2 Samuel 7:13 - AHYERƐLƐ KRONGRON

¹³ Ye yeɛ okosi sua kɔfa me dumaa kɔto so ɔ, na ngɔma ye ahennie kotindim afebɔɔ.

2 Samuel 7:13 Iomraidhean Croise

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

2 Samuel 22:51

Odi ngonim piri paa ma ye hene ne, ɔye ɔdɔ onni ngasi ali kyire sona bɔ wapopa ye ngoo ne, ɔye ye ali kyire Dawide ne ye boso ama afebɔɔ.”

2 Samuel 7:16

Wɔ boso ama ne w’ahennie kotindim afebɔɔ wɔ me nyunu, na wɔ bia kotindim afebɔɔ.”

2 Samuel 7:27

Ofikyɛ wɔ, Asafo AWURADE, Yisrael Nyameɛ, aye wɔ somvoɛ asotire kyɛ, ‘Ngɔma wɔ boso ama kɔhɔ so koli hene.’ Na ɛhe yeɛ wahyɛ wɔ somvoɛ nguraen bɔ ɔmaa ɔbɔ sɔ mbaeɛ he kyire wɔ ye.

1 Ahemvo 2:24

Ɔnate ye sɔ ti, AWURADE teasefoɛ bɔ wama me bo atimu ná wama mali me baba Dawide bia, ná wamaa ahennie aatɔ m’awuro kyɛbɔ ɔhyɛle bɔ ne, ngyi ye nyunu mekã kyɛ, ɛnɛ odi kyɛ beku Adoniya.”

1 Ahemvo 2:4

AWURADE hã fale me nwo kyɛ, ‘Sɛ wɔ koliagyaa mɔ, bɛnea bɛbɔ bra paa, ná bɛfa b’ahone amukoraa ne bɛ kra amukoraa bedi me dwirɛ so nahorɛ nu a, sona bɔ odi wɔ bia tena Yisrael ahennie bia so ne, ɔngɔbɔ wɔ le.’

1 Ahemvo 2:45

Nakoso me, Nana Solomon de, AWURADE koyira me, na Dawide ahennie bo kotimu AWURADE nyunu afebɔɔ.”

1 Ahemvo 5:5

Yiti mepena kyɛ mesi sua mefa AWURADE me Nyameɛ dumaa meto so, kyɛbɔ AWURADE hã hyirele me baba Dawide kyɛ, ‘Ɛwa bɔ ngɔfa ye ngosi wɔ gya nu maa okoli wɔ bia ne, ye yeɛ okosi sua kɔfa me dumaa kɔto so ɔ.’

1 Ahemvo 6:12

“Sua he bɔ yeɛ esi ye, sɛ ɛkɔfa m’ahyɛdeɛ kɔbɔ bra, ná ekoli me nhyehyɛleɛ ne me mmeraa dwirɛ amukoraati so, ná ɛkɔfa kɔbɔ wɔ bra a, ye de ɛbɔ bɔ nhyɛle wɔ baba Dawide ne, ngɔmaa ɔkɔwa nu kɔma wɔ.

1 Ahemvo 8:13

Masi sua nyemene paa mama wɔ, nekaa bɔ ɛkɔtena afebɔɔ ɔ.”

1 Ahemvo 8:15

Ɔhane kyɛ, “Animnyam hã AWURADE Yisrael Nyameɛ bɔ ɔnate ye tumi so, nikyee bɔ ɔtele ye noa hyɛle me baba Dawide bɔ ne, wamaa wawa nu ɔ. AWURADE hane kyɛ,

1 Ahemvo 8:19

Nakoso nna wɔ yeɛ ekosi sua ne ɔ, na mmom wɔ bɔbɔ wɔ kunu ba bienzua yeɛ okosi sua ne kɔfa me dumaa kɔto so ɔ.’

2 Ahemvo 21:4

AWURADE awuro bɔ AWURADE hane ye nwo dwirɛ kyɛ, “Yerusalem yeɛ ngɔmaa bɛkɔsɔne me dumaa” ne, Manase sisili mmosoen afɔleɛ mmokyea wɔ berɛ.

2 Ahemvo 21:7

Bosoen Asera amoen bɔ osele ne, ɔfa ɔɔpenane AWURADE awuro berɛ; awuro bɔ AWURADE hane ye nwo dwirɛ hyirele Dawide ne ɔwa Solomon kyɛ, “Sɔ awuro he anu, yeɛ Yerusalem bɔ maneanea Yisrael mmusua kure amukoraa nu matu masie berɛ ne, berɛ yeɛ me dumaa kɔtena afebɔɔ ɔ.

2 Ahemvo 8:19

Nakoso AWURADE anzɛkye Yuda, ɔnate ye somvoɛ Dawide ti. Ofikyɛ né wahyɛ Dawide bɔ kyɛ ye boso ama koli bia afebɔɔ.

1 Aberɛso Dwirɛ 28:10

Nea yé, ofikyɛ AWURADE awuro bɔ ɔte nekaa krongron ne, wɔ yeɛ waneanea nu waye wɔ kyɛ esi ɔ. Gyina pindinn ná yɔ adwuma ne.”

