3 Yohane 1:6 - AHYERƐLƐ KRONGRON

⁶ Bɛ yeɛ bali wɔ dɔ ne nwo adanzeɛ bahyire asɔre ne ɔ. Na ɔte paa kyɛ ekogua bɛ ate kama bɔ ɔfata Nyameɛ solɛ ɔ.

3 Yohane 1:6 Iomraidhean Croise

Gyenesise 4:7

Aso ɛyɔ bɔ ɔte paa a, engonya animnyam? Nakoso anyɔ bɔ ɔte paa ne ati, bɔne tetɛ wɔ w’anoa nu berɛ. Ɔpena kyɛ onya wɔ nwo ate, nakoso odi kyɛ edi ye so”

Yona 4:4

Yeɛ AWURADE buale kyɛ, “Aso ɔte paa kyɛ ɛfɛ yaa ɔ?”

Asomafoɛ 15:29

Nnɛma ɛmɔdi aleɛ biala bɔ bafa babɔ afɔleɛ bama bosoen; nnɛma ɛmɔdi mogya; nnɛma ɛmɔdi kaka biala bɔ wawu ye mogya nu; yeɛ afei ɛmɔhwe bɛ nwo befi adwamanbɔlɛ nwo. Na sɛ ɛmɔtwe bɛ nwo befi ɛhemɔ nwo a, ɔte paa. Yɛbisa bɛ.”

Asomafoɛ 15:3

Antiokia asɔremma ne guale bɛ ate; na bɛkɔ nen, bɛfale Fonikia ne Samaria bɛhane kyɛbɔ Amaenmaensofoɛ asi afa bɛ nwo ama Nyameɛ, na edwirɛ he mane agyidifoɛ ne amukoraa bɛ nye gyele paa.

Asomafoɛ 21:5

Nakoso yɛ ngyẽa bɔ yɛdi ye berɛ ne sone nen, yɛfili berɛ yɛtoale yɛ ateetulɛ ne aso. Bɛ mukoraa bɛ ne bɛ ye mɔ ne bɛ mma mɔ beesomane yɛ ate maa yɛfili kuro ne anu, na yɛkotole mboanoa berɛ yɛbɔle mbaeɛ yɛ ne yɛ nwo yɛ nwo lili ngraa.

Romanfoɛ 15:24

Na mekuro kyɛ mebaasẽ mekɔ Sepania a, ngɔwa ɛmɔ berɛ, ná manya ɛmɔ nwo anika mmerɛ kãa, ná afei ɛmɔaboka me maa matoa m’ateetulɛ ne aso mahɔ berɛ.

2 Korintofoɛ 1:16

Nyɛle kyɛ sɛ mesẽ mekɔ Makedonia a, ahaa ngɔɔpasa ɛmɔ nwo, yeɛ sɛ mvi dɔ mesa meba koso a, masa maapasa ɛmɔ nwo, ná ɛmɔagua m’ate maa mahɔ Yudea.

Filipifoɛ 4:14

Nakoso ɔte paa kyɛ ɛmɔbokale me wɔ m’anwokyere nu ɔ.

Kolosefoɛ 1:10

Na ɛhe kɔmaa ɛmɔkɔhora kɔbɔ bra bɔ ɔfata Awurade, ná ɔsɔ ye nye wɔ atee biala so. Na ɔkɔmaa ɛmɔkosu mmaa wɔ nnwumaa paa mukoraati nu, ná ɛmɔanyi Nyameɛ nimdeɛ nu.

1 Tɛsalonikafoɛ 2:12

kyɛ ɛmɔbɔ bra bɔ ɔsɔ Nyameɛ bɔ wafrɛ ɛmɔ kyɛ ɛmɔɔnya kyɛfa wɔ ye Ahennie ne ye animnyam nu ne nye.

Tito 3:13

Bɔ mmɔden kyɛ ekogua mmeraa nwo nimdeɛniɛ Sena ɔne Apolo ate; nea kyɛ bengohia hwee ɔ.

1 Petro 2:20

Na sɛ ɛmɔyɔ bɔ ɔtte mayee, ná bɛbo ɛmɔ wɔ ye nwo a, nzikyɛ animnyam yeɛ ɛmɔnya ɔ? Nakoso sɛ ɛmɔyɔ bɔ ɔte paa, ná ɛmɔmia ɛmɔ nye benwu ye nwo amaneɛ a, ɔsɔ anyeɛ wɔ Nyameɛ nyunu.

3 Yohane 1:12

Mmenia mukoraa di Demetrio nwo adanzeɛ paa, yeɛ ye yɔleɛ koso di ye nwo adanzeɛ paa. Yɛ koso yɛdi ye nwo adanzeɛ, na ɛmɔse kyɛ y’adanzeɛ ne te nahorɛ.