2 Samuel 6:16 - AHYERƐLƐ KRONGRON

¹⁶ Mmerɛ bɔ AWURADE alaka ne oodwuli Dawide kuro berɛ nen, Sɔɔlo awa brasua Mikal tole ye nye neane mboma nu. Onwuni kyɛ Nana Dawide ohuru pepe go abilie wɔ AWURADE nyunu ɔ, na obuli Dawide animtia wɔ ye ti anu.

2 Samuel 6:16 Iomraidhean Croise

2 Samuel 3:14

Na Dawide tuli mmenia maa bɛhɔle Sɔɔlo awa Yisbosɛte berɛ beesele ye kyɛ, “Me ye Mikal bɔ mvale Filistifoɛ ɛyaa ko bɛ bienzua noa nwomaa nyɛle ye nwo nningyein ne, fa me nikyee ma me.”

2 Samuel 5:7

Nakoso Dawide lili Sion kuro bɔ ɔte anwoserɛ afealeɛ ne aso ngonim. Na ye ala yeɛ waayɛ Dawide kuro ne.

2 Samuel 6:15

Na Dawide ne Yisrael awuro ama amukoraa bɛbɔle ese behuli totorobɛndo bɛfale AWURADE alaka ne bɛwale Yerusalem.

2 Samuel 6:20

Nziɛ ye, Dawide sa hɔle kyɛ ɔkwaasrɛ Nyameɛ saleɛ ma ye awuro ama. Yeɛ Sɔɔlo awa Mikal fitele ooyiale Dawide, na osele Dawide kyɛ, “Ɛnɛ de, Yisrael hene ayɛ ye nwo bie paa! Wapa ye nwo ɛnɛ wɔ ye somvoɛ mɔ b’afaneɛ mɔ nyunu, kyɛbɔ sona bɔ ɔnze nyanzoen si pa ye nwo ɔ!”

1 Aberɛso Dwirɛ 15:29

Mmerɛ bɔ AWURADE alaka ne oodwuli Dawide kuro berɛ nen, Sɔɔlo awa Mikal tole ye nye neane mboma nu. Onwuni kyɛ Nana Dawide ohuru pepe go abilie, na obuli Dawide animtia wɔ ye ti anu.

Edwein 123:3

Nwu yɛ anwumvoin, ao AWURADE, nwu yɛ anwumvoin, ofikyɛ animguaseɛ ato yɛ maa wafono yɛ.

Edwein 69:7

Ɔnate wɔ ti yeɛ male animguaseɛ ye, animguaseɛ bɔ ɔmata me ye.

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Asomafoɛ 2:13

Nakoso ebiemɔ koso serele bɛ bɛhane kyɛ, “Nzaa foforɛ yeɛ wabo bɛ ɔ!”

1 Korintofoɛ 2:14

Ebiala bɔ Nyameɛ Sunzum nne ye nu ne, onnya akyɛdeɛ bɔ befi Sunzum ne berɛ ne, ofikyɛ akyɛdeɛ ne te sɔ sona ne nye so ngwaseasɛm; yeɛ ɔngora nde bɛ bo koso, ofikyɛ Sunzum ne yeɛ ɔboka sona maa ɔte akyɛdeɛ ne bo ɔ.

1 Samuel 18:17

Afei Sɔɔlo sele Dawide kyɛ, “Nea, mma brasua panyi Merabo ɛhe. Ngɔfa ye ngɔmaa ekogya, nakoso sana etu wɔ nwo sie berɛ ma me, ná ɛko AWURADE koɛ ne.” Né Sɔɔlo adwene ole kyɛ, “Me de, mengɔfa me sa mengɔhã ye; Filistifoɛ yeɛ mekuro kyɛ beku ye ɔ.”

1 Samuel 18:20

Né Sɔɔlo awa brasua Mikal kuro Dawide. Na bɛbɔle Sɔɔlo amaneɛ nen, ɔyɛle Sɔɔlo fɛ.