2 Samuel 7:12 - AHYERƐLƐ KRONGRON

¹² Sɛ wɔ mmerɛ so ná ɛtoa wɔ mbanyi mɔ a, ngɔpagya wɔ bosofoɛ nemɔ ko, bɔ ɔte wɔ kunu ba, na ngɔma ye ahennie kotindim.

2 Samuel 7:12 Iomraidhean Croise

Gyenesise 15:4

Nakoso AWURADE lale ye dwirɛ ali hyirele ye kyɛ, “Nna sɔ akoaa he yeɛ okoli wɔ bia ɔ, na mmom wɔ bɔbɔ ɛwa yeɛ okoli wɔ bia ɔ.”

2 Samuel 22:51

Odi ngonim piri paa ma ye hene ne, ɔye ɔdɔ onni ngasi ali kyire sona bɔ wapopa ye ngoo ne, ɔye ye ali kyire Dawide ne ye boso ama afebɔɔ.”

1 Ahemvo 1:21

Nana, me mene, wamma ye sɔ a, sɛ ɛtoa wɔ mbanyi mɔ a, bekobu me ne mma Solomon kyɛ yɛte ɛlɔenyɛlɛfoɛ.”

1 Ahemvo 1:48

na ɔtoale so bɔle mbaeɛ kyɛ, ‘AWURADE Yisrael Nyameɛ, bɔ ɛnɛ waye mma ko maa wali me bia, na wama me nye anwu ye ne, animnyam hã ye.’ ”

1 Ahemvo 2:1

Mmerɛ bɔ Dawide wue pingyele ne, ɔfale sɔ ahyɛdeɛ he mane ɔwa Solomon,

1 Ahemvo 2:10

Afei Dawide toale ye mbanyi mɔ, na besiele ye wɔ Dawide kuro.

1 Ahemvo 2:4

AWURADE hã fale me nwo kyɛ, ‘Sɛ wɔ koliagyaa mɔ, bɛnea bɛbɔ bra paa, ná bɛfa b’ahone amukoraa ne bɛ kra amukoraa bedi me dwirɛ so nahorɛ nu a, sona bɔ odi wɔ bia tena Yisrael ahennie bia so ne, ɔngɔbɔ wɔ le.’

1 Ahemvo 5:5

Yiti mepena kyɛ mesi sua mefa AWURADE me Nyameɛ dumaa meto so, kyɛbɔ AWURADE hã hyirele me baba Dawide kyɛ, ‘Ɛwa bɔ ngɔfa ye ngosi wɔ gya nu maa okoli wɔ bia ne, ye yeɛ okosi sua kɔfa me dumaa kɔto so ɔ.’

1 Ahemvo 8:15

Ɔhane kyɛ, “Animnyam hã AWURADE Yisrael Nyameɛ bɔ ɔnate ye tumi so, nikyee bɔ ɔtele ye noa hyɛle me baba Dawide bɔ ne, wamaa wawa nu ɔ. AWURADE hane kyɛ,

1 Ahemvo 8:19

Nakoso nna wɔ yeɛ ekosi sua ne ɔ, na mmom wɔ bɔbɔ wɔ kunu ba bienzua yeɛ okosi sua ne kɔfa me dumaa kɔto so ɔ.’

1 Ahemvo 8:20

Afei AWURADE ama ye dwirɛ bɔ ɔhane ne awa nu; ofikyɛ mali me baba Dawide bia, na matena Yisrael ahennie bia so, kyɛbɔ AWURADE hyɛle bɔ ne. Na masi sua ne mafa AWURADE Yisrael Nyameɛ dumaa mato so.

1 Ahemvo 9:5

ye de ngɔma w’ahennie bɔ edi ye wɔ Yisrael ne, ye bo kotimu afebɔɔ, kyɛbɔ nhyɛle wɔ baba Dawide bɔ kyɛ, ‘Sona bɔ odi wɔ bia tena Yisrael ahennie bia so ne, ɔngɔbɔ wɔ le’ ne.

2 Ahemvo 8:19

Nakoso AWURADE anzɛkye Yuda, ɔnate ye somvoɛ Dawide ti. Ofikyɛ né wahyɛ Dawide bɔ kyɛ ye boso ama koli bia afebɔɔ.

1 Aberɛso Dwirɛ 17:11

Sɛ wɔ mmerɛ so kyɛ ɛkɔtoa wɔ mbanyi mɔ a, ngɔpagya wɔ bosofoɛ nemɔ ko, bɔ ɔte wɔ kunu ba, na ngɔma ye ahennie kotindim.

2 Aberɛso Dwirɛ 1:9

O, AWURADE Nyameɛ, wɔ bɔhyɛ bɔ ɛhyɛle me baba Dawide ne, maa ɔbra nu, ofikyɛ amaa mali hene wɔ maen bɔ bɛ somaa te kyɛ aseɛnwo mvuture ɔ so.

2 Aberɛso Dwirɛ 13:5

Ɛmɔnze kyɛ AWURADE Yisrael Nyameɛ, ɔnate ngyee apam so fale Yisrael maen ne aso ahennie mane Dawide ne ye boso ama afebɔɔ ɔ?

