2 Samuel 7:6 - AHYERƐLƐ KRONGRON

⁶ Ofi kyẽa bɔ nyele Yisraelfoɛ mvili Misraim mmale bɔ ɔbaadwu ɛnɛ ɔ, nndenane awuro nu le; na mmom medi tutena wɔ ɛtena sua ne nyianu sua nu.

2 Samuel 7:6 Iomraidhean Croise

2 Samuel 11:11

Na Yuria buale Dawide kyɛ, “Me mene, Nyameɛ alaka ne ɔne Yisrael ne Yuda koɛhonɛfoɛ bɛwɔ asese nu, yeɛ me mene Yoabo ne wɔ somvoɛ mɔ koso bakyekye asikyeleɛ wɔ eburo. Aso ngɔhora ngɔhɔ awuro ngoodidi ngɔno, ná me ne me ye yala anaa? Nana, mesrɛ meta wɔ ndaen kyɛ, sɔ nikyee de, mengɔyɔ.”

1 Ahemvo 8:16

‘Ofi kyẽa bɔ nyele me maen Yisrael mvili Misraim mmale ɔ, nnneane Yisrael mmusua kure ne biala anu nnyele kuro bɔ ngosi sua ngosie so ngɔma me dumaa kɔla so ɔ. Nakoso nneane nu nyele Dawide kyɛ oli me maen Yisrael so.’

Asomafoɛ 7:44

“Né yɛ nana mɔ le ɛtena sua wɔ ɛserɛ ne aso bɔ okyire kyɛ Nyameɛ ne bɛ bɛwɔ berɛ ɔ. Na kyɛbɔ Nyameɛ hyɛle Mose kyɛ ɔyɔ ɛtena sua nen, kyɛbɔ osi nwuni ye ne ala yeɛ ɔyɔle ye ɔ.

2 Korintofoɛ 6:16

Nzikyɛ ngitahoɛ yeɛ ɔwɔ Nyameɛ asɔneyɛɛ sua ne mmosoen b’afia ɔ? Ofikyɛ yɛte Nyameɛ teasefoɛ n’asɔneyɛɛ sua, na Nyameɛ waha ne, “Me ne bɛ kɔtena, na me ne bɛ yanate, Ngɔyɛ bɛ Nyameɛ, na bɛ wora bayɛ me maen.”

Deuteronomi 23:14

Na ɔnate kyɛ AWURADE wɔ Nyameɛ natenate w’asikyeleɛ ne anu, kyɛ ɔbaale wɔ, ná ɔfa wɔ pɔfoɛ mɔ wura wɔ sa ne ati, ma w’asikyeleɛ ne anu yɛ krongron, ná wannwu nikyee tɛɛ biala wɔ wɔ nu, ná wanyakyi wɔ berɛ wangɔ.

Yosua 18:1

Yisraelfoɛ lili aseɛ ne aso ngonim yiele nen, bɛ mukoraa bɛbɔle dwaa wɔ Silo, na besili ɛtena sua atenaleɛ ne wɔ berɛ.

Nyekyire 2:1

“Kyerɛ kɔma Ɛfeso asɔre ne anu abɔfo ne kyɛ: Bɔ otira nzramaa nzoo wɔ ye sa famaa nu, bɔ ɔnate sikaa kɔkorɛ kanea bakaa nemɔ b’afia ne, ye noa dwirɛ ɛhe:

Maenbulɛfoɛ 20:27

Na Yisraelfoɛ bisale AWURADE dwirɛ (ofikyɛ sɔ mmerɛ ne, né Nyameɛ apam alaka ne wɔ berɛ,