2 Samuel 9:1 - AHYERƐLƐ KRONGRON

¹ Ɛlɛho bie, Dawide bisale kyɛ, “Sɔɔlo boso ama ne, aso ebie tɛ wɔ berɛ bɔ ɔnate Yonatan ti ɔsɛ kyɛ meyɛ ye paa ɔ?”

2 Samuel 9:1 Iomraidhean Croise

2 Samuel 1:26

O, nniɛma Yonatan, wɔ ti me wora abɔ; né mekuro wɔ dwirɛ paa, kyɛbɔ esi hurole me dwirɛ ne ɔyɛ nwanwa, na ɔtra ehurolɛ bɔ ofi mmrasua berɛ ɔ.

2 Samuel 21:7

Nakoso Sɔɔlo anomaa Mefibosɛte bɔ ɔte Yonatan awa ne de, Nana Dawide maa onyane ye ti didili nu, ɔnate kyɛ né Dawide ne Sɔɔlo awa Yonatan bɛ munyɔ bafa AWURADE bata bɛ nwo ndaen.

2 Samuel 9:7

Na Dawide sele ye kyɛ, “Nnɛsuro, na ɔnate wɔ baba Yonatan ti ngɔyɛ wɔ paa. Wɔ nana Sɔɔlo aseɛ ne, ngɔfa ye mukoraa ngɔma wɔ, na ɛne me kɔtena ɛpoen ko anwo yɛkodidi daa.”

1 Ahemvo 2:7

Nakoso, Gileadeniɛ Basilae mma mmienzua nemɔ de, yɛ bɛ paa. Mmenia bɔ ɛma bɛ bɛ noa aleɛ ne, fa bɛ boka so ofikyɛ mmerɛ bɔ nwati mvili eliɛma Absalom nyunu ne, bɛyele bɛ kunu bɛbokale me.

Anyandera 27:10

Nnɛpo wɔ damvo ne wɔ baba damvo; yeɛ sɛ edwirɛ to wɔ a, nnɛkɔ eliɛma awuro, na mmom sona bɔ ɔte pingye wɔ ne, ɔkɔhora kɔboka wɔ kɔtra eliɛma bɔ ɔwɔ dedeede ɔ.

Mateo 10:42

Na ebiala bɔ ɔkɔma mmaa mmaa hemɔ anu ko nzue frɔlɔɔ kwangoa ko, ɔnate kyɛ onwu ye kyɛ ɔte suaniɛ ne ati nen, nahorɛ nu mekã mekyire ɛmɔ kyɛ, ye akatuaa ngɔbɔ ye.”

Mateo 25:40

Na Ɛhene ne kobua bɛ kyɛ, ‘Amba, mekã mekyire ɛmɔ kyɛ, kyɛ ɛmɔyɔ bɛmane nniɛma hemɔ anu kaaba ko po nen, me yeɛ ɛmɔyɔ bɛmane me ɔ!’

Marko 9:41

Na ebiala bɔ ɔkɔma ɛmɔ nzue kwangoa ko ma ɛmɔkɔno wɔ me dumaa nu, kyɛ ɛmɔte Kristo deɛ ne ati nen, nahorɛ nu, mekã mekyire ɛmɔ kyɛ, ye akatuaa ngɔbɔ ye.

1 Petro 3:8

Bɔ ɔpɛ ye bo ɔ, ɛmɔ amukoraa ɛ́mɔnya adwene ko, ɛ́mɔnwunwu ɛmɔ nwo anwumvoin, ɛmɔhurohuro ɛmɔ nwo dwirɛ kyɛ aliɛmaa mɔ, ɛ́mɔnya tema bɛ́ma ɛmɔ nwo, na ɛ́mɔdwene anwobrɛaseɛ adwene.

1 Samuel 20:42

Afei Yonatan sele Dawide kyɛ, “Kɔ asomdwee nu, ɔnate kyɛ yɛ munyɔ yata ndaen wɔ AWURADE dumaa nu, kyɛ, ‘AWURADE di yɛ munyɔ y’afia adanzeɛ, yeɛ odi me bosofoɛ ne wɔ bosofoɛ koso adanzeɛ daa.’ ” Yeɛ Dawide sili nu hɔle, na Yonatan de, osa hɔle awuro.