2 Timoteo 1:3 - AHYERƐLƐ KRONGRON

³ Mefa asennaa mema Nyameɛ bɔ mefa tiboa paa meso ye, kyɛbɔ me nana mɔ bɛsole ye ne, kyɛ daa biala mekaye wɔ wɔ me mbaeɛ nu eyia ne kɔngɔen.

2 Timoteo 1:3 Iomraidhean Croise

Luka 2:37

Né ɔte kunaniɛ bɔ wali afoɛ kɔyɛ aburawɔtwɛ ne nna; na daa biala né ɔwɔ asɔneyɛɛ sua nu berɛ, bɔ eyia ne kɔngɔen ole akɔngyere ne mbaeɛbɔlɛ ɔsɔne Nyameɛ ɔ.

Asomafoɛ 22:3

“Nde Yudaniɛ, bɛwole me Taaso bɔ ɔwɔ Kilikia manzini nu. Bɛtetele me wɔ kuro ye anu, na Gamaliɛl yeɛ ohyirele me nikye ɔ. Ɔfale yɛ nana mɔ mmeraa ne hyirele me nikyee pɛpɛɛpɛ, na nduli me nwo nziele berɛ mane Nyameɛ kyɛbɔ ɛnɛ ye ɛmɔ amukoraa bɛyɔ ne.

Asomafoɛ 23:1

Pɔɔlo tole ye nye neane badwafoɛ ne haa na osele kyɛ, “Aliɛmaa mɔ, me tiboa mmua me foɛ wɔ me bra bɔ mabɔ wɔ Nyameɛ nyunu tonn maa waadwu ɛnɛ ye nwo.”

Asomafoɛ 24:14

Na ɛhe de, mede meto nu wɔ wɔ nyunu kyɛ, Atee bɔ bɛnwa ɔte ngondombo atee ne yeɛ mefa so mesɔne yɛ nana mɔ Nyameɛ ɔ. Yeɛ mede nikyee biala bɔ bahyerɛ ye wɔ Mose mmeraa ne ngɔmhyɛlɛfoɛ nwomaa ne anu medi.

Asomafoɛ 24:16

Ɛhe ati, mmerɛ biala mebɔ mmɔden kyɛ me tiboa ngobua me foɛ wɔ Nyameɛ ne kuro sona nyunu ɔ.

Asomafoɛ 26:4

“Yudafoɛ mukoraa se m’abrabɔ nu dwirɛ fite me ngwadaa nu. Bɛse kyɛbɔ masi mabɔ me bra mukoraa wɔ me bɔbɔ me manzini nu ne Yerusalem ɔ.

Asomafoɛ 27:23

Ɔnate kyɛ, ɛnɛ kɔngɔen ye, Nyameɛ bɔ nde ye deɛ ná meso ye n’abɔfo wale me berɛ,

Romanfoɛ 9:1

Meka nahorɛ ne wɔ Kristo nu, membɛ ngondombo; na me tiboa koso di me adanzeɛ wɔ Sunzum Krongron nu.

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

Galatiafoɛ 1:14

Na nyane ngɔsoɛ wɔ Yudasom nu ndrale Yudafoɛ pee bɔ me ne bɛ bɔ tipɛen, na nzɔle me nana mɔ amammerɛ ne anu serɛserɛ.

Ɛfesofoɛ 1:16

nnyakyili ɛmɔ nwo asennaa, na mekaye ɛmɔ wɔ me mbaeɛbɔlɛ nu:

1 Tɛsalonikafoɛ 3:10

Yɛfa y’ahone amukoraa alehyeleɛ ne alesaleɛ yɛsrɛ kyɛ ɔma yɛnwu ɛmɔ nyunu, ná yɛpagya bɔ ɔtɔ sii wɔ ɛmɔ gyidie nu ne.

1 Timoteo 1:19

ná nya gyidie ne tiboa paa bɔ ebiemɔ de bagyi bato nekaa bie, ná bafi ase wɔ gyidie nu ne.

1 Timoteo 1:5

Na kɔkɔbɔlɛ ne, ye botaeɛ ole ɔdɔ bɔ ofi ahone bɔ nu te ɔ nu, tiboa paa ne gyidie kaenn nu.

1 Timoteo 5:5

Brasua kunaniɛ bɔ olle bie, bɔ waha ye ngome ne, ɔfa ye nye to Nyameɛ so, na otu ye nwo sie berɛ ma ngotosrɛ ne mbaeɛ kɔngɔen ne eyia.

2 Timoteo 1:5

Na ɔmaa mekaye wɔ nahorɛ gyidie ne, gyidie bɔ wɔ nana Loyese ne wɔ maame Yunise belili moa benyane ye ne, na mede medi kyɛ wɔ koso ele bie.

2 Timoteo 3:15

ɔne kyɛbɔ ofi wɔ ngwadaa nu yeɛ anwu Ahyerɛlɛ Krongron ne kyɛ ɔkora maa enwu nworɛ bɔ ɔnate Yesu Kristo nu gyidie so ɔfa wɔ kɔ ngoalelɛ nu ɔ.

Hebrifoɛ 13:8

Kyɛbɔ Yesu Kristo te anoma nen, sɔ ala yeɛ ɔte ɛnɛ, ɔne afebɔɔ ɔ.

1 Samuel 12:23

Yeɛ me koso, ɔngɔwa ye sɔ le, kyɛ ngɔyakyi ɛmɔ nwo mbaeɛbɔlɛ maa ɔnate so ngɔyɔ bɔne ngotia AWURADE ɔ. Atee bɔ ɔte paa ná ɔtengyɛ ne yeɛ ngohyirehyire ɛmɔ ɔ.