2 Samuel 7:18 - AHYERƐLƐ KRONGRON

¹⁸ Afei Nana Dawide ɔɔtenane AWURADE nyunu, na ɔhane kyɛ, “Ao, AWURADE Nyameɛ, me ole nwa, yeɛ m’abusua gyi ye sɛ, bɔ apagya me amaa manya dibea sɔa ye?

2 Samuel 7:18 Iomraidhean Croise

Gyenesise 32:10

memvata ɔdɔ kandinga ne nahorɛlilɛ pee bɔ afa alo w’akoaa ne anu kaala po, ofikyɛ mmerɛ bɔ né mépɛ asue Yɔɔdan ne, né nnne hwee kyɛ me pɔmaa ye angome; nakoso kekesaala ye de, me boso atrɛ maa manya mmeni kure nyɔ.

Gyenesise 32:11

Mesrɛ wɔ, de me fi nniɛma Yisɔ sa nu, ofikyɛ me suro ye; anyɔ a, né waahũhũ yɛ mukoraa: niɛ mɔ ne mmaa mɔ.

2 Samuel 23:5

Aso nna sɔ yeɛ m’abusua ɔte wɔ Nyameɛ nyunu anaa? Ofikyɛ ɔne me ayɛ apam afebɔɔ, ɔte apam bɔ wahyehyɛ ye pɛpɛɛpɛ bɔ onni ngasi ɔ. Na m’anyelasoɛ amukoraa, ɔne bɔ mepena amukoraa, aso ɔngɔboka me ma me sa ngɔhã ye anaa?

2 Samuel 7:17

Na Natan hane edwirɛ ne amukoraa ne nyekyire ne amukoraa pɛpɛɛpɛ hyirele Dawide.

1 Aberɛso Dwirɛ 17:16

Afei Nana Dawide ɔɔtenane AWURADE nyunu, na ɔhane kyɛ, “Ao, AWURADE Nyameɛ, me ole nwa, yeɛ m’abusua gyi ye sɛ, bɔ apagya me amaa manya dibea sɔa ye?

1 Aberɛso Dwirɛ 29:14

“Na me ole nwa, yeɛ me maen koso ole nwa, bɔ yahora yabɔ sɔ akyɛdeɛ afɔleɛ he ɔ? Ofikyɛ nikyee bɔ yɛle biala, wɔ yeɛ ɛfa mane yɛ ɔ, na wɔ bɔbɔ wɔ nikyee yeɛ yafa yabrɛ wɔ ɔ.

Edwein 8:4

né dasaniɛ te nzu koraa bɔ ɛdwene ye nwo ɔ, yeɛ sona awa te nzu, bɔ ɔla w’ahone nwo ɔ?

Ɛksadɔso 3:11

Nakoso Mose bisale Nyameɛ kyɛ, “Me ole nwa bɔ mékɔ Faro berɛ mekɔye Yisraelfoɛ mefi Misraim ɔ?”

Yesaya 37:14

Hesekia sa hane krataa ne fili ɛbɔfoɛ nemɔ berɛ, na ɔkengale. Afei ɔfo hɔle AWURADE awuro berɛ, na ɔtrɛle krataa ne anu wɔ AWURADE nyunu.

Ɛfesofoɛ 3:8

Ɔwɔ nu kyɛ me yeɛ nde kãa paa wɔ anwoteefoɛ ne amukoraa nu ɔ, nakoso Nyameɛ amaa manya sɔ adom he, kyɛ mmɔ Kristo anwonya bɔ ɔbo sona ndeaseɛ so ne dawure ngyire Amaenmaensofoɛ;

Maenbulɛfoɛ 6:15

Gideon buale kyɛ, “Me mene, me yeɛ nne nwa bɔ mekora mepepɛ mede Yisrael ɔ? Manase abusua kure nu, m’abusua yeɛ yɛte awiɛmvoɛ koraa ɔ, na m’abusua nu koso, me yeɛ nde kãa paa ɔ.”

Rutu 2:10

Yeɛ Rutu kotole aseɛnwo berɛ, ɔfale ye nye butuli berɛ, na obisale Boase kyɛ, “Ɔwale ye sɛ bɔ alo me sɔa ye, bɔ ayɛ me paa sɔaa ye, wɔ aberɛ bɔ nde ɛwɔfoɛ ɔ?”

1 Samuel 15:17

Na Samuel sele kyɛ, “Ɔwɔ nu kyɛ ebu wɔ nwo kyɛ ɛte kwahweabaa bie de, nakoso aso nna wɔ yeɛ ɛla Yisrael mmusua kure nemɔ noa ɔ? AWURADE popale wɔ ngoo fale wɔ lili Yisrael so hene;

1 Samuel 18:18

Yeɛ Dawide buale Sɔɔlo kyɛ, “Me ole nwa? Me nwo ama gyi ye sɛ? Me se abusua gyi ye sɛ wɔ Yisrael, bɔ me, mebaayɛ Nana sia ɔ?”

1 Samuel 9:21

Na Sɔɔlo buale kyɛ, “Nde Benyaminniɛ. Yisrael mmusua kure nemɔ, Benyamin yeɛ ɔte kãa paa wɔ nu ɔ. Na Benyamin abusua kure ne, m’abusua yeɛ ɔte awiɛmvoɛ paa wɔ mmusua ne amukoraa nu ɔ. Na nzu ati yeɛ aha sɔ dwirɛ he ahyire me ɔ?”