2 Samuel 6:21 - AHYERƐLƐ KRONGRON

²¹ Na Dawide buale Mikal kyɛ, “AWURADE bɔ ɔyele wɔ baba ne ye awuro ama mukoraa siele ahameɛ, ná ɔneaneane nu yele me sili me hene wɔ ye maen Yisrael so ne, ye nyunu yeɛ ngole abilie ne ɔ.

2 Samuel 6:21 Iomraidhean Croise

2 Samuel 5:2

Daa ne, bɔ né Sɔɔlo di yɛ so hene ne, né sɛ yɛkɔ oo, sɛ yɛba oo, wɔ yeɛ né edi Yisrael nyunu ɔ. Na AWURADE aha ahyire wɔ kyɛ, Wɔ yeɛ ɛkɔyɛ me maen Yisrael so neafoɛ ɔ, na wɔ yeɛ ɛkɔla Yisrael noa ɔ.”

2 Samuel 6:14

Dawide fale ye anwoserɛ amukoraa gole abilie wɔ AWURADE nyunu. Né Dawide afa ɔsɔfo ataadeɛ bɔ ɔte nwera ɔ wapɛ ye bo.

2 Samuel 6:16

Mmerɛ bɔ AWURADE alaka ne oodwuli Dawide kuro berɛ nen, Sɔɔlo awa brasua Mikal tole ye nye neane mboma nu. Onwuni kyɛ Nana Dawide ohuru pepe go abilie wɔ AWURADE nyunu ɔ, na obuli Dawide animtia wɔ ye ti anu.

2 Samuel 6:22

Ngɔyɔ bɔ ɔtra sɔ koraa, maa ekobu me kyɛ magua me nyunu ase. Nakoso afaneɛ mɔ bɔ ɛkã bɛ nwo dwirɛ ne, bɛ yeɛ bɛkɔhyɛ me animnyam ɔ.”

2 Samuel 6:5

Na Dawide ne Yisrael awuro ama amukoraa bɛfale sangoo, adengum, akasaa, donno ne firikyiwa bɛfale b’anwoserɛ mu bɛtole dwein begole abilie wɔ AWURADE nyunu.

2 Samuel 7:8

“Yiti ka kyire me somvoɛ Dawide kyɛ, Asafo AWURADE nwa nyoo: Me yeɛ nyele wɔ mvili mmoaen nealɛ nu, ɔne mmoaen si lilɛ nu, ná mvale wɔ nduale me maen Yisrael noa ɔ.

1 Aberɛso Dwirɛ 15:29

Mmerɛ bɔ AWURADE alaka ne oodwuli Dawide kuro berɛ nen, Sɔɔlo awa Mikal tole ye nye neane mboma nu. Onwuni kyɛ Nana Dawide ohuru pepe go abilie, na obuli Dawide animtia wɔ ye ti anu.

Asomafoɛ 13:22

Ɛhe asi ne, Nyameɛ tuli Sɔɔlo fili bia so, na ɔfale Dawide sili bɛ so hene. Na edwirɛ he yeɛ Nyameɛ ha fale ye nwo ɔ: ‘Manwu Yese awa Dawide kyɛ ɔte sona bɔ ɔsɔ me nye, na ye yeɛ ɔkɔyɔ m’apɛdeɛ mukoraa ɔ’

1 Korintofoɛ 10:31

Yiti sɛ ɛmɔdidi oo, sɛ ɛmɔno oo, nikyee biala bɔ ɛmɔyɛ ne, ɛ́mɔyɔ ye mukoraa bɛfa bɛhyɛ Nyameɛ animnyam.

1 Samuel 13:14

nakoso kekesaala ye de, w’ahennie ne ngogyina. AWURADE apena sona bɔ ɔla ye ahone nwo ɔ, na AWURADE afa ye ali ye maen so hene, ofikyɛ anni edwirɛ bɔ AWURADE hyɛle wɔ ne aso.”

1 Samuel 15:28

Yeɛ Samuel sele ye kyɛ, “AWURADE ale Yisrael ahennie ne wafi wɔ sa nu ɛnɛ kyẽa ye, na wafa wama sona foforɛ bɔ ɔte paa tra wɔ ɔ.

1 Samuel 16:1

AWURADE bisale Samuel kyɛ, “Kyinzu koraa yeɛ ekoli Sɔɔlo nwo aworabɔlɛ maa okoodwu ɔ? Maye me sa mafi ye bo maa ye sɔ ati ɔtte Yisrael so hene ko. Fa ngoo gua wɔ towaa ne anu ná si nu kɔ. Mésoma wɔ Betlehemniɛ Yese berɛ, ofikyɛ ye mma nemɔ anu ko yeɛ me bɔbɔ maye ye kyɛ oli hene ɔ.”

1 Samuel 16:12

Yese somane maa bɛɛfale ye bɛwale. Né ɔte sona bɔ ɔte apɔ, ye nye mmaa dabadabaa, na ye nwo yɛ nyemene. Na AWURADE sele kyɛ, “Ɛhe ɛne, dwɔso fa ɛpopalɛ ngoo ne gua ye ti so!”