2 Timoteo 1:2 - AHYERƐLƐ KRONGRON

² mefa mebrɛ mma Timoteo bɔ ɔla m’ahone nwo ɔ. Adom, anwumvoinnwunɛ ne asomdwee bɔ ofi Baba Nyameɛ ne y’Awurade Kristo Yesu berɛ ɔyɛ wɔ deɛ.

2 Timoteo 1:2 Iomraidhean Croise

Asomafoɛ 16:1

Pɔɔlo hɔle oodwuli Dɛɛbi ne Lisetra. Né gyidiniɛ bie bɔ bɛfrɛ ye Timoteo wɔ berɛ. Ye maame te Yudaniɛ gyidiniɛ, yeɛ ye baba koso te Helaniɛ.

Romanfoɛ 1:7

Mekyerɛ mebrɛ ɛmɔ amukoraa bɔ Nyameɛ kuro ɛmɔ dwirɛ bɔ ɛmɔwɔ Rome, bɔ wafrɛ ɛmɔ kyɛ ɛmɔɔyɛ anwoteefoɛ ɔ. Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

Romanfoɛ 12:19

Aliɛmaa mɔ, nnɛma ɛmɔtotɔ ɛmɔ nwo wereɛ, na mmom ɛ́mɔyakyi bɛ́ma Nyameɛ ahonehulɛ ne. Ofikyɛ bahyerɛ kyɛ, “Wereɛtɔlɛ te me deɛ, na ngotua so kerɛ, Awurade noa dwirɛ ɛne.”

1 Korintofoɛ 4:17

Ɛhe ati, mésoma mma Timoteo bɔ mekuro ye dwirɛ ná odi nahorɛ wɔ Awurade nu ne wɔ ɛmɔ berɛ, kyɛ ɔɔkayekaye ɛmɔ me Kristo nu brabɔlɛ, kyɛbɔ mekyirekyire ye asɔre biala nu wɔ nekaa biala ne.

Filipifoɛ 4:1

Yiti aliɛmaa mɔ bɔ mekuro ɛmɔ dwirɛ ná me wora dɔ ɛmɔ ɔ, m’anigyeɛ ne m’abotire; ɛmɔ bɔ ɛmɔla m’ahone nwo ɔ, ɛ́mɔgyina pindinn wɔ Awurade nu.

1 Timoteo 1:2

mefa mebrɛ Timoteo, bɔ ɔte me bɔbɔ mma wɔ gyidie nu ne. Adom, anwumvoinnwunɛ ne asomdwee bɔ ofi yɛ Baba Nyameɛ ne yɛ Awurade Kristo Yesu berɛ ɔyɛ wɔ deɛ.

2 Timoteo 2:1

Yiti mma, ma wɔ nwo yɛ se wɔ adom bɔ ɔwɔ Kristo Yesu nu ne anu.

Tito 1:4

na mékyerɛ mebrɛ Tito, bɔ ɛte me bɔbɔ mma wɔ gyidie komapɛ ne ala nu ɔ. Adom, anwumvoinnwunɛ ne asomdwee bɔ ofi Baba Nyameɛ ne yɛ Ngoadefoɛ Awurade Yesu Kristo berɛ ɔyɛ wɔ deɛ.

Tito 2:13

wɔ mmerɛ bɔ yɛnwondɛ anyelasoɛ bɔ ɔte saleɛ, bɔ ɔte yɛ Nyameɛ piri ne yɛ Ngoadefoɛ Yesu Kristo animnyam walɛ ne ɔ.

3 Yohane 1:4

Nikyee biala mma me anigye bɔ ɔtra so te kyɛ ngɔte kyɛ me mma mɔ nate nahorɛ ne anu ɔ.