2 Samuel 9:3 - AHYERƐLƐ KRONGRON

³ Na Nana Dawide bisale ye kyɛ, “Aso Sɔɔlo bosoniɛ bie tɛ wɔ berɛ bɔ ngɔhora ngɔfa me nye ngɔto Nyameɛ anwumvoinnwunɛ so ngɔboka ye ɔ?” Na Siba buale Nana Dawide kyɛ, “Waha Yonatan awa bienzua ko; ɔte bubuaniɛ.”

2 Samuel 9:3 Iomraidhean Croise

2 Samuel 19:26

Na obuale kyɛ, “O Nana, me mene, me somvoɛ ne lakalakale me. Nana, wɔ somvoɛ, nga ngyirele ye kyɛ osiesie afunum ma ndena so ma me ne wɔ yɛhɔ, ofikyɛ wɔ somvoɛ, nde bubuaniɛ.

2 Samuel 19:27

Nana, me mene, waatoatoa me wahyire wɔ. Nakoso Nana, me mene, wɔ de ɛte kyɛ Nyameɛ abɔfo, yiti bɔ ekuro kyɛ ɛyɔ biala, yɔ.

2 Samuel 4:4

Né Sɔɔlo awa Yonatan le baa bienzua bubuaniɛ bie. Oli Mefibosɛte. Mmenia fili Yesreel bɛɛbɔle amaneɛ kyɛ Sɔɔlo ne Yonatan bawu nen, né Mefibosɛte ali afoɛ nnu. Baanealɛniɛ bɔ ɔnea ye ne pagyale ye nwatili. Na ndɛndɛ so bɔ ɔnwati nen, Mefibosɛte te tɔle, na ɔyɛle bubuaniɛ.

2 Samuel 9:13

Na Mefibosɛte tenane Yerusalem, ofikyɛ né ɔne Nana Dawide bɛtena ɛpoen ko anwo bedidi daa biala. Né ye gya ne amunyɔ bɛtte mayee.

2 Samuel 9:7

Na Dawide sele ye kyɛ, “Nnɛsuro, na ɔnate wɔ baba Yonatan ti ngɔyɛ wɔ paa. Wɔ nana Sɔɔlo aseɛ ne, ngɔfa ye mukoraa ngɔma wɔ, na ɛne me kɔtena ɛpoen ko anwo yɛkodidi daa.”

Luka 6:36

Yiti ɛ́mɔnwu anwumvoin, kyɛbɔ ɛmɔ Baba koso onwu anwumvoin ne.

Deuteronomi 10:15

nakoso AWURADE fale wɔ nana mɔ ngome wurale ye kunu, na ɔneaneane nu yele ɛmɔ bɔ bɛte bɛ bosofoɛ ne fili mmenia mukoraati nu, kyɛbɔ kekesaala ye ɔte ye.

Deuteronomi 4:37

Na ɔnate kyɛ ohurole wɔ nana mɔ dwirɛ ne ati, ɔpale nu yele bɛ bosofoɛ. Na ye bɔbɔ deinn ɔnate ye tumi piri so yeɛ ɔyele wɔ fili Misraim ɔ.