yehu ku ye. Na sona biala bɔ Yehu wannya ye wangu ye ne, odi kyɛ Elisa ku ye.

2 Ahemvo 13:3

AWURADE fɛle Yisrael so yaa piri, maa ɔnate so ɔfale bɛ wurale Siria hene Hasael sa mmerɛ pee, yeɛ afei ɔfale bɛ wurale Hasael awa Ben Hadade koso sa.

2 Ahemvo 13:7

Yiti Yehoahase koɛhonɛfoɛ bɔ bɛte pɔngɔhanɛfoɛ ne, né bɛmmo aburannu. Ɔhale teaseɛnam buru yeɛ koɛhonɛfoɛ bɔ bɛnate bɛ gya nu ɔ apee buru pɛ. Ofikyɛ Siria hene huhuni bɛ maa bɛsamone berɛ kyɛ mvuture bɔ sona tiatia so ɔ.

2 Ahemvo 16:9

Asiria hene tiele Ahase dwirɛ ne, yiti Asiria hene fale koɛ ɔɔtetale Damasko, na olili so ngonim. Ɔhyele Damasko nu mmenia nnure fale bɛ hɔle Kire, na ohuni Resin.

2 Ahemvo 8:12

Na Hasael bisale kyɛ, “Me mene, nzu ati yeɛ esu ye?” Na Elisa buale kyɛ, “Ofikyɛ mese bɔne bɔ ɛkɔfa koli Yisraelfoɛ ɔ. Bɛ nguro bɔ babɔ ye nwo waen nemɔ, ɛkɔto bɛ nu see, ɛkɔfa ngrandɛ kohũhũ bɛ mmerandeɛ mɔ, ɛkɔte bɛ mma mmaa mmaa mɔ ti kɔbɔ nikyee nu kohũ bɛ, ná bɛ pemvoɛ mɔ koso, ɛkɔpakyepakye bɛ kunu.”

YOB NWOMAA NE 19:3

Pɛen buru mumua ɛhe yeɛ ɛmɔadwudwo batia me ɔ, aso ɔnyɛ ɛmɔ nya kyɛ ɛmɔmaa mefa yealɛ nu ɔ?

YOB NWOMAA NE 5:19

Ɔkɔye wɔ kofi amaneɛ sɔ alaa nzia nu, yoo, na bɔ ɔtɔ so nzoo ne anu, edwirɛ biala ngɔto wɔ.

Anyandera 6:16

Sɔ nningyein nzia hemɔ bɛyɛ AWURADE tɛ, amba, nningyein nzoo hemɔ bɛte ye akyiwadeɛ:

Nworɛ Dwirɛhanɛniɛ 11:2

Kyekyɛ nu ma nzoo anaa mmɔtwɛ po, ofikyɛ ɛnze edwirɛ tɛɛ bɔ ebiaa ɔbaasi aseɛ ye aso ɔ.

Yesaya 28:27

Bɛmva ndaboa bɔ bɛboro so aburoo ɔ bɛndete ɛmeɛ, yeɛ bɛmva teaseɛnam bendwi bɛmva ɛkaberɛ so, na mmom mbapaa yeɛ bɛfa bɛtete ɛmeɛ ɔ, yeɛ bɛfa bakaa ba yeɛ bɛboro ɛkaberɛ ɔ.

Yesaya 41:15

Tie, ngɔfa wɔ ngɔyɛ ngaen bɔ bɛboro so aburoo, bɔ ɔte monɛ, ɔyɛ nna, bɔ ye gye tuatua nu ɔ. Ɛkɔfa kodwiri mmokaa ekoti bɛ nyokonyoko, na ɛkɔyɛ pambaa mɔ kyɛ afafu.

Yesaya 7:16

Ofikyɛ, aseɛ bɔ so ahemvo nyɔ bama ahunundetelɛ atɔ wɔ so ne, ɔkɔkakyi kurofoen koraka né akwadaa ne anwu kyɛ ɔkɔpo bɔne, ɔne kyɛ ɔkɔfa paa ɔ.

Yesaya 7:8

Ofikyɛ Siria ahenguro ole Damasko, yeɛ Resin yeɛ ɔla Damasko noa ɔ. (Na toonn bɔ ɔkwaadwu afoɛ aburasia ne nnu ne, Efraim kɔbɔ bɔkɔɔ bɔ ɔngɔyɛ maen ko ɔ.)

Yesaya 8:4

ofikyɛ, anzana akwadaa ne konwu ‘Baba anaa Mooni’ kã ne, né Asiria hene wasoa Damasko anwonya ne Samaria koɛ nu nzesadeɛ wahɔ.”

Amose 1:11

AWURADE nwa nyoo, “Ɔnate Edom ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ ɔfale ngrandɛ guli oliɛma so. Wanyɛ ye anwumvo, ɔmane ye ahone hɔle so huli, na ɔmane ye yaafɛlɛ piri ne hɔle so afebɔɔ.

Amose 1:13

AWURADE nwa nyoo, “Ɔnate Amonfoɛ b’amumuyɛɛ nza, eh, ɔne nna ne ati, mengɔhwe bɛ so hwenɛ ne mengosa; ofikyɛ mmerɛ bɔ bɛko bɛtrɛtrɛ bɛ wɛen nu ne, bɛpakyepakyele Gileade pemvoɛ mɔ kunu.

Amose 1:6

AWURADE nwa nyoo, “Ɔnate Gasa ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛsoale mmenia bɔ bahye bɛ nnure ne amukoraa bɛfale bɛ beewurale Edom sa.

Amose 1:9

AWURADE nwa nyoo, “Ɔnate Tiro ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛfale mmenia bɔ bahye bɛ nnure ne amukoraa beewurale Edom sa, na bangaye aliɛmaa apam ne.

Amose 2:1

AWURADE nwa nyoo, “Ɔnate Moabo ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ ɔyerale Edom hene mmowue maa ɔtɔle nzoen.

Amose 2:4

AWURADE nwa nyoo, “Ɔnate Yuda ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bapo AWURADE mmeraa, banni ye mmeraa dwirɛ so. Bɛ nnakannaka bɔ ɔte atee bɔ bɛ nana mɔ fale so ne, wamaa bali makyebu.

Amose 2:6

AWURADE nwa nyoo, “Ɔnate Yisrael ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛtɔne teneneeniɛ bɛfa bede ɛdwetɛ, yeɛ bɛtɔne ehianiɛ bɛfa bede mmaboa.

Sakaria 9:1

AWURADE dwirɛ ne ɔko tia Hadrake aseɛ, na ɔkɔho kotia Damasko koso. Na adasa mmaa bɛ nye kɔkakyi kɔwa AWURADE berɛ, kyɛbɔ Yisrael mmusua kure amukoraa bɛ nye kɔkakyi kɔwa ye berɛ ne.

Sakaria 9:2

Hamate bɔ ɔwɔ ɛwɛen so dɔ ne koso edwirɛ ne ko tia ye; Tiro ne Sidon koso sɔ ala, ɔwɔ nu kyɛ besusu kyɛ bɛse nworɛ.