2 Samuel 5:7 - AHYERƐLƐ KRONGRON

⁷ Nakoso Dawide lili Sion kuro bɔ ɔte anwoserɛ afealeɛ ne aso ngonim. Na ye ala yeɛ waayɛ Dawide kuro ne.

2 Samuel 5:7 Iomraidhean Croise

2 Samuel 5:8

Sɔ kyẽa ne, Dawide sele kyɛ, “Ebiala bɔ ɔpena kyɛ okoku Yebusifoɛ nen, bɛ bɔen bɔ bapɛ bɔ nzue tengyɛ fa nu ba kuro ne anu ne, odi kyɛ okowura nu kuku mmenia bɔ bɛnwa bɛte mmubuafoɛ ne anyesiniwaafoɛ bɔ bɛ nwo ayɛ me Dawide ahi ne.” Ɛhe ati yeɛ waayɛ edwirɛ bɔ ɔla berɛ kyɛ, “Anyesiniwaafoɛ ne mmubuafoɛ gya baa ndia (Nyameɛ) awuro berɛ.”

2 Samuel 5:9

Dawide tenane anwoserɛ afealeɛ ne anu, na ɔtole berɛ dumaa Dawide kuro. Dawide tole kuro ne anwo fasue bra yiale, fite nekaa bɔ bɛfrɛ ye Milo ne maa oodwuli kuro ne anu.

2 Samuel 6:10

Yiti Dawide anguro kyɛ ɔkɔfa AWURADE alaka ne ɔkɔ ye awuro wɔ Dawide kuro ne anu, na mmom Dawide makye fale alaka ne hɔle Gitiniɛ Obɛde Edom awuro.

2 Samuel 6:12

Na ebiemɔ bɛbɔle Nana Dawide amaneɛ kyɛ, “Ɔnate Nyameɛ alaka ne ati, AWURADE ayira Obɛde Edom awuro ama, ɔne bɔ ole ye amukoraa.” Yiti Dawide hɔle anigye so ɔɔfale Nyameɛ alaka ne fili Obɛde Edom awuro wale Dawide kuro ne anu.

2 Samuel 6:16

Mmerɛ bɔ AWURADE alaka ne oodwuli Dawide kuro berɛ nen, Sɔɔlo awa brasua Mikal tole ye nye neane mboma nu. Onwuni kyɛ Nana Dawide ohuru pepe go abilie wɔ AWURADE nyunu ɔ, na obuli Dawide animtia wɔ ye ti anu.

1 Ahemvo 2:10

Afei Dawide toale ye mbanyi mɔ, na besiele ye wɔ Dawide kuro.

1 Ahemvo 3:1

Solomon ne Misraim hene Faro bɛyɛle apam maa ɔnate so ogyale Faro awa brasua. Solomon fale braa ne wale Dawide kuro ne aso maa ɔɔtenane berɛ, kɔpem kyɛ ye ahemvie ne, AWURADE awuro ne, ɔne Yerusalem nwo fasue ne, oyiele bɛ si ɔ.

1 Ahemvo 8:1

Afei Yisrael mbanyi, mmusua kure mbanyi nemɔ amukoraa, yeɛ Yisraelfoɛ bɛ nana mɔ sasofoɛ mbanyi nemɔ, Nana Solomon boaboale bɛ noa maa beyiale wɔ ye nyunu wɔ Yerusalem, kyɛ bɛɛfa AWURADE apam alaka ne béfi Dawide kuro Sion bɛbra.

1 Ahemvo 9:24

Nakoso Faro awa brasua ne, otu fili Dawide kuro ne anu hɔle ye bɔbɔ ye awuro bɔ Solomon si mane ye ne anu. Afei Solomon sili sua bɔ bɛfrɛ ye Milo ne.

1 Aberɛso Dwirɛ 11:7

Dawide kyekyele ye atenaleɛ wɔ anwoserɛ afealeɛ berɛ, yiti bɛfrɛle berɛ Dawide kuro.

2 Aberɛso Dwirɛ 24:16

Na besiele ye wɔ Dawide kuro wɔ ahemvo asieleɛ, ofikyɛ ɔyɛle nikyee paa wɔ Yisrael mane Nyameɛ ne Nyameɛ awuro ne.

2 Aberɛso Dwirɛ 5:2

Afei Yisrael mbanyi, mmusua kure mbanyi nemɔ amukoraa, ɔne Yisraelfoɛ bɛ nana mɔ sasofoɛ mbanyi nemɔ, Solomon boaboale bɛ noa maa beyiale wɔ Yerusalem, kyɛ bɛɛfa AWURADE apam alaka ne béfi Dawide kuro Sion bɛbra.

