2 Samuel 7:23 - AHYERƐLƐ KRONGRON

²³ Maen beni yeɛ ɔwɔ aseɛ ye aso bɔ ɔte kyɛ wɔ maen Yisrael ɔ? Yisrael bɔ Nyameɛ ɔɔpɔle ye fa yɛle ye maen, bɔ ɔnate so Nyameɛ dumaa trɛle, bɔ yiti Nyameɛ foane maen maen mɔ ne bɛ nyameɛ mɔ fili ye mmenia nyunu, ná ɔyɔle nningyein mbiri mbiri ne anwanwadeɛ mane bɛ ne.

2 Samuel 7:23 Iomraidhean Croise

2 Samuel 7:24

Afa wɔ maen Yisrael ayɛ wɔ bɔbɔ deinn wɔ maen afebɔɔ, na wɔ, AWURADE, ayɛ bɛ Nyameɛ.

1 Aberɛso Dwirɛ 17:21

Nyameɛ, aseɛ ye aso maen beni yeɛ ɔte kyɛ wɔ maen Yisrael ɔ? Yisrael bɔ ɛɛpɔle ye fa yɛle wɔ maen, bɔ ɔnate so ɛyɛle anwanwadeɛ ne nningyein mbiri mbiri mane wɔ dumaa trɛle ne. Ɛfoane maen maen mɔ fili wɔ mmenia nyunu, na ɛpepɛ lele wɔ maen fili Misraim sa nu.

Nehemia 1:10

Bɛte wɔ somvoɛ mɔ ne wɔ maen bɔ afa wɔ tumi piri ne w’anwoserɛ kandinga ne apepɛ ale bɛ ɔ.

Edwein 106:22

bɔ ɔyɔle anwanwadeɛ wɔ Ham aseɛ so ne, ɔne nningyein suronyisuronyi wɔ Ɛpo Kɔkorɛ nwo ne.

Edwein 111:9

Ɔpepɛ lele ye maen; wahyɛ kyɛ ye apam tena berɛ afebɔɔ. Ye dumaa te Krongron, na ɔyɛ suro!

Edwein 145:6

Wɔ nnwumaa suronyisuronyi ne, wɔ tumi ne, mmenia kɔbɔ ye nwo dawure, na ngɔfa kyɛbɔ esi te piri ɔ ngɔto dwaa.

Edwein 147:20

Wanyɔ sɔ wamma maen foforɛ, bɛnze ye nhyehyɛleɛ. Ɛ́mɔye AWURADE ayɛ!

Edwein 40:5

Ao AWURADE me Nyameɛ, w’anwanwadeɛ bɔ ayɔ ne, ɔne adwene bɔ ele ye ma yɛ ne, bɛsone paa; ebiala ngɔhora ngɔfa ye nwo ngɔtoto wɔ nwo. Sɛ mekã kyɛ meka ná mebɔ ye nwo dawure a, ɔsone bɔ mengɔhora ye ka ɔ.

Edwein 44:3

Nna bɛ bɔbɔ bɛ ngrandɛ yeɛ bɛfa bɛhone belele aseɛ ne ɔ, yeɛ nna bɛ bɔbɔ b’anwoserɛ yeɛ ɔmaa belili ngonim ɔ; na mmom wɔ sa famaa ne, w’anwoserɛ ne, ɔne wɔ nyunu kanea bɔ ɔbokale bɛ ne ɔ, ofikyɛ ekuro bɛ dwirɛ.

Edwein 65:5

Ɛnate anwanwadeɛ nningyein bɔ ɔtengyɛ so ɛma yɛ mmuayɛɛ; ao yɛ ngoalelɛ Nyameɛ, wɔ yeɛ ɛte anyelasoɛ ma aseɛ ti kɔka ye ti amukoraa, ɔne ɛpo nziɛ nziɛ dɔ paa ɔ.

Edwein 66:3

Ɛmɔhã behyire Nyameɛ kyɛ, “Wɔ nnwumaa yɛ nwanwa! Ɔnate wɔ tumi kandinga ne ati, wɔ pɔfoɛ mɔ koto wɔ gya bo.

Ɛksadɔso 12:12

Ngɔɔpɛ nu Misraim aseɛ so sɔ kyẽa ne kɔngɔen, na ngohũ Misraim aseɛ so bamuɛbaa mukoraa, fite mmenia so kodwu ngaka so; na ngobua Misraim mmosoen amukoraa ndɛen. Me ole AWURADE.

