2 Samuel 7:14 - AHYERƐLƐ KRONGRON

¹⁴ Ngɔyɛ ye baba, ná ye wora wayɛ mma. Sɛ ɔyɔ mvomsoɛ a, ngɔfa bakaa ne mbire ngɔtea ye, kyɛbɔ kuro sona tea ɔwa ɔ.

2 Samuel 7:14 Iomraidhean Croise

1 Ahemvo 11:34

Nakoso mengole ahennie ne anu bie mengofi ye sa nu, na mmom ngɔmaa okoli hene mmerɛ bɔ ɔte ase ne amukoraati, ɔnate m’akoaa Dawide bɔ nneaneane nu nyele ye, ná olili me mmeraa dwirɛ ne m’ahyɛdeɛ amukoraa so ne ati.

1 Ahemvo 9:6

“Nakoso sɛ ɛmɔyakyi me si lilɛ, kyɛ ɛmɔ oo, kyɛ ɛmɔ bosofoɛ oo, ná ɛmɔanni me mmeraa dwirɛ ne m’ahyɛdeɛ bɔ mafa mama ɛmɔ ne aso, ná mmom ɛmɔkɔso nyameɛ foforɛ biemɔ bɛsɔne bɛ a,

1 Aberɛso Dwirɛ 17:13

Ngɔyɛ ye baba, ná ye wora wayɛ mma. Na me ɔdɔ bɔ onni ngasi ne de, mengɔmaa ɔngɔbɔ ye, kyɛbɔ mmaa ɔbɔle sona bɔ olili bia koraka yeɛ ɛbaali bia nen.

1 Aberɛso Dwirɛ 22:10

Ye yeɛ okosi sua kɔfa me dumaa kɔto so ɔ. Ɔkɔyɛ mma, ná me koso mayɛ ye baba, na ngɔma ye ahennie bo kotindim wɔ Yisrael afebɔɔ.’

1 Aberɛso Dwirɛ 28:6

AWURADE sele me kyɛ, ‘Ɛwa Solomon yeɛ okosi m’awuro ne m’aluo nemɔ ɔ, ofikyɛ maneanea nu maye ye kyɛ ɔyɛ mma, na me koso ngɔyɛ ye baba.

YOB NWOMAA NE 5:17

“Sona bɔ Nyameɛ twi ye nyunu ne, onya saleɛ, yiti wɔ so bɔ Ɛdangama Nyameɛ ɔtwe ne, nnɛkã kyɛ ɛmbene so.

Edwein 2:7

Ngɔfa AWURADE ahyɛdeɛ ne ngɔto dwaa: Osele me kyɛ, “Mma ole wɔ, ɛnɛ mawo wɔ.

Yeremia 30:11

Ofikyɛ ngyi wɔ si kyɛ ngɔpepɛ ngole wɔ, AWURADE noa dwirɛ ɛne; na maen maen amukoraa bɔ mabɔ wɔ masande maagua so ne, ngɔbɔ bɛ tɔɔ, nakoso wɔ de, mengɔbɔ wɔ tɔɔ. Na mmom ngɔhwe wɔ so kyɛbɔ ɔfata ɔ, na mengɔma ɛngɔfa wɔ nwo ngoli tɔtorɔtɔɔ.

Mateo 3:17

na yieee, edwudwolɛ bie fili nyameɛso wale kyɛ, “Mma bɔ ɔla m’ahone nwo ná me nye gye ye nwo paa ne ɛhe.”

1 Korintofoɛ 11:32

Nakoso sɛ Awurade bua yɛ ndɛen a, ɔtwe yɛ so, amaa ɔnate so bamva yɛ bamvra wiase so bammua yɛ ndɛen.

2 Korintofoɛ 6:18

Ngɔyɛ ɛmɔ Baba na ɛmɔ wora ɛmɔayɛ me mma mmienzua ne mmrasua. Bɔ Tuminiɛ Awurade kã hɔ ɛne.”

Deuteronomi 8:5

Na nwu ye kyɛ, kyɛbɔ sona tea ɔwa ne, sɔ ala yeɛ AWURADE wɔ Nyameɛ tea wɔ ɔ.

Hebrifoɛ 1:5

Ɔnate kyɛ, abɔfo mɔ nu beni yeɛ Nyameɛ ahã ahyire ye le kyɛ, “Ɛte Mma, na ɛnɛ mayɛ wɔ Baba” ɔ? Anaakyɛ, “Ngɔyɛ ye Baba, na ye wora wayɛ Mma” ɔ?

Nyekyire 21:7

Ebiala bɔ odi ngonim ne, okonya ɛhemɔ amukoraa, na ngɔyɛ ye Nyameɛ, ná ye koso wayɛ mma.

Nyekyire 3:19

Bɛ bɔ mekuro bɛ dwirɛ ne, metwi bɛ nyunu, yeɛ metwe bɛ so; yiti ma wɔ nye boro ná sakyera w’adwene.