2 Samuel 7:26 - AHYERƐLƐ KRONGRON

²⁶ Na bɛkɔbɔ wɔ dumaa bɛkɔkamvo wɔ daa kyɛ, ‘Asafo AWURADE te Nyameɛ bɔ odi Yisrael so ɔ.’ Na wɔ somvoɛ Dawide boso ama bekogyina pindinn wɔ wɔ nyunu.

2 Samuel 7:26 Iomraidhean Croise

Gyenesise 17:18

Na Abraham sele Nyameɛ kyɛ, “Sɛ ahaa ɛma Yismael sɔ wɔ nye a!”

2 Samuel 7:25

Afei, ao, AWURADE Nyameɛ, kyɛbɔ aha afa wɔ somvoɛ ne ye boso ama nwo ne, maa ɔbra nu afebɔɔ. Kyɛbɔ ahyɛ bɔ ne, yɔ sɔ ala.

1 Ahemvo 18:36

Mmerɛ bɔ bɛfa bɛbɔ aburoo afɔleɛ ne dwuli ne, ngɔmhyɛlɛniɛ Elia pingyele berɛ, na osele kyɛ, “Ao AWURADE, Abraham, Yisake ne Yisrael Nyameɛ, ɛnɛ maa benwu ye kyɛ wɔ yeɛ ɛte Nyameɛ wɔ Yisrael ɔ, na nde wɔ somvoɛ, na wɔ noa dwirɛ so yeɛ ngyi bɔ mayɔ ɛhe amukoraati ye.

1 Ahemvo 18:37

Ao AWURADE, tie me, amaa ɔnate so maen he anwu kyɛ, ao AWURADE, ɛte Nyameɛ, na wɔ yeɛ ɛma b’adwene kakyi ba wɔ berɛ ɔ.”

Edwein 115:1

Ao AWURADE, nna yɛ, nna yɛ, na mmom wɔ dumaa yeɛ ɔfata animnyam ɔ, ɔnate wɔ ɔdɔ bɔ onni ngasi ne, ɔne wɔ nahorɛlilɛ ne ati.

Edwein 61:7

Maa oli bia afebɔɔ wɔ Nyameɛ nyunu; ma ɔdɔ bɔ onni ngasi ne, ɔne nahorɛlilɛ bɛbɔ ye nwo waen!

Edwein 89:36

Ye boso ama koli hene afebɔɔ, na kyɛ eyia tɛwɔ berɛ ye de, ye ahennie kɔtena berɛ wɔ me nyunu.

Mateo 6:9

Yiti sɔaa yeɛ ɛ́mɔbɔ mbaeɛ: ‘Yɛ Baba bɔ ɛwɔ nyameɛso ɔ, Wɔ dumaa nwo te.

Yohane 12:28

Baba, hyɛ wɔ dumaa animnyam!” Yeɛ komviɛ bie fili nyameɛso wale kyɛ, “Mahyɛ ye animnyam dada, na ngɔhyɛ ye animnyam bieku.”