2 Samuel 8:14 - AHYERƐLƐ KRONGRON

¹⁴ Ɔmane ye koɛhonɛfoɛ bɛɛkyekyele asikyeleɛ wɔ Edom. Bɛkyekyele ye wɔ Edom amukoraa, na Edomfoɛ amukoraa bɛɛyɛle Dawide ngoaa. Na AWURADE mane Dawide lili ngonim wɔ koɛ biala bɔ ɔhone ɔ nu.

2 Samuel 8:14 Iomraidhean Croise

Gyenesise 25:23

Na AWURADE sele ye kyɛ, “Maen nyɔ wɔ wɔ kunu, na mmenia fekue nyɔ bɔ ɛkɔwo bɛ ne, b’afia ngɔwo fite b’aworɛ nu. Ko koli obiɛngo so, na panyi ne kɔso kãa ne.”

Gyenesise 27:29

Ɔ́ma mmenia so wɔ, na maen maen bɛkoto wɔ. Ɔ́ma ɛyɛ eliɛma mɔ so meneɛ, Na eni amma mɔ bɛkoto wɔ. Bɛkɔnoma ebiala bɔ ɔkɔnoma wɔ ɔ, Na saleɛ yɛ ebiala bɔ okoyira wɔ ɔ deɛ!”

2 Samuel 5:10

Dawide hɔle so nyane ngɔsoɛ, ofikyɛ AWURADE, Asafo Nyameɛ gyinane ye si.

2 Samuel 7:9

Magyina wɔ si wɔ nekaa biala bɔ ɛhɔle ɔ, maprapra wɔ pɔfoɛ amukoraa mafi w’atee nu, na mapagya wɔ dumaa maa wayɛ kyɛ aseɛ ye aso atitirefoɛ bɛ dumaa.

2 Samuel 8:15

Yiti Dawide lili Yisrael amukoraa so hene. Nahorɛlilɛ ne pɛpɛɛpɛyɛlɛ yeɛ ɔfa lili ye mmenia ne amukoraa so ɔ.

2 Samuel 8:6

Afei Dawide ɔɔkyekyele koɛhonɛfoɛ asikyeleɛ mɔ wɔ Damasko bɔ ɔwɔ Siria. Na Siriafoɛ bɛɛyɛle Dawide ngoaa bɔ né betua ɛtoɔ bɛma ye ɔ. Na AWURADE mane Dawide lili ngonim wɔ koɛ biala bɔ ɔhone ɔ nu.

1 Ahemvo 11:15

Ofikyɛ mmerɛ bɔ né Dawide wɔ Edom, ná safohene Yoabo hɔle kyɛ ɔkwaasie bɛ bɔ batotɔ koɛ nu ne, ohuni bienzua biala bɔ ɔwɔ Edom ɔ

1 Ahemvo 22:47

Né ɛhene biala nne Edom; na sona bɔ Yuda hene yele ye kyɛ ogyina ye gya nu ne, ye yeɛ né ɔnea maen ne aso ɔ.

1 Ahemvo 22:48

Yɛhosafate yɔle Tasise ɛlɛen ne sɛso mɔ kyɛ ɔfa kɔ Ofire ɔkɔfa esikaa kɔkorɛ. Nakoso bangora kɔ, ofikyɛ beetimuni wɔ Esion Gebɛre.

2 Ahemvo 14:7

Amasia huhuni Edomfoɛ apee buru wɔ Ngyee Bɔnza ne anu, na olili Sela so ngonim wɔ koɛ nu. Ɔtole berɛ dumaa Yokete Ɛl, na bafa sɔ dumaa ne bafrɛ kuro ne maadwu ɛnɛ.

2 Ahemvo 18:7

Nikyee biala bɔ ɔyɔle ne, oyiele ye yé ofikyɛ AWURADE gyinane ye si. Ɔyɛle Asiria hene nwo lɔen, na wanzo ye.

1 Aberɛso Dwirɛ 18:13

Ɔkyekyele asikyeleɛ wɔ Edom mane ye koɛhonɛfoɛ bɛtenane berɛ, na Edomfoɛ amukoraa bɛɛyɛle Dawide ngoaa. Na AWURADE bɔle Dawide nwo waen wɔ nekaa biala bɔ ɔhɔle ɔ.

Edwein 60:1

Ao Nyameɛ, apo yɛ, abɔ yɛ asande; afɛ yaa, ao yɛsrɛ wɔ, maa yɛpe yɛ daa nu!