2 Samuel 9:7 - AHYERƐLƐ KRONGRON

⁷ Na Dawide sele ye kyɛ, “Nnɛsuro, na ɔnate wɔ baba Yonatan ti ngɔyɛ wɔ paa. Wɔ nana Sɔɔlo aseɛ ne, ngɔfa ye mukoraa ngɔma wɔ, na ɛne me kɔtena ɛpoen ko anwo yɛkodidi daa.”

2 Samuel 9:7 Iomraidhean Croise

Gyenesise 43:18

Né Yakob mma nemɔ suro, ɔnate Yosef awuro bɔ bɛfale bɛ bɛhɔle ne ati, na besele kyɛ, “Sikaa bɔ bɛfa bewurale yɛ mmɔtɔ nemɔ anu mmerɛ bɔ yɛlili moa yɛwale wa ne, yiti yeɛ bafa yɛ bawa wa ye, amaa wanya atee wahye yɛ nnure wafa yɛ wayɛ ngoaa, na wafa y’afunum nemɔ.”

Gyenesise 43:23

Awuro berɛ neafoɛ ne buale bɛ kyɛ, “Ɛ́mɔhã ɛmɔ ahone bɛto ɛmɔ kunu, nnɛma ɛmɔsuro, ebiaa ɛmɔ Nyameɛ, ɛmɔ baba ye Nyameɛ ne, ye yeɛ wafa agyapadeɛ wawura ɛmɔ mmɔtɔ nemɔ anu ɔ. Ɛmɔ sikaa ne de, me sa hane ye.” Na ɔyele Simeon brɛle bɛ.

2 Samuel 12:8

Me yeɛ mmaa enyane wɔ mene Sɔɔlo awuro ama so tumi, ná nza mvale ɔye mɔ koso nwurale wɔ sa ɔ, yeɛ mafa Yisrael ne Yuda awuro ama koso mama wɔ. Na sɛ ɛhe te kãa po a, ahaa ngɔfa ye mmɔhoɛ ngɔboka wɔ so.

2 Samuel 19:28

Nana, me mene, ahaa me baba abusuafoɛ mukoraa, ehunɛ yeɛ yɛfata kyɛ eku yɛ ɔ. Nakoso amaa me, wɔ somvoɛ, maboka mmenia bɔ bedidi wɔ poen so ne aso. Nana, nzikyɛ bieku yeɛ ngɔhora ngobisa ngofi wɔ berɛ ɔ?”

2 Samuel 19:29

Na Nana Dawide sele ye kyɛ, “Onhia kyɛ ɛkɔha wɔ nwo kodwudwo ko. Mahã kyɛ, ɛne Siba bɛkɔhyɛ aseɛ ne.”

2 Samuel 19:33

Nana Dawide sele ye kyɛ, “Maa yɛpɛ asue ne yɛhɔ Yerusalem kɔtena nekaa bɔ nde ne, na ngɔnea wɔ.”

2 Samuel 21:7

Nakoso Sɔɔlo anomaa Mefibosɛte bɔ ɔte Yonatan awa ne de, Nana Dawide maa onyane ye ti didili nu, ɔnate kyɛ né Dawide ne Sɔɔlo awa Yonatan bɛ munyɔ bafa AWURADE bata bɛ nwo ndaen.

2 Samuel 9:1

Ɛlɛho bie, Dawide bisale kyɛ, “Sɔɔlo boso ama ne, aso ebie tɛ wɔ berɛ bɔ ɔnate Yonatan ti ɔsɛ kyɛ meyɛ ye paa ɔ?”

2 Samuel 9:10

Ɛne wɔ mma ne wɔ somvoɛ mɔ, odi kyɛ ɛmɔyɔ aseɛ ne aso adwuma bɛma ye. Fa so aleɛ bra, amaa ɔnate so wɔ mene anomaa Mefibosɛte wanya aleɛ wali. Na wɔ mene anomaa ne de, ɔne me kɔtena ɛpoen ko anwo yɛkodidi daa.” Né Siba le mmaa mmienzua buru ne nnu ne somvoɛ aburanyɔ.

