3 Yohane 1:11 - AHYERƐLƐ KRONGRON

¹¹ Aliɛmaa, nnɛdi tɛɛ si na mmom di paa si. Sona biala bɔ ɔyɔ paa ne te Nyameɛ deɛ, na sona bɔ ɔyɔ tɛɛ ne, onnwuni Nyameɛ.

3 Yohane 1:11 Iomraidhean Croise

Edwein 34:14

Twe wɔ nwo fi bɔne nwo, ná yɔ bɔ ɔte paa ɔ, pena asomdwee si atee, na fa bɔ wɔ bra.

Edwein 37:27

Twe wɔ nwo fi bɔne nwo, ná yɔ bɔ ɔte paa ɔ; na ɛkɔtena berɛ afebɔɔ.

Ɛksadɔso 23:2

Nnɛdi mmeni soma si ɛkɔyɔ bɔne. Sɛ édi dwirɛ bie nwo adanzeɛ a, nnɛdi mmeni soma noa dwirɛ si, ná angyea nahorɛ ne;

Anyandera 12:11

Sona bɔ ɔyɔ ye aseɛ so adwuma ne, odidi ma ye ko yi, nakoso bɔ odi nningyein mbaen mbaen si ne de, adwene nne ye ti anu.

Yohane 10:27

Me mmoaen nemɔ bɛte me komvi, mese bɛ, na bedi me si.

Yohane 12:26

Sɛ ebie so me a, ɔsɛ kyɛ odi me si; na nekaa bɔ nwɔ ne, berɛ yeɛ me somvoɛ koso kɔwa ɔ; na ebiala bɔ ɔso me ne, me Baba kɔhyɛ ye animnyam.”

Yohane 3:20

Ɔnate kyɛ, ebiala bɔ ɔyɔ bɔne ne, okyi kanea ne, na ɔmma kanea ne nwo, kyɛbɔ ɔkɔyɛ bɔ ye yɔleɛ ngɔla ali ɔ.

1 Korintofoɛ 11:1

Ɛ́mɔsuasua me, kyɛbɔ me koso mesuasua Kristo ne.

1 Korintofoɛ 4:16

Yiti mesrɛ ɛmɔ kyɛ ɛmɔsua me.

Ɛfesofoɛ 5:1

Yiti ɛ́mɔsua Nyameɛ, kyɛ ye mma bɔ ɛmɔla ye ahone nwo ɔ.

Filipifoɛ 3:17

Aliɛmaa mɔ, ɛ́mɔsuasua me, ná ɛ́mɔnea bɛ bɔ bɛ bra te sɔ ala ne, kyɛbɔ yɛte nhwɛsoɛ ma ɛmɔ ne.

1 Tɛsalonikafoɛ 1:6

Ɛmɔsuasuane yɛ ne Awurade; na ɔwɔ nu kyɛ ɛmɔnwuni amaneɛ pee wɔ edwirɛ ne anwo de, nakoso ɛmɔfale anika bɔ ofi Sunzum Krongron berɛ bɛsɔle nu.

1 Tɛsalonikafoɛ 2:14

Aliɛmaa mɔ, Nyameɛ asɔre mɔ bɔ bɛwɔ Yudea wɔ Yesu Kristo nu ne, agyirɛ bɔ betuli ne, ebiala yeɛ ɛmɔ koso ɛmɔatu ne; ofikyɛ ɛmɔ koso ɛmɔanwu amaneɛ wɔ ɛmɔ bɔbɔ ɛmɔ mmenia bɛ sa nu, kyɛbɔ Yudafoɛ fa yɛle bɛ koso ne ala.

2 Timoteo 3:10

Nakoso wɔ de, ɛse me ngyerɛkyerɛ ne paa, me brabɔlɛ, me botaeɛ, me gyidie, m’animia, me dɔ ne m’aboterɛ;

Hebrifoɛ 6:12

Yɛnguro kyɛ ɛmɔkɔyɛ nyaanyaa, na mmom yɛkuro kyɛ ɛmɔsua bɛ bɔ bɛnate gyidie ne aboterɛ so benya Nyameɛ bɔhyɛ ne.

1 Petro 3:11

Maa ohyi bɔne ná ɔyɔ bɔ ɔte paa ɔ; maa ɔpena asomdwee boso ná oli ye si.

1 Petro 3:13

Na sɛ ɛmɔfa besie ɛmɔ nye so kyɛ ɛmɔyɔ bɔ ɔte paa a, nwa yeɛ ɔkɔha ɛmɔ ɔ?

1 Yohane 2:29

Na sɛ ɛmɔse kyɛ ɔte teneneeniɛ a, nzaade ɛmɔse kyɛ ebiala bɔ ɔyɔ bɔ ɔtengyɛ ne te Nyameɛ awa.

1 Yohane 3:10

Na ɛhe yeɛ ɔmaa yɛnwu nzonzoleɛ bɔ ɔla abɔnzam ne Nyameɛ mma b’afia ɔ: ebiala bɔ ɔyɔ bɔ ɔndengyɛ anaa bɔ onguro oliɛma dwirɛ ne, ɔtte Nyameɛ awa.

1 Yohane 4:1

Aliɛmaa mɔ, nna sunzum biala yeɛ ɔsɛ kyɛ ɛmɔde ye bedi ɔ, na mmom ɛmɔso sunzum nemɔ bɛnea sɛ aso bɛte Nyameɛ deɛ anaa; ofikyɛ ngondombo ngɔmhyɛlɛfoɛ pee badwɔso wɔ wiase.