2 Aberɛso Dwirɛ 33:4

AWURADE awuro bɔ AWURADE hane ye nwo dwirɛ kyɛ, “Yerusalem yeɛ ngɔmaa bɛkɔsɔne me dumaa afebɔɔ” ne, Manase sisili mmosoen afɔleɛ mmokyea wɔ berɛ.

2 Aberɛso Dwirɛ 6:16

Yiti ao, AWURADE Yisrael Nyameɛ, ma ɛbɔ bɔ ɛhyɛle wɔ somvoɛ me baba Dawide ne, ɔhɔ so ɔtena berɛ. Ɛhane kyɛ, ‘Sɛ wɔ boso ama bɛye bɛ kunu bedi me dwirɛ so kyɛbɔ ayɔ ne ala a, ye de wɔ bosoniɛ bɔ ɔkɔtena Yisrael bia so wɔ me nyunu ne, ɔngɔbɔ wɔ le.’

YOB NWOMAA NE 36:7

Ɔnyakyi teneneefoɛ bɛ so nealɛ, ɔmaa bɛ ne ahemvo mɔ bedi bia daa, na ɔbɔ b’aba so.

Edwein 72:17

Ma ye dumaa ɔtena berɛ afebɔɔ, na kyɛ eyia wɔ berɛ ye, maa ɔhɔ so onya dumaa, ma mmenia bɛfa ye so benya saleɛ, na ma maen maen amukoraa bɛfrɛ ye sona bɔ wanya saleɛ ɔ.

Edwein 89:21

Me tumi kogyina ye si, na m’abasa ne kɔma ye anwoserɛ.

Edwein 89:29

Ngɔma ye boso ama bekoli hene afebɔɔ, na kyɛ nyameɛso tɛwɔ berɛ ye de, ye ahennie kɔtena berɛ.

Edwein 89:4

‘Ngɔma wɔ boso ama bɛ bo kotimu afebɔɔ, na ngɔma w’ahennie ne abo kotimu aworɛ ndoatoasoɛ amukoraa nu.’ Sela

Yesaya 49:8

AWURADE nwa nyoo: “Mmerɛ bɔ odi kyɛ menwu wɔ anwumvoin ne, ndiele wɔ, ngoalelɛ kyẽa ne, mmokale wɔ. Manea wɔ so mafa wɔ mayɛ apam mama maen ne, kyɛ, odi kyɛ ɛma maen ne osa si ye gya nu, kyɛ, odi kyɛ ɛmaa bɛfa agyapadeɛ bɔ ɔla berɛ mbaen ne bɛtena so;

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Yesaya 9:7

Ye ahennie, yeɛ ye asomdwee kɔhɔ so kɔtrɛ bɔ olle ayieleɛ ɔ; ɔkɔtena Dawide ahennie bia ne aso, okoli ye ahennie ne aso, na ɔkɔfa pɛpɛɛpɛyɛlɛ ne tenenee koli bia ne maa okotindim kogyina, ofi kekesaala ye maa okoodwu afebɔɔ. Asafo AWURADE ye nungunɛhwenɛ sonongo ne yeɛ ɔkɔyɔ ɛhe ɔ.

Yeremia 33:17

“Ofikyɛ AWURADE nwa nyoo: Sona bɔ ɔkɔtena Yisrael awuro ama ahennie bia so ne, ɔngɔbɔ Dawide le,

Hesekiel 37:25

Bɛkɔtena aseɛ bɔ mva mane me somvoɛ Yakob, bɔ ɛmɔ nana mɔ tenane so ne aso; na bɛ ne bɛ mma mɔ ne bɛ nnomaa mɔ bɛkɔtena berɛ daa, na me somvoɛ Dawide koli bɛ so panyi daa.

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Sakaria 6:12

ná se ye kyɛ, Asafo AWURADE nwa nyoo: Tie, biaa bɔ ye dumaa li ‘MMAEN’ ne, ye ɛhe. Ɔkɔfefɛ kofi ye boso, na okosi AWURADE asɔneyɛɛ sua ne.

Sakaria 6:13

Amba, ye yeɛ okosi AWURADE asɔneyɛɛ sua ne ɔ, okonya ahennie animnyam ne, ɔkɔtena ye ahennie bia so koli hene, okoli sɔfo wɔ ye ahennie bia ne aso, na asomdwee bɔ odi mu ɔ kɔwa bɛ munyɔ b’afia.”

Mateo 16:18

Na me, mekã mekyire wɔ kyɛ: Wɔ ole Petro, na nyɔbotaen he aso yeɛ ngosi m’asɔre ngosie ɔ, na ewue tumi ngɔhora ngoli so ngonim.

Hebrifoɛ 3:3

Na kyɛbɔ suasilɛfoɛ le animnyam paa tra sua nen, sɔ ala koso yeɛ Yesu le animnyam tra Mose ɔ.

1 Petro 2:5

na ɛmɔ koso, ɛmɔte kyɛ ngoa nyɔboɛ mɔ, na ɛ́mɔma bɛ́fa ɛmɔ bési sunzum nu sua ma ɛmɔyɛ asɔfokure krongron, amaa ɛmɔafa Yesu Kristo so babɔ sunzum nu afɔleɛ bɔ ɔsɔ Nyameɛ nye ɔ.