2 Yohane 1:8 - AHYERƐLƐ KRONGRON

⁸ Ɛ́mɔnea ɛmɔ nwo yé, amaa bɔ ɛmɔafɛ banya ye ne wamvi ɛmɔ sa, na mmom ɛmɔanya ye nwo akatuaa mukoraa.

2 Yohane 1:8 Iomraidhean Croise

Daniel 12:3

Bɛ bɔ bɛte mmadwemma ne, bɛkɔta kyɛbɔ ewienu ta ɔ; yeɛ bɛ bɔ behyirehyirele mmeni pee maa bɛfale tenenee atee so ne, bɛ wora bɛkɔta kyɛ nzramaa afebɔɔ.

Mateo 24:4

Na Yesu buale bɛ kyɛ, “Ɛ́mɔnea yé ná ebiala annakalaka ɛmɔ.

Marko 13:23

Yiti ɛ́mɔla ɛmɔ nwo so, ofikyɛ mali moa mahã ye mukoraa mahyire ɛmɔ dada.

Marko 13:9

Nakoso ɛmɔ de, ɛ́mɔla ɛmɔ nwo so, ofikyɛ bɛkɔye ɛmɔ bɛkɔma mbanyi badwa, na bɛkɔbo ɛmɔ wɔ nyianu sua mɔ nu. Na ɔnate me ti bɛkɔfa ɛmɔ bekoogyina amrado mɔ ne ahemvo nyunu, na ɛmɔkoli adanzeɛ bekohyire bɛ.

Luka 19:19

Na osele ye koso kyɛ, ‘Wɔ koso, nea nguro nnu so.’

Luka 21:8

Yeɛ Yesu buale kyɛ, “Ɛ́mɔla ɛmɔ nwo so ná bannakalaka ɛmɔ; ofikyɛ mmenia pee bele me dumaa bɛkɔwa bɛkɔɔhã kyɛ, ‘Me ole ye,’ ɔne kyɛ ‘Mmerɛ ne adwu!’ Yiti nnɛma ɛmɔdi bɛ si.

Yohane 4:36

Sona bɔ obu ne, onya akatuaa, na ɔboaboa mmaa ne noa kɔ daa ngoa nu; na sona bɔ odua ne ɔne bɔ obu ne, benya anigye bɛbɔ nu.

1 Korintofoɛ 15:8

Bɔ ɔpɛ ye bo ɔ, ɔyele ye nwo ali hyirele me koso bɔ nde kyɛ ebie bɔ wandwu oni aworɛ ná wawo ye ɔ.

1 Korintofoɛ 3:14

Sɛ ebie adwuma bɔ wayɔ wafa watoa fapem ne aso kora gyina see ne noa a, okonya ye nwo akatuaa.

1 Korintofoɛ 3:8

Bɔ oluale ne, ɔne bɔ oguaguale so nzue ne, bɛ mukoraa pɛ, na bɛ nu biala sa kɔha ye akatuaa kyɛbɔ ye bɔbɔ ye adwuma si te ɔ.

Galatiafoɛ 3:4

Amaneɛ pee bɔ ɛmɔnwuni ye ne, aso wayɛ mbaen? Dabida, ɔngɔyɛ mbaen!

Galatiafoɛ 4:11

Mesuro kyɛ ebiaa ɛmɔ nwo fɛɛ bɔ mafɛ ne ayɛ mbaen.

Filipifoɛ 3:16

Nakoso bɔ yanya ye dada ne, ɛ́mɔma yɛhɔ so yɛsɔ nu bum.

Hebrifoɛ 10:32

Ɛ́mɔkaye mmerɛ bie bɔ wapɛ nu ɔ, bɔ ɛmɔɔyɛle agyidifoɛ nen, ɛmɔmiane bɛ nye bɛfale amaneɛ pee nu ne.

Hebrifoɛ 10:35

Yiti nnɛmɔma ɛmɔ abasanu bu, ofikyɛ ye nwo akatuaa piri bie wɔ berɛ.

Hebrifoɛ 12:15

Ɛ́mɔnea yé na Nyameɛ adom ne ammɔ ɛmɔ, na ɛmɔ nu biala anyɛ ye nwo bakaa ndii weewee, bɔ ɔfa ɛhawo brɛ mmeni pee na ogua bɛ nwo fiɛ ɔ;

Nyekyire 3:11

Méba ndɛndɛ, yiti sɔ bɔ anya ye ne anu yé, ná ebiala anne w’abotire ne.