2 Samuel 6:12 - AHYERƐLƐ KRONGRON

¹² Na ebiemɔ bɛbɔle Nana Dawide amaneɛ kyɛ, “Ɔnate Nyameɛ alaka ne ati, AWURADE ayira Obɛde Edom awuro ama, ɔne bɔ ole ye amukoraa.” Yiti Dawide hɔle anigye so ɔɔfale Nyameɛ alaka ne fili Obɛde Edom awuro wale Dawide kuro ne anu.

2 Samuel 6:12 Iomraidhean Croise

2 Samuel 5:7

Nakoso Dawide lili Sion kuro bɔ ɔte anwoserɛ afealeɛ ne aso ngonim. Na ye ala yeɛ waayɛ Dawide kuro ne.

1 Ahemvo 8:1

Afei Yisrael mbanyi, mmusua kure mbanyi nemɔ amukoraa, yeɛ Yisraelfoɛ bɛ nana mɔ sasofoɛ mbanyi nemɔ, Nana Solomon boaboale bɛ noa maa beyiale wɔ ye nyunu wɔ Yerusalem, kyɛ bɛɛfa AWURADE apam alaka ne béfi Dawide kuro Sion bɛbra.

1 Ahemvo 8:3

Yisrael mbanyi amukoraa bɛwale, na né asɔfo nemɔ bɛso apam alaka ne.

1 Ahemvo 8:4

Yiti bɛfale AWURADE apam alaka ne, yeɛ ɛtena sua atenaleɛ ne ɔne nu nningyein krongron amukoraati bɛwale. Asɔfo nemɔ ne Lewifoɛ nemɔ yeɛ bɛfa bɛwale ɔ.

1 Aberɛso Dwirɛ 15:15

Na Nyameɛ alaka ne, Lewifoɛ bɛfale ye mbuna bɔ owurawura nu ne bɛtole bɛ kɔme anwo bɛsoale alaka ne, kyɛbɔ Mose gyinane AWURADE dwirɛ so fale ahyɛdeɛ mane bɛ ne ala.

1 Aberɛso Dwirɛ 15:25

Yiti Dawide ne Yisrael mbanyi ne koɛhonɛfoɛ apee so safohene nemɔ, bele ahurusi bɛhɔ bɛɛfale AWURADE apam alaka ne befili Obɛde Edom awuro bɛwale.

1 Aberɛso Dwirɛ 16:16

apam bɔ ɔne Abraham bɛyɔle ne, bɔhyɛ bɔ ɔtale ndaen foale so fa mane Yisake ne,

1 Aberɛso Dwirɛ 26:4

Né Obɛde Edom le mmaa mmienzua: Semaya te bamuɛbaa, Yehosabade tɔ so nyɔ, Yoa tɔ so nza, Saka tɔ so nna, Netanɛl tɔ so nnu,

1 Aberɛso Dwirɛ 26:5

Amiɛl tɔ so nzia, Yisaka tɔ so nzoo, yeɛ Pewuletae tɔ so mmɔtwɛ, ofikyɛ AWURADE yirale Obɛde Edom.

2 Aberɛso Dwirɛ 5:2

Afei Yisrael mbanyi, mmusua kure mbanyi nemɔ amukoraa, ɔne Yisraelfoɛ bɛ nana mɔ sasofoɛ mbanyi nemɔ, Solomon boaboale bɛ noa maa beyiale wɔ Yerusalem, kyɛ bɛɛfa AWURADE apam alaka ne béfi Dawide kuro Sion bɛbra.

Mateo 10:42

Na ebiala bɔ ɔkɔma mmaa mmaa hemɔ anu ko nzue frɔlɔɔ kwangoa ko, ɔnate kyɛ onwu ye kyɛ ɔte suaniɛ ne ati nen, nahorɛ nu mekã mekyire ɛmɔ kyɛ, ye akatuaa ngɔbɔ ye.”