3 Yohane 1:4 - AHYERƐLƐ KRONGRON

⁴ Nikyee biala mma me anigye bɔ ɔtra so te kyɛ ngɔte kyɛ me mma mɔ nate nahorɛ ne anu ɔ.

3 Yohane 1:4 Iomraidhean Croise

1 Ahemvo 2:4

AWURADE hã fale me nwo kyɛ, ‘Sɛ wɔ koliagyaa mɔ, bɛnea bɛbɔ bra paa, ná bɛfa b’ahone amukoraa ne bɛ kra amukoraa bedi me dwirɛ so nahorɛ nu a, sona bɔ odi wɔ bia tena Yisrael ahennie bia so ne, ɔngɔbɔ wɔ le.’

1 Ahemvo 3:6

Na Solomon buale kyɛ, “W’akoaa Dawide bɔ yeɛ ɔte me baba ne, ɛyɛle ye paa kandinga paa. Ofikyɛ olili wɔ dwirɛ so nahorɛ nu ɔne atee bɔ ɔtengyɛ ɔ so, na ɔyele ye ti anu fitaa ɔsole wɔ. Ahɔ so afa sɔ paa kandinga ne alo ye, na ɛnɛ amaa wanya baa bienzua maa wali ye bia.

2 Ahemvo 20:3

“Ao AWURADE, kyɛbɔ mafa m’ahone amukoraa mali wɔ dwirɛ so nahorɛ nu, ɔne kyɛbɔ mayɔ bɔ ɔtengyɛ wɔ wɔ nyunu ne, mesrɛ wɔ, fa wɔ nye to.” Na Hesekia suni hahii.

Anyandera 23:24

Teneneeniɛ ye baba di ahurusi paa, yeɛ seɛ bɔ ɔwo baa nworɛniɛ ne, seɛ ne nye gye ye nwo.

Yesaya 38:3

“Ao AWURADE, mesrɛ wɔ ala, fa wɔ nye to kyɛbɔ mafa m’ahone amukoraa mali wɔ dwirɛ so nahorɛ nu, ɔne kyɛbɔ mayɔ bɔ ɔtengyɛ ɔ wɔ wɔ nyunu ne.” Na Hesekia suni hahii.

Yesaya 8:18

Ɛ́mɔtie, me ne me mma bɔ AWURADE afa bɛ ama me ne, yɛte sɛngyerɛnneɛ ne kɔkɔbɔlɛ bɔ ofi Asafo AWURADE bɔ ɔte Sion bokaa so ne berɛ yɛma Yisrael.

2 Korintofoɛ 6:13

Yiti ɔsɛ kyɛ ɛmɔ wora ɛmɔmaa yɛnwu ye kyɛ yɛ koso yɛbata ɛmɔ ahone nwo. Ɛhe de medwudwo mekyire ɛmɔ kyɛ me mma oo.

Galatiafoɛ 2:14

Na nwuni kyɛ bakwati nahorɛ bɔ ɔwɔ nzɛmba ne anu nen, nzele Petro wɔ bɛ mukoraa bɛ nyunu kyɛ, “Sɛ wɔ bɔ ɛte Yudaniɛ ɛbɔ wɔ bra kyɛ Amaenmaensoniɛ, na ɛnyɛ kyɛ Yudaniɛ a, nzu ati yeɛ ɛhyɛ Amaenmaensofoɛ kyengyekyengye maa bɛbɔ bɛ bra kyɛ Yudafoɛ ɔ?”

Galatiafoɛ 4:19

Me mma ngwadaa, mesa medi ɛmɔ nwo yealɛ kyɛ brasua bɔ aworɛ aha ye ɔ kɔpem kyɛ Kristo sue ne kɔtena ɛmɔ nu ɔ.

1 Tɛsalonikafoɛ 2:11

Ɛmɔse kyɛ yɛtuli ɛmɔ nu biala foɛ, yɛkyekyele ɛmɔ wora kyɛbɔ seɛ si yɛ ye mma ɔ, na yɛhyɛle ɛmɔ nguraen,

1 Timoteo 1:2

mefa mebrɛ Timoteo, bɔ ɔte me bɔbɔ mma wɔ gyidie nu ne. Adom, anwumvoinnwunɛ ne asomdwee bɔ ofi yɛ Baba Nyameɛ ne yɛ Awurade Kristo Yesu berɛ ɔyɛ wɔ deɛ.

2 Timoteo 1:2

mefa mebrɛ mma Timoteo bɔ ɔla m’ahone nwo ɔ. Adom, anwumvoinnwunɛ ne asomdwee bɔ ofi Baba Nyameɛ ne y’Awurade Kristo Yesu berɛ ɔyɛ wɔ deɛ.

Filemɔn 1:10

Mepa wɔ kyerɛ mema mma Onesimo bɔ mayɛ ye baba wɔ me kuku nu nnaa ye anu ɔ.

1 Yohane 2:1

Me ngwadaa mɔ, mekyerɛ he mebrɛ ɛmɔ amaa ɛmɔanyɔ bɔne. Nakoso sɛ ebie yɔ bɔne a, yɛle kamafoɛ wɔ Baba ne nyunu bɔ ye ole teneneeniɛ Yesu Kristo.

2 Yohane 1:4

Ɔyɛle me fɛ paa, kyɛ nwuni kyɛ wɔ mma nemɔ bie nate nahorɛ ne anu kyɛbɔ Baba ne hyɛle yɛ ne ala.