3 Yohane 1:2 - AHYERƐLƐ KRONGRON

² Aliɛmaa, mebɔ mbaeɛ mema wɔ kyɛ nikyee biala hɔ so yé ma wɔ, ná enya anwoserɛ anwoɔnaen nu, kyɛbɔ nningyein kɔ so yé ma wɔ kra ne.

3 Yohane 1:2 Iomraidhean Croise

Mateo 9:12

Yesu tele sɔ dwirɛ ne nen, osele bɛ kyɛ, “Bɛ bɔ bɛte apɔ ne, benhia safoɛ, na mmom bɛ bɔ bɛnde apɔ yeɛ behia ye ɔ.

Filipifoɛ 2:27

Amba, ewue anwonyerɛ bɔle ye. Nakoso Nyameɛ nwuni ye anwumvoin; nna ye ngome, na me koso onwuni me anwumvoin bie, na wamma me wora ammɔ somaa.

Filipifoɛ 2:4

Nnɛma ɛmɔ nu biala pena ye ngome ye deɛ, na mmom ɔsɛ kyɛ ɔma ye mmango deɛ koso hia ye.

2 Tɛsalonika 1:3

Aliɛmaa mɔ, ɔsɛ kyɛ ɛmɔ ti daa yɛda Nyameɛ ase kyɛbɔ ɔfata ɔ, ofikyɛ ɛmɔ gyidie kɔ so nyi mmorosoɛ, na ɔdɔ bɔ ɛmɔle ma bɛ nwo bɛ nwo ne ɔte piri.

2 Tɛsalonika 2:13

Aliɛmaa mɔ bɔ Awurade kuro ɛmɔ dwirɛ ɔ, ɔte yɛ asɛdeɛ kyɛ ɔnate ɛmɔ ti daa yɛda Nyameɛ ase ɔ. Ofikyɛ Nyameɛ fi ahyɛaseɛ ne yeɛ waneanea nu waye ɛmɔ kyɛ ɛ́mɔnya daa ngoa, bɔ ɔnate Sunzum nu anwotelɛ ne nahorɛ gyidie nu ɔ.

Yakobo 5:12

Aliɛmaa mɔ, ɛhe amukoraa asi ne, nnɛma ɛmɔta ndaen! Nnɛma ɛmɔfa nyameɛso anaa aseɛ anaa nikyee biala bɛta ndaen. Na mmom ɛ́mɔma ɛmɔ “Yoo” yɛ yoo, ná ɛmɔ “Daabi” yɛ daabi, ná bammua ɛmɔ foɛ.

1 Petro 4:8

Bɔ ɔtra so ɔ, ɛmɔhurohuro ɛmɔ nwo dwirɛ nahorɛ nu, ofikyɛ ɔdɔ kata bɔne pee so.

2 Petro 3:18

Na mmom, ɛmɔhɔ so benyi wɔ y’Awurade ne yɛ Ngoadefoɛ Yesu Kristo adom ne ye nwo nimdeɛ nu. Ye yeɛ animnyam hã ye kekesaala ye ɔne daa daa ɔ. Amen.

3 Yohane 1:1

Krataa ye fi me bɔ nde panyi berɛ. Mefa mebrɛ Gayɔso bɔ mekuro ye dwirɛ wɔ nahorɛ nu ɔ.

Nyekyire 2:9

Mese w’amaneɛnwunɛ ne wɔ hiaa, (nakoso anya wɔ nwo), yeɛ mese bɛ bɔ bɛnwa bɛte Yudafoɛ nakoso bɛtte Yudafoɛ ne, ná mmom bɛte Satan nyianu sua ne, bɛ musue dwirɛ kekanɛ ne.