Nehemia 3:15

Na Salum bɔ ye baba ole Misepa manzini amrado Kolhose ne, ɔyɔle Mbombonzue Pambim ne, osa sili, ɔkatale so, na otuatuale ye anoa nemɔ, na bɛfale mberɛgoo bemiamiane mmuralɛ bɔ ɔbrambram ye si ne anu. Na Sela Ɛkwaa fasue bɔ ɔwɔ Nana ye turo ne anu ne, osili alaa oodwuli atweleɛ bɔ ɔtoro kɔ Dawide kuro ne anu nwo.

Edwein 132:13

Ofikyɛ AWURADE aneanea nu waye Sion; wahuro kyɛ ɔkɔfa berɛ kɔyɛ ye atenaleɛ:

Edwein 2:6

“Me AWURADE, me bɔbɔ, masi me hene mafa ye matena me bokaa krongron Sion so.”

Edwein 48:12

Ɛ́mɔnate behyini Sion nwo bɛbra beyia, ɛmɔha ye abandenden nemɔ;

Edwein 48:3

Nyameɛ wɔ kuro berɛ anwoserɛ afealeɛ ne anu, na wahyire kyɛ ye yeɛ ɔbɔ kuro ne anwo waen ɔ amba.

Edwein 51:18

Maa ɔyɛ wɔ anigye kyɛ ɛkɔma Sion konya ngɔsoɛ ɔ; si Yerusalem fasue nemɔ.

Edwein 87:2

AWURADE kuro Sion pambim nemɔ dwirɛ tra Yakob atenaleɛ amukoraa.

Edwein 9:11

Ɛ́mɔto AWURADE bɔ ɔte Sion ne nwo ayɛyelɛ dwein. Ɛmɔhã bɔ wayɔ ɔ wɔ maen maen mɔ so.

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Yesaya 59:20

Defoɛ ne kɔwa Sion, ɔkɔwa kɔma Yakob boso ama bɔ bɛtwe bɛ nwo befi mmeraatolɛ nwo ɔ, AWURADE noa dwirɛ ɛne.

Yeremia 21:13

Tie, wɔ bɔ ɛte bɔnza ne anu, wɔ bɔ ɛte aseɛ frɛtɛɛ so nyɔbotaen ɔ, meko metia wɔ, ɛmɔ bɔ ɛmɔkekã kyɛ, ‘Nwa yeɛ okodwu kɔwa yɛ so ɔ, anaakyɛ nwa yeɛ okowura y’atenaleɛ mɔ nu ɔ?’ AWURADE noa dwirɛ ɛne.

Mika 4:2

na maen maen pee kɔwa bɛkɔɔhã kyɛ, “Ɛmɔbra maa yɛfo yɛhɔ AWURADE bokaa ne aso, yɛhɔ Yakob Nyameɛ n’awuro berɛ, amaa ɔnate so wahyirehyire yɛ ye atee, ná yanate ye atimbire so.” Ofikyɛ Sion yeɛ mmeraa ne kofi kɔwa ɔ, na AWURADE dwirɛ ne kofi Yerusalem yeɛ ɔkɔwa ɔ.

Romanfoɛ 9:33

kyɛbɔ bahyerɛ kyɛ, “Tie, méfa nyɔboɛ bie méto Sion bɔ ɔkɔyɛ sundiboɔ kɔma mmenia ɔ, nyɔbotaen bɔ ɔkɔmaa bekofi ase ɔ; nakoso ebiala bɔ okole ye koli ne, ye nyunu ngogua ase.”

Hebrifoɛ 12:22

Na mmom ɛmɔawa Sion bokaa ne anwo, ɔne Nyameɛ teasefoɛ ne kuro, bɔ ɔte nyameɛso Yerusalem ne anu, yeɛ abɔfo kure kure bɔ bɛka a bennwu bɛ noa, bɔ bɛyɛ anigye nyianu ɔ bɛ berɛ.

Nyekyire 14:1

Afei ndole me nye, na yieee, né Boaen Ba ne gyi Sion bokaa ne aso. Na bɛ bɔ bɛboka ye so ne bɛte apee sɔ alaa ɛyaa ko ne aburanna ne nna, bɔ bahyerɛ ye dumaa ne ye Baba dumaa wɔ bɛ nwoma so ɔ.