3 Yohane 1:8 - AHYERƐLƐ KRONGRON

⁸ Yiti ɔsɛ kyɛ yɛboka sɔ mmenia nemɔ, amaa yɛ ne bɛ yayɛ aliɛmaa adwumayɔlɛfoɛ wɔ nahorɛ ne anu.

3 Yohane 1:8 Iomraidhean Croise

Edwein 94:16

Nwa yeɛ okodwɔso kotia bɔnefoɛ kɔma me ɔ? Nwa yeɛ okodwɔso kogyina kotia amumuyɛɛfoɛ kɔma me ɔ?

Mateo 10:14

Na sɛ ebiala ngole ɛmɔ anaa ongotie ɛmɔ dwirɛ a, ye de sɛ ɛmɔfi awuro anaa kuro ne aso bɛ́kɔ a, ɛ́mɔporoporo ɛmɔ gya bo mvuture bégua berɛ.

Mateo 10:40

“Bɔ ode ɛmɔ to nu nen, ode me koso to nu; yeɛ bɔ ode me to nu nen, ode bɔ ɔsomane me ne koso to nu.

Luka 11:7

Na okobua ye kofi ye sua nu dɔ kyɛ, ‘Nnɛha me! Mato m’anoa nu, na me mma lela me nwo wa wɔ mba so, na mengɔhora dwɔso mengɔma wɔ nikyee biala.’

2 Korintofoɛ 6:1

Yɛte bokafoɛ wɔ Nyameɛ adwuma nu, yiti yɛsrɛ ɛmɔ kyɛ, nnɛmɔma Nyameɛ adom bɔ ɛmɔanya ye ne yɛ mbaen.

2 Korintofoɛ 8:23

Tito de, ɔte mmiɛngo ne nniɛma adwumayɔlɛniɛ ma ɛmɔ, na aliɛmaa nemɔ wora bɛte asɔre nemɔ somafoɛ, bɛte Kristo animnyam.

Filipifoɛ 4:3

Yeɛ mesrɛ wɔ koso, mmiɛngo konnuasoalɛniɛ nohorɛniɛ, kyɛ boka mmrasua hemɔ, ofikyɛ bɛbokale me so yeɛ yɛyɔle nzɛmba ne nwo adwuma ɔ, bɛne Klɛmente ne mmiɛngo adwumayɔlɛfoɛ ngaa nemɔ bɔ bahyerɛ bɛ dumaa wɔ ngoa nwomaa ne anu ne.

Kolosefoɛ 4:11

Yesu bɔ bɛfrɛ ye Yusto ne koso obisa ɛmɔ ahye. Ɛhemɔ ngome yeɛ bɛte bienzuapɛlɛfoɛ bɔ bɛne me yɛyɔ Nyameɛ ahennie ne nwo adwuma ɔ, na bɛte aworakyekyerɛ ma me.

1 Tɛsalonikafoɛ 3:2

na yɛsomane aliɛmaa Timoteo bɔ ɔte Nyameɛ somvoɛ, ná ɔne yɛ yɔ Kristo nzɛmba ne nwo adwuma ne, kyɛ ɔɔhyɛ ɛmɔ nguraen ná ɔma ɛmɔ gyidie gyina pindinn;

Filemɔn 1:2

ɔne y’eliɛma brasua Apia, yɛ biɛngo sraaniɛ Akipo, ɔne asɔre bɔ ɔwɔ w’awuro ne.

Filemɔn 1:24

yeɛ Marko, Aristako, Dema ne Luka bɔ bɛte mmiɛngo adwumayɔlɛfoɛ ne, bebisa wɔ ahye.

3 Yohane 1:10

Yiti sɛ meba a, ngɔfa bɔ ɔyɛ ne ngɔto dwaa: odi nzekure yeayea fa yɛ nwo. Nna ɛhe angome, afei koso onzikye aliɛmaa mɔ wɔ ye awuro. Asa koso osi bɛ bɔ bekuro kyɛ bede aliɛmaa nemɔ bɛto nu ne ate, na ɔfoa bɛ fi asɔre ne anu.

3 Yohane 1:7

Ofikyɛ ɔnate ye ti yeɛ besili nu bɛhɔle ɔ, na banne hwee bamvi Amaenmaensofoɛ berɛ.

3 Yohane 1:9

Mahyerɛ krataa maama asɔre ne, nakoso Diotrefe bɔ okuro kyɛ ɔyɛ ye nwo panyi tra ebiala ne, onne yɛ ndo nu.