2 Samuel 7:9 - AHYERƐLƐ KRONGRON

⁹ Magyina wɔ si wɔ nekaa biala bɔ ɛhɔle ɔ, maprapra wɔ pɔfoɛ amukoraa mafi w’atee nu, na mapagya wɔ dumaa maa wayɛ kyɛ aseɛ ye aso atitirefoɛ bɛ dumaa.

2 Samuel 7:9 Iomraidhean Croise

Gyenesise 12:2

Ngɔmaa ɛkɔyɛ maen pirikua, ngoyira wɔ, ná mama wɔ dumaa ahɔ anwuro, amaa ɔnate so ayɛ saleɛ.

2 Samuel 22:1

Mmerɛ bɔ AWURADE lele Dawide fili ye pɔfoɛ amukoraa sa nu ne Sɔɔlo sa nu ne, Dawide tole dwein he yele AWURADE ayɛ.

2 Samuel 22:30

Egyina me si maa medi ɛlɔen so ngonim, me Nyameɛ gyina me si maa mehuru mefa fasue so.

2 Samuel 22:43

Ndini bɛ muhumuhu kyɛ aseɛnwo mvuture, na ndiatiale bɛ so nwɔle bɛ kyɛ dwaaso nnɛterɛ.

2 Samuel 23:1

Dawide noa dwirɛ bɔ ɔpɛ ye bo ɛhe: Yese awa Dawide, ye noa dwirɛ, sona bɔ Nyameɛ apagya ye ne, ye noa dwirɛ, sona bɔ Yakob Nyameɛ apopa ye ngoo ne, Yisrael edweintolɛniɛ bɔ ye dwein fɛfɛɛfɛ ne, ye noa dwirɛ ɛhe:

2 Samuel 5:10

Dawide hɔle so nyane ngɔsoɛ, ofikyɛ AWURADE, Asafo Nyameɛ gyinane ye si.

2 Samuel 8:13

Mmerɛ bɔ Dawide oohuhuni Siriafoɛ apee buru ne mmɔtwɛ wɔ Ngyee Bɔnza ne anu ná osa wale ne, ye dumaa trɛle.

2 Samuel 8:14

Ɔmane ye koɛhonɛfoɛ bɛɛkyekyele asikyeleɛ wɔ Edom. Bɛkyekyele ye wɔ Edom amukoraa, na Edomfoɛ amukoraa bɛɛyɛle Dawide ngoaa. Na AWURADE mane Dawide lili ngonim wɔ koɛ biala bɔ ɔhone ɔ nu.

2 Samuel 8:6

Afei Dawide ɔɔkyekyele koɛhonɛfoɛ asikyeleɛ mɔ wɔ Damasko bɔ ɔwɔ Siria. Na Siriafoɛ bɛɛyɛle Dawide ngoaa bɔ né betua ɛtoɔ bɛma ye ɔ. Na AWURADE mane Dawide lili ngonim wɔ koɛ biala bɔ ɔhone ɔ nu.

1 Aberɛso Dwirɛ 17:8

Magyina wɔ si wɔ nekaa biala bɔ ahɔ ɔ, mali wɔ pɔfoɛ amukoraa so ngonim mama wɔ, na ngɔpagya wɔ dumaa maa ɔkɔyɛ kyɛ aseɛ ye aso atitirefoɛ bɛ dumaa.

Edwein 21:6

Amba, ɛmaa onya saleɛ piri afebɔɔ, na anika bɔ onya ye wɔ wɔ nyunu ne ati, ɛma ye nye gye.

Edwein 89:23

Ngɔpɛkyɛ ye pɔfoɛ mɔ wɔ ye nyunu, ná mahũhũ bɛ bɔ bekyi ye ɔ.

Luka 1:52

Watu tumifoɛ mɔ wafi b’ahennie bia so, na wapagya awiɛmvoɛ mɔ so.

Yosua 6:27

Yiti AWURADE gyinane Yosua si, na bɛtele ye nga wɔ aseɛ ne aso nekaa biala.

1 Samuel 18:14

Dawide nyane ngɔsoɛ wɔ bɔ ɔyɔle amukoraati nu, ofikyɛ AWURADE lili ye si.

1 Samuel 18:30

Né ɔyɛ a Filisti safohene nemɔ bɛba kyɛ bɛbaaho koɛ. Na mmerɛ biala bɔ bɛwale nen, Dawide lili bɛ so ngonim trale Sɔɔlo somvoɛ ngaa ne amukoraati. Na ɛhe mane Dawide lele dumaa paa.

1 Samuel 2:8

Ɔma ehianiɛ so fi asefuo nu, na ɔma sona bɔ ɔyɛ anwumvo ɔ so fi fofoɛ so, maa ɔtena atitirefoɛ nu, na ɔmaa onya animnyam bia tena so. Ofikyɛ aseɛ nyinasoɛ nemɔ, AWURADE deɛ ɔ, na nyinasoɛ nemɔ so yeɛ wafa ewiase wasie ɔ.

1 Samuel 31:6

Yiti Sɔɔlo ne ye mma mmienzua nza ne, ye somvoɛ bɔ otira ye akodeɛ ne, yeɛ ye koɛhonɛfoɛ bɔ bɛtotɔle ne, bɛ mukoraa bɛtotɔle ɛlɛho.

1 Samuel 5:10

Yiti bɛmaa bɛfale Nyameɛ apam alaka ne bɛhɔle Ekron. Nakoso bɛfale Nyameɛ apam alaka ne bedwuli Ekron nen, Ekronfoɛ teateane nu kyɛ, “Bafa Yisrael Nyameɛ apam alaka ne bawa yɛ wa kyɛ bɛbaafa bekuku yɛ ne yɛ kuro ama.”