2 Samuel 7:7 - AHYERƐLƐ KRONGRON

⁷ Nekaa biala bɔ mali tutena me ne Yisraelfoɛ amukoraa yahɔ ne, Yisrael mbanyi bɔ maye bɛ kyɛ bɛnea me maen Yisrael so ne, aso mabɔ bɛ nu bie somoɛ kyɛ, ‘Nzu ati yeɛ ɛmɔamva sida banzi awuro bamma me ɔ?’

2 Samuel 7:7 Iomraidhean Croise

2 Samuel 5:2

Daa ne, bɔ né Sɔɔlo di yɛ so hene ne, né sɛ yɛkɔ oo, sɛ yɛba oo, wɔ yeɛ né edi Yisrael nyunu ɔ. Na AWURADE aha ahyire wɔ kyɛ, Wɔ yeɛ ɛkɔyɛ me maen Yisrael so neafoɛ ɔ, na wɔ yeɛ ɛkɔla Yisrael noa ɔ.”

1 Aberɛso Dwirɛ 11:2

Daa ne, bɔ né Sɔɔlo di yɛ so hene ne po, sɛ Yisrael ɔkɔhɔ oo, sɛ ɔkɔwa oo, wɔ yeɛ né ɛla ye noa ɔ. Na AWURADE wɔ Nyameɛ wahã wahyire wɔ kyɛ, ‘Wɔ yeɛ ɛkɔyɛ me maen Yisrael so neafoɛ ɔ, na wɔ yeɛ ekoli me mmenia Yisraelfoɛ so hene ɔ.’ ”

1 Aberɛso Dwirɛ 17:6

Nekaa biala bɔ mali tutena mene Yisraelfoɛ amukoraa yahɔ ne, Yisrael mbanyi bɔ maye bɛ kyɛ bɛnea me maen so ne, aso mabɔ bɛ nu bie somoɛ kyɛ, ‘Nzu ati yeɛ ɛmɔamva sida banzi awuro bamma me ɔ?’

Yesaya 40:11

Ɔkɔma ye mmoaen nemɔ aleɛ kyɛ mmoaenneafoɛ, ɔkɔfa ye sa kɔboaboa ye mmoaen mmaa nemɔ noa, ɔkɔfa bɛ kɔbɔ ye hue so, na okoli mmoaen mmrataen nemɔ anyunu ngaka ngaka.

Yesaya 66:1

AWURADE nwa nyoo: “Nyameɛso te m’ahennie bia, yeɛ aseɛ te me gya ndiasoɛ; nzikyɛ sua koraa yeɛ ɛmɔkosi bɛkɔma me ɔ, nisua yeɛ ngole me nwome ɔ?

Yeremia 23:4

Ngɔye mmoaenneafoɛ bɔ bɛkɔnea bɛ so ɔ, na bengosuro ko, bɛ kunu ngɔtete bɛ, yeɛ bɛ nu biala ngomini, AWURADE noa dwirɛ ɛne.

Yeremia 3:15

“ ‘Ngɔye neafoɛ mɔ bɔ bɛla m’ahone nwo ɔ ngɔma ɛmɔ, bɔ bɛkɔfa nimdeɛ ne nworɛ bɛkɔtete ɛmɔ ɔ.

Hesekiel 34:15

Me bɔbɔ deinn yeɛ ngɔnea me mmoaen nemɔ aso ɔ, na me bɔbɔ ngɔmaa bekobutubutu berɛ, AWURADE Nyameɛ noa dwirɛ ɛne.

Hesekiel 34:2

Sona awa, hyɛ ngɔm tia Yisrael mmoaenneafoɛ nemɔ. Hyɛ ngɔm ná se mmoaenneafoɛ nemɔ kyɛ, ‘AWURADE Nyameɛ nwa nyoo: Ɛmɔ yaakɔ! Yisraelfoɛ mmoaenneafoɛ bɔ ɛmɔ bɔbɔ ɛmɔ nwo yeɛ ɛmɔnea so ɔ! Aso nna mmoaen nemɔ so yeɛ odi kyɛ mmoaenneafoɛ bɛnea ɔ?

Hesekiel 34:23

Ngɔma mmoaenneafoɛ ko kɔnea bɛ so. Ye ole me somvoɛ Dawide. Ɔkɔma bɛ aleɛ, ɔkɔma bɛ aleɛ ná wayɛ bɛ so mmoaenneafoɛ.

Mika 5:4

Na ɔkɔfa AWURADE anwoserɛ kogyina berɛ kɔma ye mmoaen kure aleɛ, wɔ AWURADE ye Nyameɛ animnyam ahennie dumaa nu. Bɛ bo kotimu, ofikyɛ afei ɔkɔyɛ titire koodwu aseɛ so nekaa biala.

Mateo 2:6

‘Wɔ, Betlehem bɔ ɛwɔ Yuda aseɛ so ɔ, wɔ dibea wɔ Yuda atitirefoɛ nu ɔtte ba; ɔnate kyɛ wɔ nu yeɛ maenbulɛniɛ bɔ ɔbaanea me maen Yisrael so ne okofi kɔwa ɔ.’ ”

Asomafoɛ 20:28

Yiti ɛ́mɔnea ɛmɔ nwo ne mmoaen amukoraa bɔ Sunzum Krongron afa bɛ awura ɛmɔ sa ne aso yé. Ɛ́mɔyɛ Nyameɛ asɔre ne bɔ ɔnate ye bɔbɔ Ɔwa ne mogya so nyane ye ne neafoɛ.

Asomafoɛ 21:28

na bɛteane nu kyɛ, “Yisraelfoɛ ee, ɛmɔbra oo, na sona bɔ ɔnate ɔyɛ ngyerɛkyerɛ kyire mmenia wɔ nekaa biala fa tia Yisraelfoɛ ne Mose mmeraa ne asɔneyɛɛ sua ne ɛhe oo! Na wasa wafa Helafoɛ po wawa asɔneyɛɛ sua ne anu waagua Nekaa Krongron ne nwo fiɛ.”

Deuteronomi 23:14

Na ɔnate kyɛ AWURADE wɔ Nyameɛ natenate w’asikyeleɛ ne anu, kyɛ ɔbaale wɔ, ná ɔfa wɔ pɔfoɛ mɔ wura wɔ sa ne ati, ma w’asikyeleɛ ne anu yɛ krongron, ná wannwu nikyee tɛɛ biala wɔ wɔ nu, ná wanyakyi wɔ berɛ wangɔ.

1 Petro 5:1

Yiti me bɔ nde ɛmɔ aliɛma panyi ɔne Kristo amaneɛnwunɛ nwo danzeniɛ, bɔ ngosa ngonya kyɛfa wɔ animnyam bɔ bɛbaaye ye ali ne anu ne, métu ɛmɔ nu mbanyi nemɔ foɛ kyɛ,