2 Samuel 7:2 - AHYERƐLƐ KRONGRON

² Nana Dawide sele Ngɔmhyɛlɛniɛ Natan kyɛ, “Nea, nde awuro bɔ bafa sida basi ɔ nu, nakoso Nyameɛ alaka ne de, ogyi ɛtena sua nu.”

2 Samuel 7:2 Iomraidhean Croise

2 Samuel 11:11

Na Yuria buale Dawide kyɛ, “Me mene, Nyameɛ alaka ne ɔne Yisrael ne Yuda koɛhonɛfoɛ bɛwɔ asese nu, yeɛ me mene Yoabo ne wɔ somvoɛ mɔ koso bakyekye asikyeleɛ wɔ eburo. Aso ngɔhora ngɔhɔ awuro ngoodidi ngɔno, ná me ne me ye yala anaa? Nana, mesrɛ meta wɔ ndaen kyɛ, sɔ nikyee de, mengɔyɔ.”

2 Samuel 12:1

Yiti AWURADE somane Natan wɔ Dawide berɛ. Ɔwale ye berɛ oosele ye kyɛ, “Né mmienzua nyɔ bie wɔ kuro bie aso. Ko te sikaniɛ, yeɛ ko te ehianiɛ.

2 Samuel 5:11

Tiro hene Hiram tuli mmenia maa bɛhɔle Dawide berɛ. Bɛfale sida mmakaa bɛɛmane ye. Bakaa dwumvoɛ mɔ ne suasilɛfoɛ boka so yeɛ bɛhɔle ɔ, na besili awuro bɛmane Dawide.

2 Samuel 6:17

Bɛfale AWURADE alaka ne beesiele nekaa bɔ basiesie bama ye ne, wɔ ɛtena sua bɔ Dawide si siele berɛ mane ye ne anu. Na Dawide bɔle naen yeralɛ afɔleɛ ne asomdwee afɔleɛ wɔ AWURADE nyunu.

2 Samuel 7:17

Na Natan hane edwirɛ ne amukoraa ne nyekyire ne amukoraa pɛpɛɛpɛ hyirele Dawide.

1 Ahemvo 1:22

Mmerɛ bɔ Bahyeba gu so ɔne Nana Dawide bedwudwo ne, ngɔmhyɛlɛniɛ Natan wale berɛ.

1 Ahemvo 1:8

Nakoso ɔsɔfo Sadoke, Yehoada awa Benaya, ngɔmhyɛlɛniɛ Natan, bɛ ne Simei, Reyi, yeɛ Dawide koɛhonɛfoɛ ahoneserɛfoɛ nemɔ de, bangyina Adoniya si.

1 Ahemvo 4:5

Natan awa Asaria yeɛ né ɔla mbɔtam mbɔtam mbanyi nemɔ noa ɔ; Natan awa Sabude te ɔsɔfo, yeɛ osa te Nana ye tufohene,

1 Ahemvo 8:17

Me baba Dawide yɛle ye adwene kyɛ okosi sua kɔfa AWURADE Yisrael Nyameɛ dumaa kɔto so.

1 Aberɛso Dwirɛ 14:1

Tiro hene Hiram tuli mmenia maa bɛhɔle Dawide berɛ. Bɛfale sida mmakaa, suasilɛfoɛ ne bakaa dwumvoɛ mɔ bɛbokale so yeɛ bɛhɔle ɔ, kyɛ beesi awuro bɛma Dawide.

1 Aberɛso Dwirɛ 16:1

Bɛfale Nyameɛ alaka ne beesiele nekaa bɔ basiesie bama ye ne, wɔ ɛtena sua bɔ Dawide si siele berɛ mane ye ne anu. Na Dawide bɔle naen yeralɛ afɔleɛ ne asomdwee afɔleɛ wɔ Nyameɛ nyunu.

1 Aberɛso Dwirɛ 22:7

Dawide sele Solomon kyɛ, “Mma, nyɛle m’adwene kyɛ ahaa mesi sua mefa AWURADE me Nyameɛ dumaa meto so.

1 Aberɛso Dwirɛ 29:29

Afei Nana Dawide nwo dwirɛ, ofi ye ahyɛaseɛ bɔ ɔkwaadwu ye ayieleɛ, bahyerɛ ye wɔ Samuel bɔ ɔse ase ne, ye abakɔsɛm nwomaa ne anu, ngɔmhyɛlɛniɛ Natan abakɔsɛm nwomaa ne anu, yeɛ Gade bɔ ɔse ase ne, ye abakɔsɛm nwomaa ne anu.

2 Aberɛso Dwirɛ 1:4

(Nakoso né Dawide wali moa waafa Nyameɛ alaka ne wafi Kiriate Yearim waasie nekaa bɔ yeɛ Dawide wasiesie wama alaka ne. Ofikyɛ né Dawide wasi ɛtena sua wama alaka ne wɔ Yerusalem.)

2 Aberɛso Dwirɛ 29:25

Ɔmane Lewifoɛ nemɔ bɛtenane AWURADE awuro berɛ bɛbɔle firikyiwa, adengum ne sangoo, kyɛbɔ Dawide ne Nana ye sona bɔ ɔse ase Gade ne ngɔmhyɛlɛniɛ Natan bɛhane ne ala. Ofikyɛ sɔ ahyɛdeɛ ne, AWURADE nate ye ngɔmhyɛlɛfoɛ so yeɛ ɔhyɛle ɔ.

2 Aberɛso Dwirɛ 9:29

Afei Solomon nwo dwirɛ ngaa ne, ofi ye ahyɛaseɛ bɔ ɔkwaadwu ye ayieleɛ, bahyerɛ ye wɔ ngɔmhyɛlɛniɛ Natan abakɔsɛm nwomaa ne anu, yeɛ bahyerɛ ye wɔ Silonniɛ Ahiya ngɔmhyɛlɛ nwomaa ne anu, ɔne Yido bɔ ɔse ase ne, ye nyekyire bɔ ɔfa Nebate awa Yeroboam nwo ne anu.

Edwein 132:2

kyɛbɔ ɔtale ndaen hyirele AWURADE, ná ɔhyɛle Yakob ye Tuminiɛ ne bɔ kyɛ,

Edwein 132:5

kɔpem kyɛ ngɔpena nekaa ngɔma AWURADE, Yakob ye Tuminiɛ ne, ye atenaleɛ koraka ɔ.”

Ɛksadɔso 40:21

Ɔfale apam alaka ne wale nyianu sua ne anu, ɔfale mbɛmuɛ tena ne nwini berɛ, na ɔmaa osini Adanzeɛ alaka ne nye, kyɛbɔ AWURADE hyɛle ye (Mose) nen.

Hagae 1:4

“Ɛmɔ de, aso mmerɛ adwu kyɛ ɛmɔtenatena ɛmɔ awuro mɔ bɔ bafa nikyee badwura ye kunu ɔ nu, wɔ aberɛ bɔ awuro he de wabubu wagua ɔ?

Yohane 2:17

Na ye asuafoɛ nemɔ kayele kyɛ bahyerɛ kyɛ, “W’awuro nwo ɔdɔ bɔ nne ye ne, ɔte see bɔ ogye wɔ me nu ɔ.”

Asomafoɛ 7:46

Dawide nyane Nyameɛ nyunu adom, na ɔsrɛle ye kyɛ ɔma ye ate maa osi sua ma Yakob Nyameɛ.