2 Aberɛso Dwirɛ 21:7

Nakoso ɔnate kyɛ AWURADE ne Dawide bayɛ apam ne ati, AWURADE wanne ahennie ne wamvi Dawide awuro ama bɛ sa nu, ofikyɛ né wahyɛ Dawide bɔ kyɛ ɔkɔmaa ɔne ye boso ama bekonya koliagyaa bɔ ɔkɔtena ye bia so ɔ afebɔɔ.

2 Aberɛso Dwirɛ 23:3

Badwa ne amukoraati bɛ ne Nana Yoase yɛle apam wɔ Nyameɛ awuro berɛ. Na Yehoada sele bɛ kyɛ, “Nana Ahasia awa ne ɛhe oo! Di bia kyɛbɔ AWURADE hyɛle bɔ fale Dawide boso ama nwo ne ala.”

2 Aberɛso Dwirɛ 6:15

Ama ɛbɔ bɔ ɛhyɛle wɔ somvoɛ me baba Dawide ne wawa nu. Nahorɛ nu, ɛtele wɔ noa ɛhyɛle ye bɔ, na ɛnɛ ɛnate wɔ bɔbɔ wɔ tumi so amaa wawa nu.

2 Aberɛso Dwirɛ 6:9

Nakoso nna wɔ yeɛ ekosi sua ne ɔ, na mmom ɛwa bienzua bɔ ɛkɔwo ye yeɛ okosi sua ne kɔfa me dumaa kɔto so ɔ.’

Edwein 89:29

Ngɔma ye boso ama bekoli hene afebɔɔ, na kyɛ nyameɛso tɛwɔ berɛ ye de, ye ahennie kɔtena berɛ.

Yesaya 11:10

Sɔ kyẽa ne, Yese ndii ne kogyina berɛ kɔyɛ frangaa kɔma maen ne; maen maen kɔpena ye si atee, na nekaa bɔ ɔte ne kɔyɛ animnyam nekaa.

Yesaya 9:7

Ye ahennie, yeɛ ye asomdwee kɔhɔ so kɔtrɛ bɔ olle ayieleɛ ɔ; ɔkɔtena Dawide ahennie bia ne aso, okoli ye ahennie ne aso, na ɔkɔfa pɛpɛɛpɛyɛlɛ ne tenenee koli bia ne maa okotindim kogyina, ofi kekesaala ye maa okoodwu afebɔɔ. Asafo AWURADE ye nungunɛhwenɛ sonongo ne yeɛ ɔkɔyɔ ɛhe ɔ.

Yeremia 33:17

“Ofikyɛ AWURADE nwa nyoo: Sona bɔ ɔkɔtena Yisrael awuro ama ahennie bia so ne, ɔngɔbɔ Dawide le,

Daniel 12:2

Na bɛ bɔ balela wɔ aseɛnwo nnɛterɛ nu ne, bɛ nu pee kotingye, ebiemɔ kɔhɔ daa ngoa nu, yeɛ ebiemɔ wora bɛkɔhɔ animguaseɛ ne nyanzoen bɔ olle ayieleɛ ɔ nu.

Mateo 1:1

Yesu Kristo, Dawide bosoniɛ, Abraham bosoniɛ ne, ye afilie nu aworɛ ndoatoasoɛ ɛhe:

Luka 1:32

Ɔkɔyɛ sona titire, na bɛkɔfrɛ ye Anwuro Anwuroniɛ n’Awa; na Awurade Nyameɛ kɔfa ye nana Dawide ahennie bia ne kɔma ye,

Luka 24:27

Na ɔhyɛle ye bo fili Mose ne ngɔmhyɛlɛfoɛ ne amukoraa so ohyirehyire Ahyerɛlɛ ne amukoraa nu dwirɛ bɔ ɔfa ye nwo ɔ nu hyirele bɛ.

Asomafoɛ 13:36

Ofikyɛ, Dawide de, ɔsole Nyameɛ wɔ ye aberɛ so yiele nen, ɔlale, na besiele ye wɔ nekaa bɔ ye nana mɔ la ɔ, na ɔporɔle kumaa nu.

Asomafoɛ 2:30

Né ɔte ngɔmhyɛlɛniɛ, na né ɔse kyɛ Nyameɛ ata ndaen wahã wahyire ye kyɛ ɔkɔma ye bosofoɛ nemɔ ko koli ye bia.

1 Korintofoɛ 15:51

Ɛmɔtie, mekã mvealeɛ nu dwirɛ mekyire ɛmɔ; yɛ mukoraa yɛngɔlela, na yɛkɔkakyi.

Deuteronomi 31:16

Na AWURADE sele Mose kyɛ, “Ɔngɔhyɛ biala, ɛkɔtoa wɔ mbanyi mɔ. Nakoso mmenia hemɔ de, Amaenmaensofoɛ nyameɛ mɔ bɔ bɛwɔ aseɛ bɔ bɛ́kɔ so ne aso ne, bɛkɔbɔ adwaman bekooli bɛ si. Bɛkɔpo me, yeɛ bekobu m’apam bɔ me ne bɛ yɛyɛle ne aso.

1 Tɛsalonikafoɛ 4:14

Na sɛ yɛde yɛdi kyɛ Yesu wuli ná osa tingyele de a, nzaade Nyameɛ kɔfa bɛ bɔ balela nemɔ kɔfa Yesu so kɔboka ye so kɔwa.