2 Samuel 8:4 - AHYERƐLƐ KRONGRON

⁴ Dawide hyele Hadadesa pɔngɔhanɛfoɛ nemɔ anu apee ko ɛyaa nzoo, ɔne koɛhonɛfoɛ bɔ bɛnate ase ɔ apee aburanyɔ. Mbɔngɔ amukoraa bɔ teaseɛnam sosɔ bɛ ne, Dawide pepɛle bɛ gya si ndii nu, nakoso ɔyakyili mbɔngɔ ne bie bɔ bɛkɔfa teaseɛnam ɛyaa ko bɛkɔsosɔ bɛ ɔ.

2 Samuel 8:4 Iomraidhean Croise

Gyenesise 49:6

Ao me kra, nnɛne bɛ fa adwene; Ao me sunzum, nnɛne bɛ bɔ afɛ; ofikyɛ sɛ bɛfɛ yaa a, bedi awue, na bɛgye bɛ nye a, bɛpepɛ nandwie mɔ gya ndii nu.

1 Ahemvo 10:26

Solomon boaboale teaseɛnam mɔ ne mbɔngɔ noa. Né ole teaseɛnam apee ko ɛyaa nna ne pɔngɔhanɛfoɛ apee buru ne nyɔ. Ɔfale bie hɔle mbɔngɔ nguro biemɔ aso, yeɛ ɔmane ebie koso hale ye nwo berɛ wɔ Yerusalem.

1 Aberɛso Dwirɛ 18:4

Dawide hyele Hadadesa teaseɛnam mɔ apee ko, pɔngɔhanɛfoɛ apee nzoo, ɔne koɛhonɛfoɛ bɔ bɛnate ase ɔ apee aburanyɔ. Mbɔngɔ amukoraa bɔ teaseɛnam sosɔ bɛ ne, Dawide pepɛle bɛ gya si ndii nu, nakoso ɔyakyili mbɔngɔ ne ɛyaa ko.

Edwein 20:7

Ebiemɔ fa bɛ wora bewura teaseɛnam mɔ nu, yeɛ ebiemɔ koso bɛfa bɛ deɛ bewura mbɔngɔ nu; nakoso yɛ de, yɛ wora wura AWURADE yɛ Nyameɛ dumaa nu.

Deuteronomi 17:16

Nakoso sona bɔ okoli hene ne de, ɔnzɛ kyɛ ɔma ye mbɔngɔ mɔ sone pee, yeɛ ɔnzɛ kyɛ ɔma mmenia ne sá kɔ Misraim kyɛ ɔkwaapena mbɔngɔ pee, ofikyɛ AWURADE aha ahyire ɛmɔ kyɛ, ‘Ɔnzɛ kyɛ ɛmɔsa bɛ si bɛfa sɔ atee ne aso ko.’

Yosua 11:6

Na AWURADE sele Yosua kyɛ, “Nnɛsuro bɛ, ofikyɛ ɛhema bekye sɔa ala, ngohũhũ bɛ mukoraati ngɔma Yisrael. Na odi kyɛ ɛpepɛ bɛ mbɔngɔ mɔ gya ndii nu, ná ɛfa see yera bɛ teaseɛnam nemɔ.”

Yosua 11:9

Na kyɛbɔ AWURADE hyɛle Yosua kyɛ ɔyɔ ne, sɔ ala yeɛ ɔfa yɔle bɛ ɔ. Ɔpepɛle bɛ mbɔngɔ mɔ gya ndii nu, na ɔfale see yerale bɛ teaseɛnam nemɔ.