2 Yohane 1:6 - AHYERƐLƐ KRONGRON

⁶ Na ɔdɔ ole kyɛ yɛkoli ye ahyɛdeɛ ne aso ɔ’. Na ahyɛdeɛ ne, kyɛbɔ yate fi ahyɛaseɛ ne ole kyɛ yɛtena ɔdɔ nu.

2 Yohane 1:6 Iomraidhean Croise

Yohane 14:15

“Sɛ ɛmɔkuro me dwirɛ a, ɛmɔli m’ahyɛdeɛ so.

Yohane 14:21

Na sona bɔ ole m’ahyɛdeɛ ná odi so nen, ye yeɛ okuro me dwirɛ ɔ; na bɔ okuro me dwirɛ nen, me Baba kohuro ye dwirɛ, ngohuro ye dwirɛ, na ngɔye me nwo ali ngohyire ye.”

Yohane 14:23

Na Yesu buale ye kyɛ, “Sɛ ebie kuro me dwirɛ a, okoli me dwirɛ so, na me Baba kohuro ye dwirɛ, na yɛkɔwa ye berɛ, ná yaayɔ yɛ atenaleɛ wɔ ye berɛ.

Yohane 15:10

Sɛ ɛmɔdi m’ahyɛdeɛ so a, ɛmɔkɔtena me dɔ nu, kyɛbɔ mali me Baba ahyɛdeɛ so ná nde ye dɔ nu ne.

Yohane 15:14

Sɛ ɛmɔdi m’ahyɛdeɛ so a, ye de ɛmɔte me damvo mɔ.

Deuteronomi 13:4

AWURADE ɛmɔ Nyameɛ ngome yeɛ ɔsɛ kyɛ ɛmɔdi ye si ná ɛmɔsuro ye ɔ. Ye mmeraa dwirɛ yeɛ ɔsɛ kyɛ ɛmɔdi so ɔ, na ye dwirɛ yeɛ ɔsɛ kyɛ ɛmɔtie ɔ. Ye yeɛ ɔsɛ kyɛ ɛmɔso ye ná ɛmɔfa bɛ nwo bɛbɔ ye ɔ.

1 Yohane 2:24

Yiti ɛ́mɔma edwirɛ bɔ ɛmɔate bafi ahyɛaseɛ ne ɔtena ɛmɔ nu. Na sɛ bɔ ɛmɔate bafi ahyɛaseɛ ne tena ɛmɔ nu a, ɛmɔ koso ɛmɔkɔtena Baa ne ne Baba ne nu daa.

1 Yohane 2:5

Nakoso ebiala bɔ odi ye dwirɛ so ne yeɛ Nyameɛ dɔ ne di mu wɔ ye nu amba ɔ. Ɛhe yeɛ ɔmaa yɛnwu kyɛ yɛ ne ye atira abiɛngoɛ ɔ.

1 Yohane 2:7

Aliɛmaa mɔ, nna ahyɛdeɛ foforɛ, na mmom ahyɛdeɛ daa ne ala bɔ ahyɛaseɛ ne ɛmɔnyane ye ne yeɛ mekyerɛ mebrɛ ɛmɔ ɔ. Na sɔ ahyɛdeɛ daa ne ole edwirɛ bɔ ɛmɔate fite ahyɛaseɛ ne.

1 Yohane 5:15

Na sɛ yɛse kyɛ bɔ yɛbisa biala otie yɛ de a, nzaade yɛse kyɛ yɛ sa ahã nningyein bɔ yɛbisa ye ne dada.

1 Yohane 5:3

Sɛ yɛdi Nyameɛ ahyɛdeɛ so a yeɛ okyire kyɛ yɛkuro ye dwirɛ ɔ, na ye ahyɛdeɛ ne aso lilɛ koso nyɛ se.

2 Yohane 1:5

Yiti afei, bra panyi, mesrɛ wɔ kyɛ ɛ́mɔma yɛhurohuro yɛ nwo dwirɛ; nna kyɛ mmeraa foforɛ yeɛ mekyerɛ mebrɛ ɛmɔ ɔ, na mmom mmeraa bɔ yɛnyane ye fili ahyɛaseɛ ne ala ɔ.