Amose 1:12 - AHYERƐLƐ KRONGRON

¹² Yiti ngɔto Teman nu see maa ɔkɔyera Bosra anwoserɛ afealeɛ nemɔ.”

Amose 1:12 Iomraidhean Croise

Gyenesise 36:11

Elifase mma mmienzua mɔ ole Teman, Omare, Sefo, Gatam ne Kenase.

Gyenesise 36:33

Bela wuli, na Yobabo bɔ ɔse ole Sera bɔ ofi Bosra ne, olili ye bia.

1 Aberɛso Dwirɛ 1:44

Bela wuli ne, Sera bɔ ofi Bosra ne, ɔwa Yobabo yeɛ olili ye bia ɔ.

Yesaya 34:5

Ofikyɛ me ngrandɛ ne, wano wama ye ko ayi wɔ anwuro, na nea, ódwu ba Edom so, ódwu ba maen bɔ manoma ye ne aso ɔbabua ye ndɛen.

Yesaya 34:6

Mogya ayɛ AWURADE ngrandɛ ne anwo takaa, ɛloe afɔrefɔre ye nwo, mmoaen mmaa mogya ne mbɔngye mogya wayɛ ngrandɛ ne anwo, mmoaen nyii mɔ, bɛ saa nwo loe wayɛ ye nwo, ofikyɛ AWURADE asiesie afɔleɛ wɔ Bosra, ɔne ehunɛ afɔleɛ kandinga wɔ Edom aseɛ so.

Yesaya 63:1

Nwa yeɛ ofi Edom ɔ́ba e, bɔ ye ndaadeɛ nye gonn bɔ ofi Bosra ɔ́ba e? Ye bɔ ɔhera ɛtena nyemenenyemene ɔ, bɔ ole tumi pirikua otiatia ba e? “Me ɔ. Me bɔ mebɔ tenenee nwo dawure ne ɔ, Tuminiɛ bɔ mede ngoa ne ɔ.”

Yeremia 49:13

Ofikyɛ mata me bɔbɔ me nwo ndaen kyɛ Bosra kɔyɛ kurofoen, ngorohoɛ nikye, kuro bɔ wabɔ ɔ, ɔne ɛnomalɛ nikye, na ye nwo nguro amukoraa kɔyɛ nguro bɔ babɔ ɔ afebɔɔ, AWURADE noa dwirɛ ɛne.”

Yeremia 49:20

Yiti ɛ́mɔtie AWURADE nhyehyɛleɛ bɔ wayɛ wafa Edom nwo ɔ, ɔne adwene bɔ wadwene wafa Temanfoɛ nwo ɔ. Amba, bɛkɔhwe bɛ bɛkɔhɔ kyɛ mmoaen nemɔ anu mmaa mmaa paa nemɔ. Amba, ɔnate bɔ wato bɛ ne ati, b’atenaleɛ nwo kodwiri bɛ.

Yeremia 49:22

Tie, ɔkɔfo ná watu kyɛ kɔleɛ, na ɔkɔtrɛtrɛ ye ndaa nu wɔ Bosra so. Na sɔ kyẽa ne, Edom anwoserɛfoɛ bɛ kra kɔnwati kofi bɛ nwo, kyɛ brasua bɔ wafo aworɛ so ɔ ye deɛ.

Yeremia 49:7

Bɔ Asafo AWURADE kã fa Edom nwo ole kyɛ, “Aso nworɛ nne Teman ko? Aso nworɛfoɛ bendu foɛ ko anaa? Aso bɛ nworɛ atu amini anaa?

Hesekiel 25:13

yiti AWURADE Nyameɛ nwa nyoo: Ngɔhwe Edom so, na ngohũhũ so mmenia ne ngaka. Ngɔbɔ maen ne, na bɛkɔtotɔ ngrandɛ noa bekofi Teman maa okoodwu Dedan.

Obadia 1:1

Nyekyire bɔ Obadia nyane ye ne, ye ɛhe: Bɔ AWURADE Nyameɛ kã fa Edom nwo ole kyɛ, Yate ngunga bie yafi AWURADE dɔ, na wasoma ɛbɔfoɛ mɔ wɔ maen maen mɔ berɛ kyɛ, “Ɛ́mɔdwɔso, ɛ́mɔma yɛdwɔso yɛɛfa koɛ yɛteta ye.”

Habakuku 3:3

Nyameɛ fi Teman wale, amba, Krongronniɛ ne fi bokaa Paran so wale. Sela Ye animnyam katale nyameɛso, yeɛ ye nwo ayɛyelɛ yili aseɛ so tɛkyɛ.