2 Samuel 9:11

Na Siba sele Nana Dawide kyɛ, “Nana, me mene, nikyee biala bɔ ahyɛ wɔ somvoɛ kyɛ nyɔ ne, sɔ ala yeɛ wɔ somvoɛ ngɔyɔ ɔ.” Na Mefibosɛte ne Dawide bɛtenane ɛpoen ko anwo bedidili, kyɛ Dawide mma nemɔ nu ko ala.

2 Samuel 9:13

Na Mefibosɛte tenane Yerusalem, ofikyɛ né ɔne Nana Dawide bɛtena ɛpoen ko anwo bedidi daa biala. Né ye gya ne amunyɔ bɛtte mayee.

2 Samuel 9:3

Na Nana Dawide bisale ye kyɛ, “Aso Sɔɔlo bosoniɛ bie tɛ wɔ berɛ bɔ ngɔhora ngɔfa me nye ngɔto Nyameɛ anwumvoinnwunɛ so ngɔboka ye ɔ?” Na Siba buale Nana Dawide kyɛ, “Waha Yonatan awa bienzua ko; ɔte bubuaniɛ.”

1 Ahemvo 2:7

Nakoso, Gileadeniɛ Basilae mma mmienzua nemɔ de, yɛ bɛ paa. Mmenia bɔ ɛma bɛ bɛ noa aleɛ ne, fa bɛ boka so ofikyɛ mmerɛ bɔ nwati mvili eliɛma Absalom nyunu ne, bɛyele bɛ kunu bɛbokale me.

2 Ahemvo 25:29

Yiti Yehoakyin puropurole ye kuku nu ndaadeɛ ne guale wurale ndaadeɛ paa, na mmerɛ amukoraa bɔ né ɔte ase ne, né ɔne Ewile Merodake yeɛ bɛtena poen nwo bedidi ɔ.

Edwein 41:9

Mmiɛngo bɔ mede ye medi paa, bɔ yeɛ me ne ye yɛto asaa yɛdidi ne, ye yeɛ waye me wama ɔ.

Yeremia 52:33

Yiti Yehoakyin puropurole ye kuku nu ndaadeɛ ne guale, na mmerɛ amukoraa bɔ né ɔte ase ne, né ɔne Ewile Merodake yeɛ bɛtena poen nwo bedidi ɔ.

Sakaria 7:9

“Asafo AWURADE nwa nyoo: Ɛ́mɔbua ndɛen turoloo, ná ebiala ɔla anwumvoinnwunɛ ne adɔeɛ ali ohyire obiɛngo;

Mateo 6:11

Ma yɛ yɛ daa dada aleɛ ɛnɛ;

Luka 22:30

amaa ɔnate so ɛmɔadidi ná ɛmɔano wɔ me poen so wɔ m’ahennie nu, ná ɛmɔatenatena ahennie bia so babua Yisrael mmusua kure buru ne nyɔ ne ndɛen.”

Nyekyire 3:20

Tie! Ngyi anoa ne asi mebɔ nu; na sɛ ebie te me komvi ná okobukye anoa ne a, ngowura nu ngɔwa ye berɛ, ná me ne ye yaadidi, ná ɔne me koso adidi.

1 Samuel 12:24

Ɛ́mɔnea nningyein mbiri mbiri bɔ wayɔ wama ɛmɔ ɔ. Esurolɛ mmom yeɛ ɔsɛ kyɛ ɛmɔsuro AWURADE, ná ɛmɔfa ɛmɔ ahone amukoraa bɛso ye nahorɛ nu ɔ.

1 Samuel 20:15

wɔ nahorɛ abiɛngoɛfalɛ ne, nnɛyakyi ye falɛ wɔ m’abusua nu. Na sɛ AWURADE ma Dawide pɔfoɛ mɔ bɛ boso nua fi aseɛ ye aso po a, m’abusua de, nnɛyakyi ye abiɛngoɛfalɛ le.”

1 Samuel 22:23

Maa yɛtena wa, na nnɛsuro, ofikyɛ sona bɔ ɔpena me ku me ne, wɔ koso ɔpena wɔ ku wɔ. Na ɛwɔ me wa de a, ngɔbɔ wɔ nwo waen.”