2 Samuel 5:9 - AHYERƐLƐ KRONGRON

⁹ Dawide tenane anwoserɛ afealeɛ ne anu, na ɔtole berɛ dumaa Dawide kuro. Dawide tole kuro ne anwo fasue bra yiale, fite nekaa bɔ bɛfrɛ ye Milo ne maa oodwuli kuro ne anu.

2 Samuel 5:9 Iomraidhean Croise

2 Samuel 5:7

Nakoso Dawide lili Sion kuro bɔ ɔte anwoserɛ afealeɛ ne aso ngonim. Na ye ala yeɛ waayɛ Dawide kuro ne.

2 Samuel 5:8

Sɔ kyẽa ne, Dawide sele kyɛ, “Ebiala bɔ ɔpena kyɛ okoku Yebusifoɛ nen, bɛ bɔen bɔ bapɛ bɔ nzue tengyɛ fa nu ba kuro ne anu ne, odi kyɛ okowura nu kuku mmenia bɔ bɛnwa bɛte mmubuafoɛ ne anyesiniwaafoɛ bɔ bɛ nwo ayɛ me Dawide ahi ne.” Ɛhe ati yeɛ waayɛ edwirɛ bɔ ɔla berɛ kyɛ, “Anyesiniwaafoɛ ne mmubuafoɛ gya baa ndia (Nyameɛ) awuro berɛ.”

2 Samuel 6:10

Yiti Dawide anguro kyɛ ɔkɔfa AWURADE alaka ne ɔkɔ ye awuro wɔ Dawide kuro ne anu, na mmom Dawide makye fale alaka ne hɔle Gitiniɛ Obɛde Edom awuro.

1 Ahemvo 11:27

Edwirɛ bɔ ɔmaa ɔyɛle Nana Solomon nwo lɔen ne ɛhe: Solomon sili sua bɔ bɛfrɛ ye Milo ne, na ndokuro bɔ ɔlela ye baba Dawide kuro fasue ne anu ne, otuatuale bɛ.

1 Ahemvo 2:10

Afei Dawide toale ye mbanyi mɔ, na besiele ye wɔ Dawide kuro.

1 Ahemvo 9:15

Kyɛbɔ Nana Solomon hyɛle mmenia maa bɛyɔle suasilɛ adwuma ne, ye nwo edwirɛ ɛhe: sua nemɔ ole AWURADE awuro ne, ye bɔbɔ ye ahemvie ne, sua bɔ bɛfrɛ ye Milo ne, ɔne Yerusalem fasue ne, Hasɔ, Megido yeɛ Gɛsɛre.

1 Ahemvo 9:24

Nakoso Faro awa brasua ne, otu fili Dawide kuro ne anu hɔle ye bɔbɔ ye awuro bɔ Solomon si mane ye ne anu. Afei Solomon sili sua bɔ bɛfrɛ ye Milo ne.

2 Ahemvo 12:20

Yoase mbanyi mɔ yɛle lɔen, bɛbɔle ye nwo porɛ, na behuni ye wɔ sua bɔ bɛfrɛ ye Milo bɔ ɔwɔ Sila atee so ne anu.

2 Ahemvo 12:21

Simeate awa Yosaka ɔne Somere awa Yehosabade bɔ bɛte ye mbanyi mɔ ne yeɛ behuni ye ɔ. Besiele ye wɔ nekaa bɔ besiele ye mbanyi mɔ ɔ, wɔ Dawide kuro, na ɔwa bienzua Amasia lili ye bia.

1 Aberɛso Dwirɛ 11:8

Ɔkyekyele kuro ne bra yiale, fi sua bɔ bɛfrɛ ye Milo ne maa ye noa ooyiale, na Yoabo siesiele kuro berɛ sua ngaa bɔ basɛkye nemɔ.

2 Aberɛso Dwirɛ 32:5

Hesekia hyɛle ye bo yɔle adwuma serɛ, na fasue bɔ né wabu wagua ase ne, besili ye mukoraa, na osisili abandenden siesiele so. Osili fasue bieku wɔ ye si. Sua bɔ bɛfrɛ ye Milo bɔ ɔwɔ Dawide kuro berɛ ne, ɔyɔle ye yé, na ɔyɔle akodeɛ ne akokyɛm pee.

Nehemia 3:15

Na Salum bɔ ye baba ole Misepa manzini amrado Kolhose ne, ɔyɔle Mbombonzue Pambim ne, osa sili, ɔkatale so, na otuatuale ye anoa nemɔ, na bɛfale mberɛgoo bemiamiane mmuralɛ bɔ ɔbrambram ye si ne anu. Na Sela Ɛkwaa fasue bɔ ɔwɔ Nana ye turo ne anu ne, osili alaa oodwuli atweleɛ bɔ ɔtoro kɔ Dawide kuro ne anu nwo.

Edwein 122:3

Yerusalem, bakyekye ye kyɛ kuro bɔ bakyekye bama nu amia ɔ.

Yesaya 29:1

Ariɛl, Ariɛl, kuro bɔ Dawide ɔɔtenane so ne, wɔ yaakɔ oo! Afoɛnoa afoɛnoa biala, ɛ́mɔli aluolue nemɔ,

Maenbulɛfoɛ 9:20

Na sɛ nna sɔ yeɛ ɔte hɔ a, ye de see ófi Abimɛlɛke nu ɔɔyera Sɛkem ne Bete Milo mbanyi; ná see ófi Sɛkem ne Bete Milo mbanyi mɔ nu ɔɔyera Abimɛlɛke.”

Maenbulɛfoɛ 9:6

Yeɛ Sɛkem ne Bete Milo mbanyi amukoraati bɛbɔle nu, na bɛhɔle beesili Abimɛlɛke ɛhene wɔ eluii ne abo. Eluii ne pingye bonima bɔ ɔwɔ Sɛkem ne.