2 Samuel 7:19 - AHYERƐLƐ KRONGRON

¹⁹ Nakoso AWURADE Nyameɛ, bɔ ayɔ ne po, ɔte wɔ nye so nikyee kaaba bie, ofikyɛ asa aha kyɛ ɛkɔma wɔ somvoɛ ne ye boso ama yɛkoli hene mmerɛ tendetende. Ao, AWURADE Nyameɛ, sɔ yeɛ ahyehyɛ ato berɛ ama adasa anaa?

2 Samuel 7:19 Iomraidhean Croise

2 Samuel 12:8

Me yeɛ mmaa enyane wɔ mene Sɔɔlo awuro ama so tumi, ná nza mvale ɔye mɔ koso nwurale wɔ sa ɔ, yeɛ mafa Yisrael ne Yuda awuro ama koso mama wɔ. Na sɛ ɛhe te kãa po a, ahaa ngɔfa ye mmɔhoɛ ngɔboka wɔ so.

2 Ahemvo 3:18

Ɛhe te nikyee kaaba koraa wɔ AWURADE nye so, ofikyɛ ɔkɔfa Moabo kowura ɛmɔ sa koso.

1 Aberɛso Dwirɛ 17:17

Nakoso, ao Nyameɛ, bɔ ayɔ ne po, ɔte wɔ nye so nikyee kaaba bie, ofikyɛ asa ahã kyɛ ɛkɔma wɔ somvoɛ ne ye boso ama yɛkoli hene yɛkɔhyɛ. Ao, AWURADE Nyameɛ, wɔ yeɛ ɛma sona so ɔ!

Edwein 36:7

Ao Nyameɛ, wɔ ɔdɔ bɔ onni ngasi ne, kyɛbɔ ye nwo osi le mvasoɛ ɔ! Na adasa mmaa bɛnwati bɛbafea wɔ ndaa ne abo fɔnwoo ne anu.

Hesekiel 34:18

Aso wanyɛ ɛmɔ anyesɔ kyɛ ɛmɔdidi nekaa bɔ berɛ ndire te paa ɔ, bɔ yeɛ ɛmɔfa ɛmɔ gya betiatia ɛmɔ ndire bɔ waha ne aso ɔ? Aso wanyɛ ɛmɔ anyesɔ kyɛ ɛmɔno nzue gyengɔgyengɔ ɔ, bɔ yeɛ ɛmɔfa ɛmɔ gya bɛponda bɔ waha ne ɔ?

Numeri 16:13

Aso ɔte edwirɛ baa kyɛ aaye yɛ afi aseɛ bɔ nyɔfonesue ne woɛ tengyɛ wɔ so ɔ so, kyɛ ɛbaahu yɛ wɔ ɛserɛ ye aso, bɔ yeɛ esa hyɛ yɛ so ɔ?

Numeri 16:9

Aso ɔte nikyee ba ma ɛmɔ, kyɛ Yisrael Nyameɛ waneanea Yisraelfoɛ nu waye ɛmɔ, ná wama ɛmɔ ate kyɛ ɛmɔbra ye nyunu bɛɛyɔ AWURADE nyianu sua ne anu adwuma, ná ɛmɔgyina maen ne anyunu bɛso bɛ ɔ?

Ɛfesofoɛ 2:7

kyɛ ewiase bɔ ɔ́ba ne anu ɔkɔla ye adom anwonya mmorosoɛ ne ali wɔ paayɛlɛ bɔ ɔyɛ yɛ Kristo Yesu nu ne anu.

Yosua 5:14

Na obuale kyɛ, “Nna nu biala ɔ, na mmom nde AWURADE lɔen so safohene bɔ afei mawa ɔ.” Yosua fale ye nyunu butuli berɛ sɔnene ye, na obisale ye kyɛ, “Me mene, nzikyɛ dwirɛ yeɛ ele ye ma w’akoaa ɔ?”