2 Yohane 1:1 - AHYERƐLƐ KRONGRON

¹ Krataa he fi me bɔ nde panyi berɛ. Mefa mebrɛ braa bɔ baneanea nu baye ye ne ɔne ye mma. Mekuro bɛ dwirɛ nahorɛ nu, na nna me ngome, na mmom mmenia mukoraa bɔ banwu nahorɛ ne wora bekuro bɛ dwirɛ,

2 Yohane 1:1 Iomraidhean Croise

Luka 1:3

Yiti yɛ mene animnyamniɛ Tiofilo, mato me bo ase maneanea bɔ osisili ne amukoraa nu pɛpɛɛpɛ, ofi ye bohyɛlɛ, na manwu kyɛ ɔte paa kyɛ me koso ngɔhyerɛ ye nnidisoɛ nnidisoɛ ngɔbrɛ wɔ ɔ,

Yohane 8:32

na ɛmɔkonwu nahorɛ ne, na nahorɛ ne kɔyɛ ɛmɔ nnehyeɛ.”

Asomafoɛ 11:30

Bɛyɔle sɔ, na bɛfale akyɛdeɛ ne bɛsomane Banaba ne Sɔɔlo maa bɛɛmane Yerusalem asɔre ne mbanyi mɔ.

Romanfoɛ 16:13

Mébisa Rufu bɔ ɔbɔ mmɔden paa wɔ Awurade adwuma nu, ɔne ye maame bɔ wafa me wayɛ ɔwa ne ahye.

Galatiafoɛ 2:14

Na nwuni kyɛ bakwati nahorɛ bɔ ɔwɔ nzɛmba ne anu nen, nzele Petro wɔ bɛ mukoraa bɛ nyunu kyɛ, “Sɛ wɔ bɔ ɛte Yudaniɛ ɛbɔ wɔ bra kyɛ Amaenmaensoniɛ, na ɛnyɛ kyɛ Yudaniɛ a, nzu ati yeɛ ɛhyɛ Amaenmaensofoɛ kyengyekyengye maa bɛbɔ bɛ bra kyɛ Yudafoɛ ɔ?”

Galatiafoɛ 2:5

Na yɛ de, yamma bɛ ate mmerɛ kaala po, kyɛbɔ ɔkɔyɛ ná nahorɛ bɔ ɔwɔ nzɛmba ne anu ahɔ so atena berɛ ama ɛmɔ daa ɔ.

Galatiafoɛ 3:1

O Galatiafoɛ bɔ ɛmɔndwene ɔ! Nwa yeɛ odwumvale ɛmɔ sɔa ye; (bɔ ɔmaa ɛmɔnne nahorɛ ne nni ɔ?) Aso nna ɛmɔ nyunu yeɛ behyirehyirele nu pefee kyɛ bɛbɔle Yesu Kristo mmeamudua nu ɔ?

Galatiafoɛ 5:7

Né ɛmɔtu amirika ne paa! Na afei nwa yeɛ osili ɛmɔ ate bɔ ɔmaa ɛmɔyɛ nahorɛ ne nwo asoserɛ ɔ?

Kolosefoɛ 1:5

ɔnate anyelasoɛ bɔ ɔwɔ berɛ ma ɛmɔ wɔ nyameɛso. Na ɛhe yeɛ ɛmɔate ye dada wɔ nahorɛ dwirɛ bɔ ye ole nzɛmba ne,

1 Timoteo 2:4

ye bɔ okuro kyɛ mmenia amukoraa benya daa ngoa ná bɛba nahorɛ nimdeɛ ne anu ne.

Hebrifoɛ 10:26

Na sɛ yɛnya yɛnya nahorɛ ne nwo nimdeɛ, na ye si ye yɛ nye la ye nwo yɛkɔ so yɛyɔ bɔne de a, ye de bɔnefakyɛ afɔleɛ biala nne berɛ ko;

1 Petro 1:2

bɛ bɔ Baba Nyameɛ waneanea nu waye bɛ fi tetetete, bɔ ɔnate Sunzum Krongron so wate bɛ nwo wama Yesu Kristo nwo sotie ɔne ye mogya nu anwopetenɛ ne: Adom ne asomdwee mmorosoɛ ɔyɛ ɛmɔ deɛ.

1 Petro 5:1

Yiti me bɔ nde ɛmɔ aliɛma panyi ɔne Kristo amaneɛnwunɛ nwo danzeniɛ, bɔ ngosa ngonya kyɛfa wɔ animnyam bɔ bɛbaaye ye ali ne anu ne, métu ɛmɔ nu mbanyi nemɔ foɛ kyɛ,

1 Petro 5:13

Asɔre bɔ ɔwɔ Babilɔn, bɔ baneanea nu baye ye kyɛ ɛmɔ ne, obisa ɛmɔ ahye; mma Marko koso obisa ɛmɔ ahye.

1 Yohane 2:21

Nna kyɛ ɛmɔnze nahorɛ ne ti yeɛ mekyerɛ he mebrɛ ɛmɔ ɔ, na mmom kyɛ ɛmɔse, na afei ɛmɔsa bɛse kyɛ ngondombo biala mvi nahorɛ nu mma.

1 Yohane 3:18

Me ngwadaa mɔ, nnɛmɔma yɛfa yɛ noa mbaen anaa temverema fɛɛ yɛkuro mmenia dwirɛ, na mmom ɛ́mɔma yɛyɔ ye wɔ yɔleɛ nu ne nahorɛ nu.

2 Yohane 1:13

Eliɛmaa brasua bɔ baneanea nu baye ye ne, ye mma mɔ bébisa ɛmɔ ahye.

2 Yohane 1:5

Yiti afei, bra panyi, mesrɛ wɔ kyɛ ɛ́mɔma yɛhurohuro yɛ nwo dwirɛ; nna kyɛ mmeraa foforɛ yeɛ mekyerɛ mebrɛ ɛmɔ ɔ, na mmom mmeraa bɔ yɛnyane ye fili ahyɛaseɛ ne ala ɔ.

3 Yohane 1:1

Krataa ye fi me bɔ nde panyi berɛ. Mefa mebrɛ Gayɔso bɔ mekuro ye dwirɛ wɔ nahorɛ nu ɔ.