Ɛksadɔso 33:16

Ofikyɛ, ɔkɔyɛ sɛɛ né banwu ye kyɛ alo me ne wɔ mmenia nemɔ? Aso nna ɛhɔlɛ bɔ ɛne yɛ kɔhɔ ne ɔ? Na ɛhe kɔma me ne wɔ mmenia nemɔ yɛkɔyɛ sonongo wɔ aseɛ ye aso mmenia mukoraati nu.”

Ɛksadɔso 6:7

Ngɔfa ɛmɔ ngɔyɛ me mmenia, ná me wora ngɔyɛ ɛmɔ Nyameɛ. Na ɛmɔkonwu ye kyɛ me ole AWURADE ɛmɔ Nyameɛ bɔ olele ɛmɔ fili Misraim amaneɛnwunɛ nu ne.

Ɛksadɔso 9:15

Na sɛ matengyɛ me sa mama ewue anwonyerɛ abɔ wɔ ne wɔ mmenia a, ahaa bekye awu afi aseɛ ye aso.

Ɛksadɔso 9:16

Nakoso mamaa anya wɔ ti adidi nu, kyɛ ngɔye me tumi ali ngohyire wɔ ɔ, amaa ɔnate so me dumaa atrɛ ahɔ aseɛ ye aso amukoraa.

Yeremia 32:20

wɔ bɔ ɛyɔle nzɛngyerɛnneɛ ne anwanwadeɛ wɔ Misraim aseɛ so, ná ɛkɔso yɔ ye wɔ Yisrael ne adasa amukoraa nu maa waadwu ɛnɛ ɔ, ná afa ale dumaa maa waadwu ɛnɛ ɔ.

Yeremia 32:21

Ɛnate nzɛngyerɛnneɛ ne anwanwadeɛ ne anwoserɛ asaa ne tumi asaa ne nningyein suronyisuronyi so ɛyele wɔ maen Yisrael fili Misraim aseɛ so;

Hesekiel 20:9

Nakoso ɔnate me dumaa ti, ndwe nzale, amaa ɔnate so me dumaa nwo angua fiɛ wɔ maen maen bɔ bɛte so nemɔ anyunu; maen maen bɔ so ama bɛ nye tua kyɛbɔ nyele me nwo ali ngyirele bɛ, ná nyele bɛ mvili Misraim aseɛ so ne.

Numeri 6:27

“Yiti odi kyɛ bɛma me dumaa da Yisraelfoɛ so, na ngoyira bɛ.”

Ɛfesofoɛ 1:6

amaa ɔnate so yaye ye animnyam adom bɔ ɔnate ye ahone nu Ba ne aso wafa walo yɛ ne ayɛ.

Deuteronomi 10:21

Ye yeɛ ɔfata w’ayɛyelɛ ɔ; ye yeɛ ɔte wɔ Nyameɛ bɔ wayɔ nningyein mbiri mbiri ne anwanwadeɛ nningyein hemɔ wama wɔ ɔ, nningyein bɔ wɔ nye tua ye.

Deuteronomi 15:15

Kaye kyɛ né ɛte kanga wɔ Misraim aseɛ so, na AWURADE wɔ Nyameɛ lele wɔ. Na ɛhe ati yeɛ ɔmaa ɛnɛ kyẽa ye méhyɛ mmeraa he méma wɔ ɔ.

Deuteronomi 33:29

O Yisrael, anya saleɛ! Nwa yeɛ ɔne wɔ bɛte pɛ ɔ? Mmenia bɔ AWURADE ale bɛ ɔ, ɔte w’akokyɛm bɔ ɔbɔ wɔ nwo waen ɔ, ɔne wɔ ngonim ngrandɛ! Wɔ pɔfoɛ mɔ kɔbrɛ bɛ nwo ase wɔ wɔ nyunu, nakoso wɔ de, ekotiatia b’asɔneyɛɛ nemɔ aso.”

Deuteronomi 9:26

Na nzrɛle AWURADE kyɛ, ‘O AWURADE Nyameɛ, nnɛkuku wɔ mmenia bɔ bɛte wɔ nnehyeɛ bɔ ɛnate wɔ tumi so elele bɛ ne, bɔ ɛnate w’abasa nu serɛ so ɛyele bɛ fili Misraim wale ne.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

Yosua 7:9

Kanaanfoɛ ne aseɛ ye asofoɛ mukoraati bɛkɔte sɔ dwirɛ ye, bɛkɔpɛ yɛ nwo bekoyia, na bɛkɔma yɛ boso konua. Nzikyɛ yeɛ ɛkɔyɔ kɔfa wɔ dumaa bɔ odi mu ne anwo ɔ?

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,