2 Samuel 9:11 - AHYERƐLƐ KRONGRON

¹¹ Na Siba sele Nana Dawide kyɛ, “Nana, me mene, nikyee biala bɔ ahyɛ wɔ somvoɛ kyɛ nyɔ ne, sɔ ala yeɛ wɔ somvoɛ ngɔyɔ ɔ.” Na Mefibosɛte ne Dawide bɛtenane ɛpoen ko anwo bedidili, kyɛ Dawide mma nemɔ nu ko ala.

2 Samuel 9:11 Iomraidhean Croise

2 Samuel 15:15

Na Nana Dawide mbanyi nemɔ sele ye kyɛ, “Nana, yɛ mene, bɔ ɛkɔha kyɛ wɔ ngoaa yɛyɔ biala, yɛkɔyɔ.”

2 Samuel 19:17

Benyamin abusua kure ne, né nu mmenia apee ko boka Simei so. Siba bɔ ɔte Sɔɔlo abusua nu somvoɛ ne, ye koso ɔboka so, ɔne ye mma mmienzua buru ne nnu ne ye somvoɛ aburanyɔ. Na bɛhane bɛ nwo bɛhɔle asue Yɔɔdan noa dɔ kyɛ bɛkwaayia Nana Dawide.

2 Samuel 19:24

Sɔɔlo anomaa Mefibosɛte hɔle ooyiale Nana Dawide. Né wayakyi ye gya boen maa wafu, wama ye kanza afu funyaenn, na ye ndaadeɛ koso né ɔppole, fite kyẽa bɔ Nana Dawide fili Yerusalem maa oodwuli kyẽa bɔ osa wale asomdwee nu ɔ.

2 Samuel 19:26

Na obuale kyɛ, “O Nana, me mene, me somvoɛ ne lakalakale me. Nana, wɔ somvoɛ, nga ngyirele ye kyɛ osiesie afunum ma ndena so ma me ne wɔ yɛhɔ, ofikyɛ wɔ somvoɛ, nde bubuaniɛ.

2 Samuel 9:10

Ɛne wɔ mma ne wɔ somvoɛ mɔ, odi kyɛ ɛmɔyɔ aseɛ ne aso adwuma bɛma ye. Fa so aleɛ bra, amaa ɔnate so wɔ mene anomaa Mefibosɛte wanya aleɛ wali. Na wɔ mene anomaa ne de, ɔne me kɔtena ɛpoen ko anwo yɛkodidi daa.” Né Siba le mmaa mmienzua buru ne nnu ne somvoɛ aburanyɔ.

2 Samuel 9:12

Né Mefibosɛte le baa abɛɛmaa bie bɔ oli Mika. Na Siba awuro ama mukoraa bɛɛyɛle Mefibosɛte somvoɛ.

2 Samuel 9:13

Na Mefibosɛte tenane Yerusalem, ofikyɛ né ɔne Nana Dawide bɛtena ɛpoen ko anwo bedidi daa biala. Né ye gya ne amunyɔ bɛtte mayee.